Kolasib District Bawrhsap Robert C. Lalhmangaiha chuan nimin khan SDO (C) Kawnpui Mini Conference Hall-ah Kawnpui leh Kolasib inkar kawngpui kama Lung Quarry neitute kawmin National Highway humhalhna leh enkawlna chu Dan hnuaia awm a nih thu sawiin, lung Quarry enkawltu leh neitute chuan Dan an zawm ngei tur a ni tih a sawi a. Hna thawh an duh a, an eizawnna a kal zel theih nan Highway leh a reserve chin chu an tihnawk thiang lo tih sawiin, Quarry bulhnai vel an thenfai loh avanga mipui harsatna tawh hrang hrang a sawi bawk.
India Sawrkar Laipui-a Ministry of Finance-in nimin-a a tlangzarh tur, New Pension Scheme (NPS), Vatsalya Scheme chungchang zirhona chu nimin khan Lunglei-a Graceland English School-ah neih a ni.
National Highway (NH) 06, Kawnpui leh Khamrang inkar kawng chhia chu nimin khan PWD Minister Vanlalhlana hovin a hmunah enfiah a ni a, helai hmuna kawng chhia te chak zawka siamthat a nih theih nan lirthei tangkhang mekte chu nimin-a chhuah tir vek hman tura hmalak nghal a ni.
Chief Minister Lalduhoma chuan Handholding Scheme chu thalaite theihna chawikanga, thawkchhuaktu ni tura buatsaihna Scheme a ni tih a sawi.
Kolasib District Land Owners' Association hruaitute chuan Forest Department nena thu in hmuhlohna karah Kolasib District mipuite dinhmun a rang lama a chinfel vat a tu tih sawiin, hemi ti hlawhtling tura nawr nan kawngpui dan chah an tum tih an sawi.
Kum 2006 July thlaa Mizoram Information Commission (MIC) a din atanga kumin September ni 11 thleng khan Mizoram-ah RTI dilna 32,859 a lut tawh.
Nimin khan Health Minister Lalrinpuii hovin sik leh sa inthlak (Climate change) in mihring hriselna a nghawng dan leh chumi laka lo inven dan tur leh a tih nep (tih ziaawm) dan tur te sawihona neih a ni.
Mizoram sawrkar chuan Mizoram tharchhuah Buhhum-ah Support Price a pe dawn a, Ration Card Var hmangte tana buhfai Subsidy rate thar chu thla thar atang khian hman a ni dawn.
Mizo Zirlai Pawl chuan Commerce & Industries Department (Commerce Wing) hnuaia Assistant Marketing Inspector post khat lak tura Interview tura koh ten Interview-na hmun tur an thlen hnua hna lak cancel a ni thut chu hriatthiam harsa an tih thu sawiin, a mawhphurtu chu hrem ngei an phut thu an sawi bawk.