Lenkawl

Mamit District in Mizoram-a a hmasa ber ni tura ODF Plus Model District an nih lawmna chu nimin khan Mamit Chhim Veng YMA Hall ah neih niin Deputy Chief Minister Tawnluia chuan a hmanpui a, ODF Plus Model District ni thei tura thwktute chungah lawmthu sawiin, Mamit District chhunga Constituency pathum-a WATSAN Committee te hnenah lawmpuina thuziak a hlan nghal bawk. Mamit District hi July 13, 2023 khan ODF Plus Model District-ah puan niin khaw 84 leh khaw per 4 a awm a ni.

 Mamit District in Mizoram-a a hmasa ber ni tura ODF Plus Model District an nih lawmna chu nimin khan Mamit Chhim Veng YMA Hall ah neih niin Deputy Chief Minister Tawnluia chuan a hmanpui a, ODF Plus Model District ni thei tura thwktute chungah lawmthu sawiin, Mamit District chhunga Constituency pathum-a WATSAN Committee te hnenah lawmpuina thuziak a hlan nghal bawk. Mamit District hi July 13, 2023 khan ODF Plus Model District-ah puan niin khaw 84 leh khaw per 4 a awm a ni.

Central Jail-a tang, kumin August 26-a a inentir haw lam Aizawl Vaivakawn-a Ambulance atanga tlanchhuak ta Johan M. Hnamte chu hun engemaw chen zawn a nih hnuah man leh a ni a, thudawn danin Johan M. Hnamte hi Guwahati-ah Assam Police ten an man a, Mizoram Police te nen an inbiak hnuah amah ngei a ni tih finfiah niin, Mizoram Police te Guwa-hati-ah an kal a, nizan hmasa khan Aizawl rawn thlenpui a ni. Johan M. Hnamte hi ruihhlo kaih-hnawiha man a ni.

Central YMA chuan Sawrkar laipui hmalakna a India ram mipuiten a huhoa darkar khat (1) chhung Faina hnatlang 'Ek Tareekh, Ek Ghanta,ek Sath' nei tura ruahmanna a siam chu tha an tih rualin, hnatlang neih tura ruat Octobdr ni 1 chu Pathianni, Kristiante tan Ni serh leh Pathian kan biakna ni a nih avangin hemi ni a faina hnatlang neih chu YMA chuan a remchangloa an hriat thu an sawi a. India ram, Sakhaw zalenna rama sakhaw pakhat ni pawimawha hetianga ruahmanna siam chu tha an tih loh bakah, Kristiante Pathian biakna ni ngaih pawimawh lohnaa an ngai tih sawiin, hei vang hian Mizoram sawrkar chu hemi ni a faina hnatlang buatsaih lo tur leh hun remchanga buat-saih zawk turin an ngen bawk.

Mizoram-a cham mek Ministry of Health & Family Welfare-a Joint Secretary (GM) Ghulam Mustafa chu nimin khan Aibawk PHC-a Ayushman Mela hmannaah telin Mizoram-a he hmalakna kalpui dan a endik tan a, Ghulam Mustafa hi thla khat chhung awh Ayushman Bhava Campaign Mizoram-a kalpui dan enfiah hna thawk tura Ministry-in Nodal Officer atana a ruat a ni. Nimin vek khan Joint Secretary (GM) hian Zoram Medical College tlawhin Director leh thawktu te nen an thukhawm a, Hospital tlawhkualin ZMC hotute hian an mamawh hrang hrang te an thlirpui a. Niminpiah khan Lengpui CHC leh RIPANS te tlawhin thawktute nen an inkawm bawk a ni. Joint Secretary (GM) hian Vawiin hian Swachhta Seva, khawtlang tihfai runpui chu Hlimen UPHC leh a khawchhungah a hmanpui leh dawn a ni.

