Serchhip District aiawh tur Boxer 34 thlan an ni

/

Tun thla ni 29 atanga Serchhip-a 42nd Mizoram Boxing Championship neih tura Serchhip District aiawh turte thlanna chu Inrinni khan neih a ni.

Serchhip Boxing Hall-a Serchhip District aiawha tel tur Boxer thlanna ah hian Serchhip atangin Boxer 36 an tel bakah East Lungdar atangin 13, North Vanlaiphai atangin 9, Chhingchhip atangin 8, Thenzawl atangin 2 leh Vanchengte atangin Boxer pakhat an tel a, heng te atang hian Mizoram Boxing Championship a tel tur hian mi 34 thlanchhuah an ni a, an zinga thenkhat te chuan Serchhip Boxing Hall-ah hian Camp an nei zui nghal bawk a ni.

Serchhip District atanga Boxer tel tur thlanna hunah hian Serchhip District Boxing Association President Kapliana Pachuau chuan Boxer te fuihna thu sawiin, an thiamna te midang tih natna leh insualna atan te hmang lova infiamna kawngah anmahni leh chhungkua bakah District leh ram tana hlawhtlinna chang tura theihtawp chhuah zel turin a fuih a. Boxer zingah zirlai la ni mek te chu an zirna ngaihthah phah nana an Boxing khelh te hmang lo tura chahin, mahni inthununna vawng reng turin a chah bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »