Lenkawl

Raltlan dawnsawn chungchang ah chak zawka hmalak nise

Hockey hmasawnna tur sawiho

IGNOU Regional Centre, Aizawl building sakna tur lungphum chu Inrinni khan Union Education Minister, Dr. Ramesh Pokhriyal chuan biak hmuh theihna hmangin Selesih-ah a phum.

Zirtawpni leh Inrinni khan Mizoram-ah COVID-19 hri kai hmuh thar awm lovin mi 5 te chu enkawl dam an ni a, Mizoram-a hri kai enkawllai awm zat a tlahniam chho zel.

Nikum 2020-a Mizoram-a Local Council 83 leh Village Council 475-a inthlan buatsaihna leh chumi atana Electoral Roll Revision neihna atan khan Rs. 3,30,58,000/- ruahman a ni a, hemi bak sum indaihlohna Rs. 1,62,66,560 chu Finance Department-ah dil belh mek a ni.

Mizo Zirlai Pawl (MZP) General Hqrs. President, B.Vanlaltana chuan Myanmar ramchhung buai avanga harsatna tawk mekte chu Zoram mipui ten an enliam mai tur a ni lo tih sawiin, mahni unau te hmangaihna lanchhuahtir hun chu harsatna an tawh hun hi a ni, a ti.

Tunhnaia Myanmar ramchhung buaina kaihhnawih avangin Serchhip District-ah raltlan an rawn awm belh zel nia thudawn a ni.

Serchhip District Anti-Tobacco Squad te chuan Inrinni khan Serchhip Bazar leh a chheh-vel-ah puipunna hmuna meizuk khapna Dan bawhchhia an awm leh awmloh enfiahin Dan bawhchhia mi 2 man leh an ni.

PHE Department in Serchhip Tuikum lui an lakna Tui Pipe chu Inrinni khan chhia in siam that nghal a ni a, Inrinni zan khan Electric Line chhe ve lehin nimin khan siamthat leh a ni bawk.

Serchhip bial Assembly bye-election neih tura Indian National Congress (INC) Candidate, PC. Laltlansanga chuan, “Khawi Veng emaw-in an nuihzat mai ang che u tih sawi tur mai mai chuan Chief Minister hi lokal tawh suh se,” a ti.

Serchhip Sub-Hqrs. YMA Vigilance & Monitoring Committee chuan Zirtawpni khan Chhingchhip atanga Hualtu panna kawng siam mek tlawhin Chhiahtlang atanga Lamchhip panna kawng siam hna thawh mek an enfiah bawk.