Latest News

JAC on ILRFD ten CM hnenah ngenna an thlen

Joint Action Committee on Inner Line Reserved Forest Demand-in Assam Forest Department-in a enkawl mek Square Mile 509 Inner Line Reserved Forest leh kum 1972 atanga Mizoram hnena Chhiah an pek tak loh dil let leh tura an ngenna chu tunkar chhunga enzui sak tur leh hmala turin Chief Minister Zoramthanga an ngen.

Nimin-a Chief Minister Office-a ngenna an thehluh ah JAC on ILRFD chuan Inner Line Reserved Forest leh kum 1972 atanga Mizoram hnena Chhiah an pek tak loh dil let leh tura ngenna hi kumin July ni 22 khan Forest Minister, TJ. Lalnuntluanga hnenah an lo thehlut tawh tih an sawi a. An ngenna chungchangah hian Vawiin thlengin lehkha kal zel dan leh hmalak dan an hre zui tawh lo a. Hei mai hi ni lovin tun thla ni 17-a Boundary Committee thutkhawmna ah khan hemi chungchang hi ngaihtuah tura an thehluh bakah Boundary Committee Chairman hnenah sawina hun siamsak tura an ngenna chu tihhlawhtlin a nih loh avangin Chief Minister, Zoramthanga chu tunkar chhung ngeia an ngenna hi lo enzui a, hmalak a nih ngei theih nan bawhzui sak turin an ngen a ni.

Joint Action Committee on Inner Line Reserved Forest Demand chuan an ngenna hian awmzia a nei lo a nih chuan an ngenna hian a awmzai a neih theih nan leh a hlawhtlin ngei theih nan a tul anga hmalak zui zel an tum thu an sawi bawk a ni.

Comments

Popular News (Last 30 Days)