Lenkawl

Nimin khan Serchhip District-ah COVID-19 hri kai mi 34 hmuhchhuah belh niin mi 19 te enkawl dam an ni.

Cricket Association of Mizoram (CAM) in an buatsaih President's Cup 2021-ah Serchhip District aiawha kal te chu an match hmasa berah chak zo lovin an tla.

Serchhip District chhunga ASF hri lenna a puan tawh khaw 35-ah nimin khan Vawk thi a awm belh lova, ASF vang hian Serchhip District-ah Vawk 3853 thi tawhin Vawk 3040 suat a ni tawh bawk a ni.

Govt. Serchhip College NSS Unit leh Red Ribbon Club te chuan nimin khan Serchhip Blood Bank-a dah turin thisen Unit 10 an pe a, thisen petute hi mipa 6 leh hmeichhia 4 an ni. Heng mi tlawmngai te hi Blood Bank-ah kalin thisen hi an pe a ni.

COVID-19 hri leng avanga inkaihhruaina thar tihchhuah ah CAB khauh taka zawm chunga chhun leh zanah biak In-a leng zat chanve (50% seating capacity) aia tam lova Kohhran Inkhawm pangngai neih phal a nih tak angin tunkar atang khan Serchhip-a Kohhran…

Serchhip-a Zirtirtu intelkhawmna pawl, Ser-chhip Teachers Association (STA) chuan nimin khan kum 2021-2022 chhunga hruaitu tur thlanna an nei.

Nikum lamah Serchhip Mat phai-ah hlawh-tling taka Dawnfawh chin a nih hnuah kumin hian nikum aia uar zawka chin tum a ni.

Serchhip khawpui chhunga UD&PA Department in bawlhhlawh an lakkhawm ah Tawih thei leh Tawih theihlo an thliarhran ah Tawih thei chu Leitha siamna atan hman tum a nih avangin kalpui chhunzawm zel tum a nih thu District Urban Development Officer (DUDO) Dr. Albert Vanlalliantluanga chuan a sawi.

VC kaihhruaina siamtha mek

Niminpiah khan Mizoram-ah Sample 6181 enfiah niin heng te atang hian COVID-19 hri kai mi 638 hmuh leh an ni a, Sample enfiah zawng zawng atanga za zela 10.32 te chuan hri an kai a ni.

Mizoram sawrkar chuan ‘Rule 9 CCS (Conduct) Rules,1964’ chu sawrkar hnathawk ten an hriat thar turin tunhnai khan a tichhuak.

Prime Minister Narendra Modi chuan COVID-19 vaccine chungchangah State leh Union Territory hotute nimin khan kawmin, vaccine pechhuak tlem zual State-te chu tan la turin a fuih.

Health Minister Dr. R. Lalthangliana hovin nimin khan State-Level Expert Committee on COVID-19 Management thutkhawm neih a ni a, he hunah hian Mizoram-a COVID-19 hri leng dinhmun te thlirin, COVID-19 positive dam leh ten a hnu lamah an taksa-ah harsatna an tawk nasa tih tarlan a ni.