Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Winter Festival sawifiah

Mizoram sawrkar-a General Administration Department chuan thuchhuah siamin Secretariat Compound-a Winter Festival neih a nih chungchang a sawifiah a. Tourism Department atanga ngenna dawn angin Mizoram Secretariat Compound-ah Winter Festival hman phalna hi December ni 9 -10, 2021 chhung atan pek anih thu leh Tourism Department hian Christmas a hnaih tawh avangin Dec. 9, 2021-a Photo Booth an siamah Christmas lam hawi rawn hmangin Christmas decor items making competition an buatsaih turte nen inhmeh turin an buatsaih tih a tarlang a. Hei hi mi tam takin thu chiang hre si lovin Mizoram Secretariat Building-a Christmas decoration emaw tiin thu belhchian dawl lo Social Media lamah an thehdarh ta vak mai niin a tarlang a ni.


Central in mi 2 rawn tir

Mzoram District thenkhata COVID-19 vei dinhmun a ziaawm theihloh avangin Union Health Ministry chuan NCDC-a Jt. Director 2- Dr. Naveen Charrang leh Dr. Vinay Gargte chu Mizo-ram Health Department tena COVID-19 dona kawnga an hmalakna te rawn enpui leh rawn puibawm turin a rawn tir a, Mizoram COVID-19 dinhmun an zir te hi report an pek bakah, hmalakna tur hrang hrang an hmuhte pawh State leh Central sawrkarah thurawn an pe ang.


Voters Awareness Campaign

Vote thlak thei tura kum tling tharte leh zirlai kum 18 tling thar mai turte tan a inthlanna kalphung inzirtirna, Systemic Voters Education & Electoral Participation (SVEEP) kaltlanga buatsaih ‘Voters Awareness Campaign’ chu nimin khan Bairabi Higher Secondary School-ah neih a ni a, he hun hi SVEEP Nodal Officer Hmingthan-zuala chuan kaihruaiin Kawnpui SDO (Civil) Rebecca Laldinmawii Hrahsel chuan ram inrel-bawlna kawnga Democracy kalphung sawi zauna leh kum tling tawhte chuan an duhthlanna nemngheh nan vote thlak a pawimawh zia te a sawi a ni.


HSLC Exam hun tur bithliah

Mizoram Board of School Education (MB-SE) chuan pawl 10 zirlai mek ten High School Leaving Certificate (HSLC) Exam an neih tur chu nakum February 28 atanga tan tura ruahmanin March 22-ah zawhfel a ni ang. Ruahman lawk ang chuan Feb. 28-ah English exam in March 2-ah MIL exam a ni anga, March 7-ah Science (Theory) exam lehin March 10-ah Social Science leh March 14-ah Mathematics exam a ni ang. March 16-ah Home Science/Introductory IT/Civics & Economics/Commercial Studies exam lehin March 17-22 chhungin Practical exam a ni bawk ang.


PMEGP Awareness Campaign

District Industries Centre, Mamit bultumin nimin khan Mamit Chhim Veng YMA Hall ah Prime Minister Employment Generation Prog-ramme (PMEGP) Awareness Campaign neih a ni a, he hun hi Mamit DC Dr. Lalrozama IAS chuan hmanpuiin eng thil pawh ti dawn ila, tum mumal tak kan neih a pawimawh thu a sawi. Mamit District-ah hian kumin hian PMEGP Loan hi DIC kaltlangin mi 22 leh MKVIB kal-tlangin mi 29, a vaiin mi 51 pek tura ruahman a ni a, sawrkar tanpuina cheng nuai 159.13 semchhuah tura ruahman a ni bawk.

Comments

Popular News (Last 30 Days)