Lenkawl

Mizoram-a COVID-19 kai hmuhchhuah chu ala tlem thei tak taklo niin a lang a, niminpiah khan Sample 4006 enfiah leh niin hri kai 278 hmuh leh an ni a, Sample enfiah atanga zaa 6.93 te chuan hri an kai a ni.

Serchhip District-ah nimin khan COVID-19 hri kai mi pahnih hmuhchhuah niin hri kai hmuh tawh zawng zawng chu mi 701 an tling ta.

Serchhip District chhunga BJP Block President pahnih te chuan banna an thehlut ve leh ta.

Serchhip District chhung Khawlailung khua a Ropuiliani Section MHIP te chuan an member te thawhkhawm Thingfak Truck trip 2 chu hri leng avanga harsatna tawk, TNT Centre, Muanna Veng tan nimin khan an hlan.

MNF General Hqrs. a Secretary, Vanlal-tluanga chuan HSLC leh HSSLC Exam result chhuaka Serchhip-a zirlai tithate hnenah nimin khan MZP Hqrs. Serchhip kaltlangin lawmpuina a hlan.

Nimin khan Serchhip District-ah ASF vanga Vawk thi 27 chhinchhiah belh leh niin hri leng avangin Vawk 6 suat leh a ni bawk.

Champhai South Bial fang

Kolasib District Bawrhsap chuan Mizoram Police duty-na hmun pahnih (2) te chu Assam Police ten an thiah thu a sawi.

Agriculture Minister C. Lalrinsanga chuan nimin khan Lunglei Civil Hospital tlawhin Laboratory Building sak mek pawh a hmunah a tlawh nghal bawk.

Central YMA huaihawta Political Party hrang hrang leh NGO hrang hrang bakah MKHC te Joint Meeting thurel bawhzuiin nimin khan sawrkar mi pawimawh zual te leh NGO, Political Party, LC/VC leh Kohhran hruaitute chuan Joint Meeting neiin COVID-19 hri leng mek chungchang an sawiho.