Reliance Jio Company lirthei pakhat chu nimin khan Tawipui North-II dai ah chesualin he Motor a chuang Reliance Jio Lunglei-a Jio Point Lead hnathawk C. Lalremtluanga (29), Lunglei Bazar Veng chu a boral.
Kumin 2025 chhungin Mizoram-ah lung tla leh leimin chhilh avanga boral mi 4 an awm tawh a, sawrkar chuan heng nunna chan te hi cheng nuai 4 theuhin a ral a ni.
Election Commission of India (ECI) chuan thuchhuah siamin Electoral Roll siam kawnga mumal zawka hmalak a nih theih nan ruahmanna thar pathum (3) a siam a. Heng ruahmanna thar te hi kumin March thlaa Chief Election Commissioner (CEC) Gyanesh Kumar hova Chief Electoral Officers (CEOs) Conference an neih tuma rawtna awm bawhzuina a ni.
Mizoram Synod-in harsatna chi hrang hrang nei te pan tur leh an harsatnate chinfelpui tura a din, Family Guidance & Counselling Centre (FG&CC) chu pantu chu mi 79,723 an awm tawh a, a pantu zingah hian mipa aiin hmeichhia an tam zawk.
Kolasib District MJA leh YMA Sub-Hqrs. Kolasib hruaitute chuan nimin khan District Bawrhsap Robert C. Lalhmangaiha hovin an District-a kawng siam thenkhat leh ramri-a Police te duty-na hmun an tlawh.
Northeast Frontier Railway Chief Public Relation Officer Kishore Sharma chuan Bairabi atanga Sairang thleng Rel kawng siam hna chu zaa za zawhfel a ni tawh tih sawiin, a him dan enfiah mek niin July thla atanga service tura ruahman a ni tih a sawi.
Mizoram Larsap Gen. (Rtd) Vijay Kumar Singh chuan Lai Autonomous District Council (LADC)-a Chief Executive Member (CEM) atan BJP MDC N. Zangura a ruat a, ni 10 chhungin sawrkar fiahna neih tur niin Lai Students’ Association chuan LADC-ah hian eng Party mah sawrkar tir an rem ti tawh lo tih an sawi thung.