Chanchin thar thenkhat :

EDS hnuaiah intihsikna hawng

Mizoram Sawrkar chuan Entrepreneurship Development Scheme (EDS) hnuaiah a vawi 4-na atan Mizoram Rahbi –Micro Start-up Capital Competition 4.0 a hawng leh ta. He intihsiakna hi Entrepreneurship Development Centre Mizoram, Planning & Programme Implementation Department buatsaih niin, Mizoram chhung a mahni kutkawih sumdawnna bultan tawh leh bultan mek te telna tur a ruahman a ni a, Dec. 10, 2021 atanga January 10, 2022 thleng inziahluh theih a ni. He intihsiakna a inziaklut zawng zawng in EDC Mizoram kaihhruaina hnuaiah Business Plan siam dan leh Soft Skills-ah te Sorkshop tha tak an nei anga, chumi zawhah an Business Plan hmangin an intihsiak dawn a ni. He intihsiakna ah hian a tawp a titha zual tan an Business Plan atanga 75% (upto Rs. 7.5 lakhs) thleng Startup Fund hmuh theih a ni dawn a ni.

Hodaigri Festival hmang

Sports Minister Robert Romawia Royte chuan nimin khan Sihthiang Old Playground-ah State Level Hodaigri Festival vawi 2-na chu a hmanpui a, Hodaigri Festival pawimawh tak hmang thei tura Bru Cultural Organisation te hmalakna chu lawmawm a tih thu Minister chuan sawiin, Hodaigri Festival chuan Mizoram chhunga hnam hrang hrangte karah inunauna tha zawk a thlen chu Mizoram Sawrkar pawhin a duhdan a nih thu a sawi bawk. He hunah hian ‘Hnam ziarang hloh chu hnam bo a ni’ tih thupui-ah hman niin kumtluana Bru (Reang) te an hnathawhna, tluang taka an thawk zo thei an lawmzia lantir nana hman thin a ni.

Reiek-ah Rural Haat hawng

National Bank for Agriculture and Rural Development (NABARD) Chairman Dr. G.R. Chintala chuan nimin khan Reiek khua tlawhin NABARD Fund hmanga siam Rural Haat building a hawng a. Reiek Rural Haat sak nan hian cheng nuai 10.50 hman niin NABARD atangin cheng nuai 9.975 hmuh a ni a, a bak zawng hi VC ten an tum thung a ni.

Mizo Film thar tlangzarh

I&PR Director Lallianpuii chuan nimin khan Aizawl-a Vanapa Hall-ah Mizo film thar ‘Nuteii Thingpui Dawr’ tih chu a tlangzarh a, he hunah hian I&PR Director chuan tunhnaia Mizo film siamtute ah hmasawnna a sang hle tih sawiin, Mizo film hi kan hlut chho telh telh dawn tih a sawi a, film siamtu talent nei tha tak takte chu tang chho zel tur leh film tha tak tak siam tam turin a fuih bawk.

RT-PCR khawl bun \an

Thorang bialtu MLA Zodintluanga’n nikum June 26-a Lunglei Civil Hospital tana RT-PCR khawl a pek chu Mizoram Sawrkar in Makeshift Laboratory a dinna, Tourist Lodge Zotlang-ah bun tan a ni ta a, he hna thawh hi nimin khan ZPM Southern Hqrs. hruaitute chuan tlawhin, tangkai taka hman an nghahhleh thu an sawi bawk.