Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Chanchin thar thenkhat :

DIPR in lawmpuina hun hmang

Department of Information and Public Relations (DIPR) chuan nimin khan Aizawl-a DIPR Auditorium-ah India rama civil mi te chawi-mawina sang Padma Shri dawngtu Lalbiakthanga Pachuau lawmpuina hun an hmang a. He hunah hian I&PR Director Lallianpuii chuan journalist te leh DIPR chu chhungkua ang maia inkung-kaihna nghet nei, thawkho leh inmamawh tawn an ni tih sawiin, “Kan chhungkaw zinga miin hetiang ang chawimawina sang Padma Shri hial a dawng hi kan chhuangin kan lawmpui tak meuh a ni,” a ti bawk. He hunah hian Padma Shri Award dawngtu Lalbiakthanga Pachuau chuan DIPR-in a Award dawn an lawmpui avangin lawmthu a sawi a. A thawhpui journalist te leh DIPR-a thawktu, hmanlai atanga vawiin thlenga amah thlawp a, finchhuah leh kaihruaitute vanga he Award dawng thei a nih thu a sawi bawk.


Mipuite hriattirna siam

Department of Telecommunications, Govt. of India chuan M/s Starlink chuan satellite internet service an website (www.starlink.com) atangin India ram atanga booking tih theihna an hawng tih thuchhuah siamin an tarlang a. India ramah Satellite Service pekchhuah hmain Department of Telecommunications, Govt. of India atangin license lak hmasak ngai a nih laiin M/s Starlink hi license pek an la ni lova. Sawrkar chuan M/s Starlink chu India Sawrkar dan leh inkaihhruaina zawm tura hriattirin, internet service pechhuak lo turin a hrilh tih tarlangin, Sawrkar phalna nei lo an nih avangin M/s Starlink atangin internet service book lo turin mipuite hriattir an nih thu a tarlang nghal bawk.


Hnahthial-ah raltlan luh belh

Nimin khan Hnahthial District-ah Myanmar atanga sahimna zawnga raltlan rawn lut mi pakhat awm belh lehin tun dinhmunah Hnahthial District chhungah Myanmar raltlan mi 2,129 an awm mek a, an zingah hian chhungkaw 410 telin khaw hrang hrang 12-ah raltlan hi an awm a ni.


MZP in Scho vil zui zel

MZP General Hqrs. chuan zirlaite Bank Account-ah Scholarship 2nd Installment kim taka a luh theih nan an vil chhunzawm reng tih sawiin, Scholarship dawng tur zirlai 17,303 atangin mi 12000 vel account-ah Scholarship hi lut tawhin Bank lam harsatna avang leh chhan hrang hrang avangin zirlaite Scholarship 5000 vel chu tih khawtlai ala ni tih an sawi a. Zirlaite zingah Scholarship 2nd installment la dawng lo complaint duh te tan Ph. No. 9436168978/ 8974128846/8787413913/8974418804/8575518037/8794648303-ah te thlen theih a ni tih sawiin, a tul anga hmalak zel a nih tur thu an sawi bawk.


Bial hmasawnna tur relpui

Aizawl North-II bialtu MLA Dr. Vanlal-thlana chuan a bial chhung Veng tina Local Development Committee a din te chu tun thla ni 18 atang khan Meeting neihpuiin bial chhung hmasawnna tur hrang hrang a relpui a. He Committee-ah hian Local Council member zawng zawng, NGO aiawh 2 theuh, Party aiawh pakhat theuh leh Ceng chhunga parawn 2 zel an tel a, Vengchhung tana hmasawnna tur kawng hrang hrang te a ngaihtuah thin a ni. Heng an thutkhawm ah hian an hmalak tawhna te thlirin MLA Fund hman tawh dan leh hmalak zel dan turte sawiho a ni bawk.

Comments

Popular News (Last 30 Days)