Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-a NABARD hma-lakna chhawr tangkai

Agriculture Minister C. Lalrinsanga chuan NABARD-in Mizoram-ah a bik takin Lo neih leh ranvulh a eizawngtute leh thingtlang a cheng mipuite tana thil tha tak an tih chu mipui leh Sawrkar in an hlawkpui thu a sawi.

National Bank for Agriculture and Rural Development (NABA-RD) in nimin-a Regency Hotel-a State Credit Seminar 2022-23 an buatsaih a hmanpuina ah he thu hi sawiin Agriculture Minister chuan NA-BARD chungah lawmthu a sawi a. RIDF leh Scheme dangte atangin tanpuina leh Loan chi hrang vbc. 1000 chuang NABARD atanga dawn a nih thu a sawi a. Annual Credit Plan atana kum 2020-21 chhunga cheng vbc. 1800 bawr rua-hman atanga za zelah 73, cheng vbc. 1324 tihfel a ni chu lawmawm a tih thu pawh sawiin, kum 2021-22 atana Annual Credit Plan an ruahman chu zaa za tihfel anih theih nan tan la turin a fuih bawk a ni.

NABARD in Hmarchhak puma Regional Rural Bank zinga hna thawk 'Best Performing RRB Award' chu dawng turin Mizoram Rural Bank thlan a ni a, he Award hi Minister chuan MRB Chairman V. Jaya Chandran hnenah a hlan a. Self Help Group hna thawk tha 3 thlan-chhuah leh hemi kawnga Bank thawk tha 2 thlan –MRB, Reiek Branch leh MCAB, Siaha Branch te hnenah lawmman a hlan bawk a ni.

Kum 1995-96 atangin Rural Infrastructure Development Fund (RIDF) hnuaia project 677 tan NABARD in cheng vbc. 1744.51 an rua-hman tawh a, chuta tang chuan cheng vbc. 1071 chu pek tlak a ni tawh a. RIDF hi PWD, PHED, I &WR, AH & Vety leh H&FW Department ten an chawr tangkai a. Warehouse Infrastructure Fund (WIF) atana project 111 hnuaiah cheng vbc. 112.76 ruahman niin chuta tanga cheng vbc. 79.56 chu pek a ni tawh a. Agriculture, Horticulture leh FCS&CA Department te chuan he Fund hi an hmang tangkai a ni.

Comments

Popular News (Last 30 Days)