Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Krismas hmain ni 100 inhlawhna hmuh beisei

Rural Development Department changtu Minister Lalruatkima chuan MGNREGS hnuaia inhlawhna chu Krismas hmain kan hmuh theih a beisei thu a sawi.

MNF Party in nimin-a Aizawl Mizo Hnam Run-a inkhawm an neih ah RD Minister Lalruatkima hian thu sawiin tunhnaia Delhi-a sawrkar hotute a dawrna a sawi a, he hunah hian Minister chuan MNREGS hnuaia ni 100 inhlawhna tur hmabak a nawr thu sawiin, sawrkar hun hmasa lamah ni 40 te an inhlawh thin tih a sawi a, “Tunah chuan kum hnih chhungin ni 100-ah ni 100 kan inhlawh thei ta a. Kumin ah hian September thla thlengin hlawh kan pe tawh a. A bak kan bawhzui a, Krismas hmain kan hmuh theih ka beisei,” a ti a. “He inhlawhna hi Direct Benefit Transfer a nih avangin sawrkar chuan lehkha a sanction ringawt a, beneficiary-te account-ah an hlawh tur pawisa direct-in a lut thin,” a ti bawk.

PMKSY pawh tawp tawh mah se project kal lai chak taka nawr mek a nih thu te, BADP hnuaia pawisa release hmabak na taka nawr a nih thu te a sawi a. Rurban Mission hnuaiah khaw pahnih pek belh kan nih thu leh Central hotute pawhin Mizoram chu a titha ber State kan nih avangin a dang min pek belh an tum tih a sawi bawk.

MNF Sawrkar hnuaia hmasawnna te pawh sawiin, “MNF chuan kan Manifesto point 59 ti hlawhtling turin theihtawp kan chhuah a. 'MNF Sawrkar chu manifesto atanga teh chuan duhthusamin in kal' tih hi mi thekhat min hmuh dan a ni,” a ti a. Sum harsatna phuhru turin Zu zuar mai turin thurawn an dawng nasa tih pawh sawiin, “MNF sawrkar chuan Zu zawrh vanga intodelh ai chuan mi tam tak tahna thlentu Zu khap zel kan duh zawk,” a ti bawk.

Hmasawnna dang sawiin, “Zirtirtu sang hnih chuang kan la tawh a. RUSA hnuaiah MPSC kaltlangin 72 kan la tawh a. MR-te pawh PE tiin thlak a ni tawh a, hlawh leh hamthatna dang an lo nei thei ta. Sports policy pawh kan nei ang kan ti a, kan nei mai a; hemi hnuaiah hian Incentive leh Award tha tak tak bilh tel vek a ni. Sipai bang dinhmun kan titha a, tar pension-te hlawh pawh a letin kan tipung,” a ti bawk.

Comments

Popular News (Last 30 Days)