Lenkawl

Vawiin March 4, 2022 hi Mizoram sawrkar in kumin a Chapchar Kut hman ni tura a ruahman a ni a, amaherawh chu hri leng avangin kumdang a hun hman thin ang erawh chuan hman theih a ni dawn lo thung a, Serchhip-ah chuan he ni puala programme siam an awm hriat a ni lo.

Nimin khan Serchhip District-ah COVID-19 hri kai mi 67 hmuh belh leh an ni a, Serchhip District-ah hian hri kai enkawllai 767 an awm mek a ni.

State Level Science & Mathematics Olympiad 2022 result puan leh lawmman semna inkhawm chu nimin khan Conference Hall, School Education Complex, Mc Donald Hill, Aizawl-ah neih a ni a, Zirlaiten Science leh Mathematics lama hma an sawnna atana Sam…

Serchhip District in hun engemaw chen UD& PA Department-a District Urban Development Officer (DUDO) nghet a neih loh hnuah DU-DO atan Lalthanghliri Pautu chu rawn dah thar a ni a, tunkar tir khan a hna thar hi rawn zawm tawhin karleh lamah Pisa …

Nimin March ni 3-a 'World Hearing Day' denchhena tunkar Thawhtanni atanga a thlawna Beng-a ri hriat dan enfiahna hun Serchhip District Hospital-a buatsaih chu mipui ten an hlutin nimin, a tawp ni thleng khan mi 71 zetin an Beng an entir a, heng Beng entir zingah hian Doctor ten enkawl zui ngai mi engemaw zat an awm bawk nia thudawn a ni. Tun tuma a thlawna Beng ri hriatna enfiahna buatsaih hi Serchhip bakah District chhung khawdang atang pawhin mi eng-emaw zat in an rawn pan a ni.

Serchhip District Beti Bachao Beti Padhao (BBBP) buatsaihin nimin khan Serchhip DC Conference Hall-ah ni khat awh ‘Art Workshop’ neih a ni a, he Workshop hi District Bawrhsap Nazuk Kumar IAS chuan a hawng a ni.

Rawtna sawiselna ngaithla

COVID-19 hri leng chuan Mizoram-ah ziaawm lam a pan ve hret hret niin a lang a, niminpiah khan Mizoram-ah Sample 3753 enfiah ni lehin hri kai mi 680 hmuhchhuah an ni a, Sample enfiah atanga za zela 18.12 te chuan hri an kai a ni.

Zan khat riaka Mizoram-a rawn zin Union Minister of Ports, Shipping and Waterways and AYUSH Sarbananda Sonowal chuan Mizoram Governor leh Chief Minister te a kawm.

Land Revenue and Settlement Minister Lalruatkima'n Vairengte leh Sairang inkar kawngpui 4 Lane-a laih tura zangnadawmna pek chungchang ah Department-in inrawlhna a nei lo tih sawiin, kawng laitu NHIDCL buaipui vek a ni tih a sawi.

Mizoram Rajya Sabha MP K. Vanlalvena chuan Mimbung-a Primary Health Centre (PHC) building sak thar chu nimin khan a hawng.

Mizoram-a AYUSH Hospital 6, Khum 50 awm theihna pathum (3) leh khum 10 awmna pathum (3) sakna tur lungphumna leh Mizoram-a AYUSH Health & Wellness Centre Unit 24 hawnna chu nimin khan neih niin Chief Minister Zoramthanga leh Ministry of AYUSH changtu Minister Sarbananda Sonowal te chuan an hmanpui a ni.