Hri kai zingah kum 18 hnuailam an tam

Tun thla ni 25 thleng khan Serchhip District-a COVID-19 hri kai hmuhchhuah zingah hmun thuma thena hmun khat vel zet chu kum 18 hnuailam an ni a, hri kai hmuhchhuah tawh zinga a tam zawk te chu hri danna la lo an ni.

Serchhip District-ah hian tun thla ni 25 thleng khan CO-VID-19 hri kai mi 5802 hmuhchhuah an ni a, kum bithliah hrang hrangah kum 18 hnuailam te chu hri kai tam ber niin hri kai tawh zinga 1886 te chu kum 18 hnuailam an ni a, a dawt ah kum 30-40 inkar tam lehin hri kai zinga 1127 zet chu kum 30 leh 40 inkar an ni bawk.

Serchhip District-a hri kai zingah hian kum 18 leh 21 inkar mi 388 awmin 22 leh 29 inkar mi 780 an awm a, kum 30 leh 40 inkar 1127 awmin kum 41-50 mi 683 an awm a, kum 51 leh 60 inkar mi 458 awmin kum 60 chunglam hri kai mi 480 zet an awm hman bawk a ni.

Hetihlai hian hri kai zingah hian COVID-19 Vaccine la lo an tam viau a, hri kai tawh 5802 zinga 4018 te chu te chu vaccine la lo niin Vaccine Dose 1-na la mi 233 leh 2nd Dose nena la mi 1551 an awm bawk a ni.