Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip damdawi In building thar sakna tur atan NGO ten rawtna an thehlut nawn leh dawn

Serchhip District NGO Coordination Committee hruaitute chuan Serchhip District Hospital building thar saka tur atana Town chhunga NGO leh VC hrang hrang ten Bukpui-a P&E Department ram leh ITI hmun tur inkar ram an lo pawm tawh thu chu sawrkar thuneitute hnenah karleh lam khian thlen nawn leh an tum thu an sawi.

Niminpiah-a Health & Family Welfare Board Vice Chairman hova Health Secretary leh Serchhip-a NGO hrang hrang bakah thuthar thehdarhtu ten Serchhip Eye Ward Building-a thutkhawm an neih ah Serchhip District Hospital Building thar sak chungchang hi sawichhuah a ni a, he hunah hian Health Secretary R. Lalramnghaka chuan Bukpui-a Hospital sawn chungchang NGO leh VC te Meeting in an rel thu hi sawiin, an minute phek chu Whatsapp-a an dawn thu leh NGO Coordination hming hian lehkha rawtna emaw awm thei se a duh thu sawiin, lehkha an la dawnloh thu a sawi a. Lungrual taka rel thluk a ni chu zahawm a tih thu pawh sawiin, khawtlang in an remti tlang a nih pawhin Power hovin an thehchhuah theih, an han sahthlak theih tur chin ang te a zau zawng leh a ram awm dan te hriat bakah a kalpui tel tur building te ngaihtuah tel a tul thu a sawi bawk. Health Secretary chuan tuna damdawi In awmna chu a buaithlak zia chu hriat a ni tih sawiin, bawlhhlawh senghawina/tihralna atan pawh hmun a awm tawhloh thu a sawi a, damdawi In thli dawn chu tumahin an duhloh a nih thu a sawi bawk.

Damdawi In hmun tur chungchanga an hmalakna ah NGO Coordination Committee Secretary leh tuna Serchhip Sub-Hqrs. YMA PC. Vanlalluna chuan September 16, 2020 khan NGO Coordination Committee a tel YMA, MUP, MHIP, MZP leh MSU bakah Joint VC leh Town chhunga VC te chuan Joint Meeting neiin hetah hian Bukpui P&E Department ram leh ITI hmun tura buatsaih mek inkar vantlang ram awl chu Serchhip District Hospital hmun atan lungrual taka an rawt tawh thu leh lehkha pawh thehluh a ni tawh tih a sawi a. Amaherawh chu thuneitu sang zawk ten lehkha hi an la hmulo nia a lan avangin karleh lamah thehluh leh nghal a nih dawn thu a sawi.

NGO Coordination Committee hruaitute chuan helai ram hi P&E Department ram ni lovin ram awl a ni tih sawiin, damdawi In bakah a ken tel thildang bakah Helicopter tumna tur pawh awlsam taka siam theih a nih tur thu an sawi a ni.

Comments

Popular News (Last 30 Days)