Pik-up chesual-ah mi 6 thi

/

Nimin zing khan Aiduzawl atanga Rabung pana kal Pik-up Truck pakhat chu chesualin mi 6 in an thih phah a, mi 11 ten hliam an tuar bawk.

Thudawn danin he Pik-Up Truck hi Khawzawl District, Aiduzawl atanga Rabung-a mitthi vuina a kal turte chuanna niin heng khaw pahnih inkar Zawngtah kawn an tih ah chesualin kawngthlang ah a tlanliam a, he Motor a chuang mi 6 te chu boralin midang 11 ten hliam an tuar bawk a, heng hliam tuar te hi Rabung-ah lak niin mi pakhat chu Aizawl lama enkawl tura lak a ni a, hliam tuar zingah hian ngaihtuahawm deuh te pawh an awm a ni.

Vanduaina thlenna hmun hi nimin vek khan Khawzawl DC CC. Lalchhuangkima leh Addl. DC Lalrohlua te chuan pan nghalin boral te hi Rs. 3000/- theuha an ral bakah puan in an tuam a, hliam tuar te hi Rs. 1000/- theuha kanin Rabung leh Aiduzawl VC te chu a tul anga hman turin Rs. 5000/- ve ve an pe bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »