Latest News

Mizoram-ah hri kai thar 400 leh dam thar 302 awm

Niminpiah khan Mizoram-ah Sample 4357 enfiah leh niin heng atang hian COVID-19 hri kai mi 400 hmuhchhuah belh leh an ni a, Sample enfiah atanga za zela 9.20 te chuan hri kai ang an ni.

Niminpiah khan ZMC-a RT-PCR Laboratory-ah Aizawl leh Mamit District atanga Sample lak 414 enfiah niin heng atang hian hri kai mi 52 hmuh an ni a, hri kai hmuhchhuah te hi Aizawl District atanga Sample lak vek niin an zinga 16 te chu Darlawn khua ami te an ni a, a dang zawng hi Veng leh khua 15 atanga hri kai hmuh te an ni. Aizawl District-ah hian Fluorescent Immunoassay Test hmangin Sample 33 enfiah ni bawkin hri kai mi 8 hmuh an ni a, an vai hian Aizawl khawpui chhung ami te an ni.

Siaha leh Khawzawl tihloh District hrang hranga TrueNat Laboratory atangin niminpiah khan Sample 219 enfiah ni bawkin hri kai mi 31 hmuh an ni bawk a, an zinga 10 te chu Lunglei District atanga hri kai hmuh te niin Hnahthial District-ah 8, Kolasib District-ah 5, Mamit District-ah 3, Aizawl District-ah 2 leh Champhai, Serchhip leh Lawngtlai District-ah pakhat theuh te an ni.

Rapid Antigen Test hmangin niminpiah khan Sample 3691 enfiah ni leh bawkin heng atang hian hri kai mi mi 309 hmuh an ni thung a, an zinga 147 te chu Aizawl District ami niin Chawilung khua ah hri kai mi 20 zet hmuh an ni. Lawngtlai District-ah hri kai mi 36 hmuh ni bawkin Champhai District-ah 31, Lunglei District-ah 30, Serchhip District-ah 17, Saiha District-ah 15, Mamit District-ah 12, Kolasib District-ah 10, Hnahthial District-ah 9 leh Saitual District-ah mi 2 te an ni.

Nimin khan tlai dar 5:00 thlengin Mizorma-ah hri kai mi 302 enkawl dam an awm belh leh a, heti hian nimin tlai dar 5:00 thlenga hri kai hmuhchhuah tawh chu 1,32,720 niin an zinga 1,28,084 te enkawl dam an ni tawh a, hri kai hmuhchhuah atanga za zela 96.51 te enkawl dam ni tawhin hri kai enkawllai 4152 an la awm a, nimin khan hri kai mi pahnih boral awm lehin Mizoram-a hri kai zingah mi 484 an boral tawh a ni.

Comments

Popular News (Last 30 Days)