Hri kai 28 hmuh belh leh

/

Nimin khan Serchhip District-ah COVID-19 hri kai mi mi 28 hmuh belh niin hri kai mi 27 te enkawl dam an ni thung.

Nimin-a Serchhip District-a hri kai hmuhchhuah te hi Chhingchhip khua ah 19, Serchhip-ah 4, Chhiahtlang leh Neih-loh khua ah pahnih ve ve leh Keitum khua ah pakhat te an ni.

Nimin khan hri kai zingah mi 27 enkawl dam an awm belh leh a, heti hian nimin tlai thleng khan Serchhip District-a hri kai hmuhchhuah chu 5680 niin an zinga 5363 te chu enkawl dam an ni tawh a, hri kai hmuhchhuah atanga chhutin za zela 94.41 te chu enkawl dam an ni tawh a, hri kai zingah mi 18 boral tawhin enkawllai 329 an la awm mek a ni.

Serchhip District-a hri kai enkawllai te zingah hian mi 164 chu In lama enkawl (Home Isolation) an ni a, DCHC-ah mi 2 enkawl mek niin Nursing School CCC-ah 17 leh Thenzawl a IAH CCC-ah 15 enkawl an ni a. Chhingchhip khua ah 4C-ah mi 9 enkawlin Chhiahtlang-ah 19, Neihloh-a 4C pathum-ah mi 87 leh Leng khuaa 4C pahnih-ah mi 8 enkawl an la ni bawk a, ZMC-ah mi 8 enkawl an awm bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »