Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Thingsai khua a Gas double tum te harsatna ngaihtuah

Thingsai khua a chhungkaw 20 ten eirawng-bawlna Gas Double chungchanga harsatna an tawh chu tunhnai khan Serchhip-a District Commission chuan ngaihtuahin thutlukna a siam.

Thudawn danin Thingsai khuaa mi pahnih te chuan tunhnai khan Consumer Court tia hriat thin, Ser-chhip-a District Commission President hnenah lehkha thehlutin kum 2017 khan N. Vanlaiphai Gas Agent atangin Gas Double a tih theih thu YMA Information Mike-ah puangin, hemi atan hian Gas bu leh Rs. 2350/- a ngaih angin Thingsai a chhungkaw 20 te chuan Rs. 2350/- leh an Gas Card chu Thingsai-a N.Vanlaiphai Gas Sub-Agent J. Lalawmpuii hnenah an thehlut niin an sawi a ni.

An lehkha thehluh ah chuan hetianga an pawisa leh Gas bu an thehluh hnu hian N. Van-laiphai-a Gas Agent Lalhmingliana te chuan pawisa an dawn loh thu sawiin, J. Lalawmpuii erawh chuan pawisa hi a thawn ngei thu a sawi ve thung tih an tarlang a, tun thlengin kum 2019 a Gas double-na an pek tawh chu Gas an la double loh bakah an Gas bu pawh tun thlengin an la hmu leh ta lo tih sawiin, Department lamin Gas Agency te hi Gas Double sak tura a tih pawh tun thlengin zawm ala ni chuanglo tih an sawi bawk a ni.

He an thu thlen hi District Commission chuan tum hnih a ngaihtuah hnuah tunhnai khan thutlukna siamin N. Vanlaiphai Indane Gramin Vitrak a Agency, Lalhmingliana te tan duh thlan tur pahnih a siam sak a. Thingsai khuaa mi 20 te Gas double na mi pakhat zelah Rs. 2350/- hi thla khat chhunga pe tur emaw; Thingsai khuaa chhungkaw 20 te Gas double na hi anmahni hnen atanga pawisa cheng khat mah la lovin a rang thei ang berin a tihfel sak turin a ti a ni.

Heng thil pahnih ah hian hmalak an duh dan zawk Order chhuah (December 13, 2021) atanga ni 7 chhunga District Consumer Association hruaitute hnena hriattir turin District Commission chuan a ti a ni.

Comments

Popular News (Last 30 Days)