MNF Legislature Party chuan Inrinni khan Lengpui Airport chu tlawhin Airport Runway dinhmun te an enfiah bakah thsawktute nen an inkawm a, Lengpui Airport hralh chu Mizo mipui tam tak duhloh anih avangin Sawrkar chu in ngaihtuah nawn se an tih thu an sawi a ni.
Lai Autonomous District Council (LADC)-ah ZPM-in sawrkar ding lai an lehthal thei dawn-a a lan avangin tunkar Nilaini khian Chief Executive Member (CEM) C. Lalmuanthanga kaihhruai Congress leh MNF sawrkar intawm chu thlawptu a ngah tawk em tih fiah a ni dawn.
Aizawl Civil Hospital chu Kal thlak (renal transplant) ti ve thei tura ruahman mek a nih thu Health & Family Welfare Department hotute chuan an sawi.
National Games 2025 neih mekah Mizoram chuan Gold Medal lak belh lehin a vaiin Medal pathum a la ve ta.
Mizoram Rajya Sabha MP K. Vanlalvena chuan Mizoram Handloom dehchhuahte regular taka phochhuahna tur Show Room chu Delhi-ah Mizoram in a mamawh thu a sawi.
Central YMA buatsaihin Zirtawpni zan khan 'Ruihhlo Do infuih-tharna hun' chu Aizawl-a Vanapa Hall-ah neih a ni a, he huna kalkhawm te hian Indian Air Force kuta Lengpui Airport hlan remtih loh thu resolution siamin an pawm a ni.
Mizoram State Election Commission chuan Chief Minister Lalduhoma chu Model Code of Conduct bawhchhia a puh a nih vangin insawifiah turin a hriattir.
Tunkar Nilaini, February 12, 2025-a Village Council leh Local Council inthlan lo awm turah VC bikah seat 40 chu chuhtu awm lova tlingah puan an ni a, LC-ah erawh chuhtu awm loa tlinga puan an awm lo thung.
Mizoram Village Council Association President K.Lalngaizuala chuan, “Mipui rorelna bulthut, VC-te sawrkar apiangin an duh huna an namthlu zel thei dawn ta hi pawi kan tih ber a ni,” a ti.
Lengpui Airport-a Thlawhtheihna tlan kawng a that tawkloh avangin Central Road Research Institute chuan thla 3 hnuah Licence tihtawp sak theih a ni tih sawiin, hemi bawhzui hian Mizoram sawrkar chuan Lengpui Airport-a Thlawhtheihna tlan kawng siamthatna tur cheng vbc. 80 a ruahman.