Lenkawl

Niminpiah khan Serchhip District-ah CO-VID-19 hri kai mi 2 hmuhchhuah niin nimin khan hri kai mi 6 te chu enkawl dam an ni.

Mizoram-a COVID-19 hri kai hmuhchhuah chuan hniam lam ala pan thei tak tak lova, niminpiah khan Mizoram-ah Sample 3485 enfiah leh niin heng atang hian hri kai 239 hmuhchhuah an ni a, Sample enfiah atanga za zela 6.85 te chuan hri an kai a ni.

Serchhip Thalai Pawl (STP) chuan Serchhip District Hospital-a Doctor sawn tura tih chu en-nawn sak leh turin thuneitute an ngen.

Larsap in chawimawina hlan

Chief Minister Zoramthanga chuan kan sawrkar in sum thu a harsatna a tawh te chu mipui ten an hriatpui tha a tih thu a sawi.

Salvation Army, India Eastern Territory a Territorial Commander, Commissioner Lalzam-lova chu nimin zing khan Lungphuchawl in a boral a, nimin khan vuiliam nghal a ni.

Health Minister Dr. R. Lalthangliana chuan Mizoram-ah nitin Personal Protective Equipment (PPE) 500 bawr vel hmang ang kan nih thu a sawi.

Serchhip District chhunga Vawk hri, African Swine Fever (ASF) lenna hmuna Vawk thi chu 112 a tling ta.

Serchhip Sub-Hqrs. Kumpuan Committee chuan nimin khan Serchhip-a Internet Service Provider hrang hrangte kawmin Under-Graduate/Post-Graduate Examination neih turah zirlai ten Internet Service tha an hmuh theihna turin hma an la.

Kumin Thal chhunga khawkheng rei lutuk avanga Sangha Dil nei harsatna tawk chu Serchhip District-ah chhungkaw 43 zet an tling tawh a, khawlum leh tui harsa avanga Sangha thi pawh quintal 5 aia tam a awm bakah Sangha a nung chunga man pawh tam tham tak a awm tawh nia thudawn a ni.