Nikum October ni 1 atanga kumin March 31 thleng khan Mizoram Police te chuan ruihhlo cheng vbc. 22 chuang hu manin Mizoram Police leh Assam Rifles Joint Operation chuan cheng vbc. 6 chuang hu an man bawk.
Lunglei District chhung Lungsen khua-a Vawk natna hri la hriatchian loh avanga Vawk thi chu nimin thleng khan 108 an tling tawh a, AH&Vety Minister Dr. K. Beichhua chuan heng Vawk thi te nat dan en hian African Swine Fever (ASF) ni ngeia hriat a nih thu a sawi.
Central YMA President, Vanlalruata chuan Central YMA in ruihhlo do beihpui a thlak leh dawn tih sawiin, sawrkar pawh beihpui thlak turin an beisei a sang hle tih an sawi.
Lunglei District chhunga tualchhung rorelna leh hmasawnna langtlang taka hma la tha Village Council te hnenah nimin khan Lunglei DC, Kulothungan A chuan thuziak leh pawisafai a hlan.
Niminpiah Pathianni-a Mizoram-a Sample enfiah atangin COVID-19 hri kai mi pakhat hmuhchhuah niin nimin khan hri kai mi 5 te enkawl dam an ni.
Vawiin atang hian Mizoram Inter Boxing Championship 2021 chu Aizawl-ah khelh a ni dawn a, Serchhip District atanga tel tur Boxer 21 leh Official mi pathum te chuan nimin khan Serchhip chhuahsanin Aizawl an pan.
Serchhip bial bye-election neih tura MNF Candidate, Vanlalzawma chuan nimin khan Serchhip Press Club tlawhin Serchhip MJA Member te nen inkawmna an nei.
MNF Party chuan nimin khan Serchhip-a Veng pali huamchhung ami te tan Serchhip Hmar Veng YMA Hall-ah Political Training neiin he hun hi MNF Adviser, Robert Romawia Royte chuan hmanpuiin Serchhip bial bye-election neih turah MNF in hneh taka chakna an chan a rin thu a sawi.
Serchhip District Election Officer, Kumar Abhishek chuan Serchhip bial-a Assembly bye-election neih tur chungchangah nimin khan Mizoram Peoples Forum (MPF) Serchhip District hruaitute a kawm.