Ni khat-a hri kai hmuhchhuah tlahniam ve zel

Mizoram-ah COVID-19 hri kai hmuhchhuah thar tlahniam zelin niminpiah khan Mizoram-ah Sample 4034 enfiah niin heng atang hian hri kai mi 444 hmuh leh an ni a, Sample enfiah atanga za zela 11.01 te chuan hri an kai a ni.

Niminpiah khan ZMC-a RT-PCR Laboratory-ah Aizawl leh Mamit District atanga Sample lak 163 enfiah niin heng atang hian hri kai mi 11 hmuhchhuah an ni a, an zinga 6 te hi Aizawl District a mi te niin midang pahnih hi Mamit District mi te an ni thung. Fluorescent Immunoassay Test hmangin niminpiah khan Aizawl-ah Sample 8 enfiah niin hri kai mi pakhat hmuh a ni bawk.

District hrang hranga TrueNat Laboratory 8 atangin niminpiah khan Sample 188 enfiah niin hri kai mi 34 hmuh an ni bawk a, an zinga mi 20 chu Lunglei District ami te niin Serchhip District-ah 6, Champhai District-ah 4, Mamit District-ah 2 leh Hnahthial leh Aizawl District-ah pakhat ve ve an ni.

Rapid Antigen Test hmangin niminpiah khan Sample 3675 enfiah niin hri kai mi 398 hmuhchhuah an ni a, an zinga mi 185 te chu Aizawl District ami te niin heng zingah hian Chawilung khua ah hri kai mi 101 zet hmuhchhuah an awm a, Mauchar-ah hri kai mi 15 hmuh an ni bawk. Saitual District-ah hri kai mi 95 hmuh niin an zinga 56 te chu Phuaibuang khua an nih bakah Daido-ah pawh hri kai 18 hmuh an ni a, Champhai District-ah hri kai mi 34 hmuh ni bawkin Lunglei District-ah 26, Serchhip District-ah 23, Lawngtlai leh Khawzawl District-ah 8 ve ve, Mamit leh Hnahthial District-ah 6 ve ve, Kolasib District-ah 4 leh Siaha District-ah hri kai mi pathum hmuh an ni bawk.

Nimin khan tlai dar 5:00 thlengin Mizoram-ah hri kai enkawl dam mi 343 an awm belh leh a, heti hian nimin tlai dar 5:00 thlenga Mizoram-a hri kai hmuhchhuah tawh chu 1,33,562 niin an zinga 1,29,080 te enkawl dam an ni tawh a, hri kai zinga zaa 96.64 te enkawl dam ni tawhin hri kai enkawllai 3994 an la awm a, hri kai zingah mi 2 boral lehin mi 488 zet an boral tawh a ni.