Mizo Zaimi Inzawmkhawm (MZI) Rorel Inkhawm 2023 chu niminpiah khan Kolasib-ah neih a ni. MZI Rorel Inkhawm hi General Conference nen kum karthlak in neih thin a ni a, kumin hian Diakkawn YMA Hall-ah General Headquarters, District Headquarters, Sub-Headquarters leh Branch hrang hrang atanga palaite'n rorelin an Member chatuan ram pantate sunna hun hman a nih bakah MZI Dan Bu thar tlangzarh a ni a. Headquarters tin atangin report ngaihthlak a ni bawk.

Home Minister Lalchamliana chuan nimin khan Kolasib District chhung Vairengte-ah 1st India Reserve (IR) Battalion Company Advance Headquarters thar a hawng.

Commerce & Industries Department changtu Secretary R. Lalramnghaka chuan nimin khan Aizawl Press Club-ah thuthar thehdarhtute kawmin Grand Gandhi Jayanti Exhibition neih tur chungchang a sawifiah.

Mamit bialtu MLA Er. H. Lalzirliana chuan nimin zing khan Lengpui CHC-ah X-Ray khawl leh Table bakah Ambulance te a hlan a, heng khawl thar an neih avanga a lawmpui thu sawiin, heng thil te an neih theih na chu ama lo thawh tawhna thin HPCL Company te'n an CSR Fund atanga an pek anih thu a sawi. Nimin vek khan Mamit bialtu MLA hian Lengpui khuaa mi engemaw zatte tan an mamawh hrang hrang- Wheelchair, Bengdar, Puanthui khawl, Gas Connection thar, Pheikhawk siamna leh zakdawh tiang te chu a sem nghal bawk a ni.

Mizoram sawrkar ruahmanna hnuaia a hmasa ber atan nimin khan ‘Mim Kut’ hman a ni a, Mim Kut hman dan ruahmantu State Level Steering Committee Chairman leh Social Welfare & Tribal Affairs changtu Minister Er. Lalrinawma chu Kut Thlengtu a ni.

Health Minister Dr. R. Lalthangliana chuan nimin leh niminpiah ah te khan a Bial chhung khaw thenkhat tlawhin sawrkar hmalakna hnuaia hnathawh thenkhat a hawng.

Jal Jeevan Mission 2021-2024 hnuaiah cheng nuai 320 senga siam Vangtlang Water Supply Scheme (Solar Pumping) chu nimin khan PHE Department changtu Deputy Chief Minister Tawnluia chuan a hawng a, he tuilakna atan hian Sihpui lui chu nizung chakna hmanga lak niin nitin tui litre 37,000 pump chhuak thei tur a duan a ni. He tuilak hna hi HS Construction ten thawkin nikum November thla ah hna thawh tan a ni a, mipui 700 chawm zo tura ruahman a nih bakah an khaw tuilakna hlui chu siamthat nghal a ni bawk.

Mizoram Kohhran Hruaitute Committee (MKHC) hruaitute chuan nimin khan Chief Minister Zoramthanga hmuin sawrkar laipui in Faina beihpui thlak hnatlang (Nationwide Cleanliness Drive) October 1, 2023 (Pathianni) a neih tura a ruahman chungchang an sawipui a. Oct. 1, 2023 chu Pathianni, Kristian te ni serh pawimawh tak leh Pathian kan biak ni-a neih chu tha an tih loh thu leh a tuk, Oct. 2-ah neih nise an duh thu an thlen a, Chief Minister chuan rem a lo tihpui bawk a ni.

Mizoram Rural Bank (MRB) chuan an kum 40-na, Ruby Jubilee chu niminpiah khan an lawm a, nikum atang khan Ruby Jubilee lawmna hi an lo kalpui tan tawh a ni. MRB hian hian Head Office 1, Regional Office 2 leh Branch 102 neiin, thawktu mi 470 an awm mek a, anmahni dawrtute zawng zawng chungah lawmthu an sawi bawk.

