Lenkawl

Kum 2022 atanga kumin April thla tawp thleng khan Mizoram-ah mipa ruang chhar 126 leh hmeichhe ruang chhar 9, a vaiin 135 a awm tawh.

India ram Hospital tha bik tehna, NQAS Certification chu Mizoram-a District Hospital pathum - Civil Hospital Aizawl, Civil Hospital Lunglei leh Champhai District Hospital bakah Urban Primary Health Centre pakhat, ITI UPHC te hnenah hlan a ni a, heti hian Mizoram-ah NQAS Certified facility pariat a awm ta a ni. National Health Mission (NHM) Mission Director Dr. Eric Zomawia chuan Mizoram-ah India ram-a damdawi In tha bik a thlanchhuah a awm zel chu mellung pawimawh tak a nih thu sawiin, hetiang ang hlawhtlinna neih anih theihnana thawktu zawng zawng te inpekna leh thawhho thatna te avangin lawmthu a sawi a ni. 

Aizawl Vaivakawn atanga Zohnuai panna kawng lei tlahniam avanga harsatna thleng chu nimin khan Minister ten a hmunah tlawhin an enfiah.

Kum 2013 atanga Navi Mumbai-a Mizoram State Guest House & Emporium sak hna chu tun thlenga zawh ala nih loh avangin a satu tur a thara ngaihtuah a ni dawn.

Mizoram Chamber of Commerce & Industries (MCCI) zirchianna a a landanin Aizawl-a thlai thar man to chhan chu a phurhna man to vang a ni.

MNF Thalai President leh MLA Robert Romawia Royte chuan ZPM Sawrkar hotute dawt sawi hrang puangchhuak turin ‘Dawt hal Programme’ an siam tur thu a sawi.

Mizoram chhungah Samagra Shiksha hnuaia zirlaibu a thlawn a sem la dawngkimlo School 1270 an la awm.

Local Administration Department (LAD) changtu Minister C. Lalsawivunga chuan sawrkar in a sum neih ang ang te Revenue thawkchhuak zawnga hmang turin a kalpui zel tih a sawi.

Mizoram Police chuan Mahindra & Mahindra Financial Services Ltd. (MMFSL) chhunga sum tih chingpenna lian ber, North East States pum tuamtu chu chhui chhoh zel a ni tih sawiin, Assam leh Mizoram chhunga mawhphurtute pawh an nih tawh thu leh Chargesheet thehluh a nih tawh thu an sawi bawk.