Boxing inelna ah Serchhip District an champion

Zonuna Kawlni /

Mizoram State Boxing Championship vawi 42-na chu nimin khan Serchhip Boxing Hall-ah khelh zawh niin a pumpui-ah Serchhip District Boxing Association chuan Medal 20 la in an champion a ni.

Tunkar Thawhlehni atanga Serchhip Boxing Hall-a khelh he Championship-ah hian Mizoram District 9 atangin Boxer 145 an tel a, Weight Category hrang hranga inelna an neih hnuah a thlengtu Serchhip District Boxing Association chuan Gold 12, Silver 2 leh Bronze Medal 6, a vaiin Medal 20 la in an champion a,, Aizawl District chu pahnihna niin Gold 9, Silver 3 leh Bronze 6 an la bawk a ni.
Nimin-a he Championship kharna hun Serchhip Boxing Hall-a neih hi Adviser to Chief Minister C. Lalramzauva chuan khuallian nia hmanpuiin Mizote zingah Professional Boxer an chhuak chho zel chu lawmawm a tih thu te, Boxing chu eizawnna tlak anih thu te, State Level a champion te chu National Level leh World Level thleng chho zel tura an lakah beiseina sang tak a neih thu te a sawi bawk.
He hunah hian Elite Mens & Women’s Asia Boxing Championship-2021 Dubai-a khelh zawk takah 64kg a Silver Medal latu Lalbuat-saihi,Tuithiang Veng, Aizawl chu SEDBA chuan chawimawina an hlan bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »