Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Faina kawnga ke pen theuh turin mipuite sawm

Serchhip District Urban Development Office chuan faina lama ke pen theuh turin mipuite an sawm.

Mizoram khawpui fai thlanna neih mek chungchanga thuchhuah an siamah DUDO Office chuan kum 2017 atanga buatsaih Mizoram khawpui fai intihsiakna (Mizoram Cleanliness Competition) chu kumin ah pawh kalpui mek a ni tih tarlangin, he intihsiakna hi Category pathum ah thenin, Serchhip pawh Category-II, District Hqrs. zinga fai intihsiakna ah a tel tih an tarlang a. Kumin hian kumdanga la awm ngailo ‘Best Performing Village Council of 27 Urban Towns Category thar a rawn awm belh bawk tih tarlangin, Serchhip khawpui hian District Hqrs. fai ber lawmman pawh kum 2019 khan a lo dawng tawh a, kumin ah pawh faina lawmman a dawn leh ngei theih nan VC leh mipui leh pawl hrang hrang ten thahnem ngai taka thawhhona tha tak nena kan zavai a kan tan hle a ngai a ni, an ti.

He intihsiakna hi November, 2021 thla tawp leh December 2021 thla tir chhunga endik tura ruahman a nih thu pawh tarlangin, endikna turah hian khawlai leh Veng hmun lunlai fai, hnatlang neih tam dan, Bazar leh vantlang inthiarna fai, kan In leh a chhehvel leh vengchhung tuihawk luankawr fai, COVID-19 kan lo hmachhawn dan, bawlhhlawh thliarhran that te leh faina kawnga kan hmalakna hrang hrang te a tel thu pawh an tarlang bawk a ni.

Comments

Chhiar Hlawhte

Book of the Year hlan