Tuichang bialtu MLA leh Deputy Chief Minister Tawnluia chuan a bial chhunga khaw hrang hrang fang mekin nimin khan Khawhai, Chalrang leh New Chalrang khua te a tlawh a, bialtu MLA a nih anga hmalakna a neih te hmuh theih a a awm chu lawmawm a tih thu heng khua a tlawhna ah te hian sawiin, sawrkarin kawng hrang hrangah thalaite hmakhua ngaiin hma a lak thu a sawi a. Heng hmalakna zingah hian zirna (education) chu sawrkarin a ngaihpawimawh ber te zinga mi a ni tih a sawi bawk.

September 27, 2023 (Nilaini)-a Mizoram sawrkar Council of Minister thukhawmin Mizo-ram Journalist Pension Scheme 2023 a pawm ta chu nimin, September 28, 2023 (Ningani)-a Lawngtlai Press Club-a MJA Coordination Committee thukhawm chuan lawmawm an ti takzet tih sawiin, thinlung takin Mizoram sawrkar chungah lawmthu an sawi tih Resolution siamin an pass a. Mizoram Journalist Pension Scheme 2023 a hlawhtlin theihna tura hma latu hrang hrang - Chief Minister leh Finance Minister Zoramthanga, IPR Minister Lalruatkima, IPR Department Officer te, Finance Department leh Law & Judicial Department hotute leh Journalist-te duhsaktute zawng zawng chungah MJA chu a lawm takzet tih an tarlang bawk. Hei bakah hian MJA member-te chuan Mizoram Journalist Pension Scheme hi a taka hman hlan an nghakhlel hle tih pawh sawiin, “Kan hman thuai theih nan chak taka min bawhzuisak zel turin Mizoram sawrkar thuneitute kan ngen nghal a ni,” an ti bawk.

Mizoram Police chuan Directorate of Revenue Intelligence (DRI) Official nia inchhal mi pahnih man an nih thu an sawi. Mizoram Police thuchhuah tarlan danin, Champhai-ah DRI nia inchhal mi pahnih in Operation an neih thu report an dawn chu Champhai Police-ten bawhzuiin an chhui chiang nghal a. Heng DRI Official lema chang mi pahnih leh an thurualpui pakhat chuan Sept. 18, 2023 khan lirthei veivak endik tura insawiin, Khankawn Police Checkgate an tlawh a. September 25, 2023-ah DRI lem-a changte hian Civilian pakhat chu pawisa a pek loh chuan manah vauin, pawisa engemaw zat an lak luih sak tih hriat a ni. Uluk taka chhui anih hnuin he thila inhnam-hnawih - Laltharzeli, New Champhai, PB. Rozamliani Kahrawt, Champhai leh Johny Lalthlamuana, Kahrawt, Champhai te chu nimin zing khan man niin an kut atangin DRI Identify Card lem pahnih man niin thubuai siam sak nghal an ni.

Environment, Forests & Climate Change (EF & CC) Minister TJ. Lalnuntluanga chuan khawvel sik leh sa danglam zelah chenna tlak ram siam turin mi tin tanho a ngai tih a sawi.

September thla chhunga ram pum-a ei leh in tha leh hrisel pawimawhna inzirtirna POSHAN Maah 2023 kal mekah Aizawl Thunders te nen ‘Suposhan Diwas Motor Cycle Rally’ chu nimin zing khan Aizawl-ah neih niin Social Welfare & Tribal Affairs Minister Er. Lalrinawma chuan Bawngkawn Brigade Road atangin Rally a tel te hi a vailiam a ni.

Power & Electricity Minister R. Lalzirliana chuan nimin khan Aizawl Press Club-ah thuthar thehdarhtute kawmin an Department sum hloh dante a tarlan rualin P&E Department chu Corporation-ah leh a nih chuan mipuiin Eng an chhit man nasa taka a pun tur thu a sawi.