Mizoram-ah hri kai enkawllai 3009 an la awm

Mizoram-ah COVID-19 hri kai hmuhchhuah an tlahniam ve zel a, nimin tlai thleng khan Mizoram-ah hri kai enkawllai 3009 an la awm a ni.

Inrinni khan Sample enfiah 2646 atangin hri kai mi 282 hmuh an ni a, ZMC-a RT-PCR Laboratory-ah Aizawl District atanga lak Sample 556 enfiah niin heng atang hian hri kai mi 49 hmuh an ni a, Aizawl-ah Fluorescent Immunoassay Test hmangin Sample 20 enfiah niin hri kai mi pathum hmuh an ni a, District 6-a TrueNat Laboraatory-ah Sample 118 enfiah niin hri kai mi 25 hmuh an ni bawk a, Rapid Antigen Test hmanga Sample enfiah 1952 atangin hri kai mi 205 hmuh an ni bawk a ni.

Zirtawpni khan Mizoram-ah Sample 2494 enfiah niin heng atang hian hri kai mi 315 hmuhchhuah an ni a, Sample enfiah atanga za zela 12.63 te chuan hri kaiin ZMC-a RT-PCR Laboratory-ah Aizawl District atanga Sample lak 209 enfiah atangin hri kai mi 24 hmuh an ni a, Aizawl-ah Fluorescent Immunoassay Test hmangin Sample 3 enfiah te chuan hri kai vekin District 9-a TrueNat Laboratory-ah Sample 161 enfiah niin hri kai mi 12 hmuh an ni bawk a, Rapid Antigen Test hmanga Mizoram hmun hrang hranga Sample enfiah 2121 atangin hri kai mi 276 hmuh an ni bawk.

Inrinni khan Mizoram-a hri kai mi 346 te enkawl dam niin nimin khan tlai dar 5:00 thlengin hri kai mi 544 te enkawl dam an ni leh bawk a. Heti hian nimin tlai dar 5:00 thleng khan Mizoram-a hri kai hmuh tawh chu 1,36,362 niin an zinga 1,32,846 te chu enkawl dam an ni tawh a, hri kai hmuhchhuah atanga chhutin za zela 97.42 te enkawl dam an ni tawh a, hri kai enkawllai 3009an la awm mek a ni. Inrinni khan Mizoram a hri kai zingah mi pakhat boral awmin nimin khan mi 2 an boral leh a, Mizoram-a hri kai zingah 507 an boral tawh a ni.

Comments

Popular News (Last 30 Days)

Serchhip DCSO sawn a ni