Serchhip Kawlri tlang-a Cultural Heritage Centre sak mek DoNER Secretary-in a hmunah a enfiah
DoNER Secretary in Thenzawl a hmalakna tur a enfiah
Champion Team te lo hmuak
NSS Unit in thisen Unit 6 pe
CM leh DoNER Secy inkawm
Mizorama rawn zin mek sawrkar laipui Ministry of DoNER-a Secretary Chanchal Kumar IAS leh Chief Minister Lalduhoma te chu nimin khan Chief Minister Pisa-ah inkawmin Ministry of DoNER kaltlanga Mizoram hmalakna hrang hrang an sawidun a. Ministry of DoNER-a Mizoram sawrkar project inchiah mek (pending projects) te chu a rang lama chinfel sak turin Chief Minister hian a lo ngen a. Sum sanction chhung rei thin chuan hnathawhna lamah nghawng a neih thin avangin tihtawi dan ngaihtuah a tul thu a lo hrilh bawk.
Zu chhe in vanga thi mi 56 chhinchhiah an ni tawh
Excise & Narcotics Department chhinchhiah danin kum 1997 atanga nikum (2025) kumtawp thlengin Mizoram-ah Zu chhe in vangin mi 56 an thi tawh.
Aizawl-ah Border Fencing duh lohna punkhawm buatsaih a ni
Tourism chungchanga mipui inzirtirna, inzirna leh inrawnkhawmna uar zawka kalpui tum a ni
Tourism Minister Lalnghinglova Hmar chuan kumin chhungin Tourism chungchanga mipui inzirtirna, inzirna leh inrawnkhawmna uar zawka kalpui a nih tur thu a sawi.
Mizoramin sports chawikan kawnga lawmman dawng
AMC Inthlan hun la chiang lo
State Election Commissioner Dr. H. Lalthangliana chuan Aizawl Municipal Corporation (AMC) inthlan hun tur a sawi chian theihloh tih sawiin, ruahman dan chuan kumin April emaw May thlaah emaw inthlan theih an beisei thu a sawi.
MOM enkawl FPC kokhawm
Organic Mizoram (MOM) enkawl Farmers Producer Company zinga Organic Ginger (Sawhthing), Organic Mizo Chilli (Mizo Hmarcha) leh Organic Turmeric (Aieng) chingtu FPC-te chu niminpiah khan IWRD Auditorium, Aizawl-ah kokhawm niin an thlai tharchhuah hralhna kawnga hmalak zui dan tur sawiho a ni a. He hun hi Adviser to Chief Minister Dr. KC Lalmalsawmzauva chuan hmanpuiin loineitute zingah sawrkar puihna dawn chhunga nung, sawrkar atanga puihna a tawp ruala tawp ve mai an awm thin chu a that loh thu sawiin, mahni ke-a ding thei tura hmalak a tul thu te a sawi bawk.