Lenkawl

Tourism Department changtu Minister Lalnghinglova Hmar chuan Tourism Department leh UD&PA Department hmalakna hnuaiah zan thum riah daih Aizawl khawpuia Tourism programme an duan thu sawiin, Mizoram sawrkar hnuaia Department hrang hrangah danglamna tam tak a thleng mek niin a sawi.

BJP Mizoram chuan nimin khan Aizawl-a an Party Office-ah kar thar inhlanna neiin BJP Foundation Day lawmna hun an hmang nghal bawk.

Mizoram sawrkarin kumin (2026) February ni 2 atanga May ni 30 inkara Support Price awma kuthnathawktute Sawhthing hralh tura a beisei atangin zaa 7.89 hralh a ni tawh.

ZPM Thalai General Hqrs. chuan Aizawl Brigade Field-a AMC Playground enho puiah MNYF President Robert Romawia Royte chu an sawm a, MNYF President hian an sawmna hi a pawmpui thu leh hemi zawh hian New Delhi-a Mizoram tana sum dah SASCI sum lapse dan enho puiah a sawm let bawk.

Tunhnai khan Myanmar Chin State-a sipai dotu pawl hrang hrang inzawmkhawmna, Chinland Council hruaitute leh ZORO leh MZP General Hqrs. hruaitute chu Aizawl-ah an inhmukhawm.

Kolasib District chhung Sethawn-a Jordan Center chu Mizoram Synod kut-ah hlan a nih dawn tak avangin nimin khan Social Welfare Department hotute leh Mizoram Synod hotuten a hmunah tlawhin an enfiah.

Punjab National Bank (PNB) dinchamphaphak vawi 132-na puala PNB leh Indian Armed Forces tangdun buatsaih ‘PNB Soldierathon 2026’ a tlante chu niminpiah khan Larsap General (Dr) Vijay Kumar Singh (Retd) chuan New Delhi-a Jawaharlal Nehru Stadium atangin a vailiam.

Home Minister K. Sapdanga chuan ‘Operation Jericho’ hming vuaha ruihhlo do beihpui thlak mek chu chhunzawm zel a nih thu a sawi.

Lunglei Pukpui-a Mizoram Engineering College (MEC) din tur chu Mizoram Sawrkar ruahman angin kumin Academic Session, July thla hian Class tan tura hmalak mek a ni a, tunah hian a panna kawng, tui leh eng pekna te chu PWD, PHE leh P&E Department ten an buaipui mek a, chak taka hmalak a ni. He Engineering College-ah hian Civil Engineer leh Computer Engineer zirna hawn phawt a ni anga, Seat 30 ve ve hawn a ni ang. A zir turte hi JEE paltlang an nih a ngai a, a bak chu Entrance Test kalpui a ni leh anga, Mizoram Polytechnic Lunglei atanga Diploma in Civil leh Computer Science zir zo an awm chuan Entrance Test hi an ti thei ang.

Lawngtlai Bawrhsap Donny Lalruatsanga chuan nimin khan a Pisa-ah Central YLA hruaitu thar te kawmin lawmpuina leh duhsakna a hlan a. CYLA chu Lawngtlai District-a NGO lian ber leh pawimawh ber an nihna angin Lawngtlai mipuite tan theihtawp chhuah zel turin a fuih a. Sawrkar in a kalpui mek Ruihhlo do (Operation Jericho) leh kawng dangah thahnemngai taka thawhpui turin a sawm a. Sawrkar Department ten hmalakna tha tak an neihna turah CYLA chu a daitheutu pawimawh tak an ni tih pawh sawiin, ram leh hnam tana thawhpuiah a sawm a. Ruihhlo do kawngah CYLA hnuaia Drug Reduction Squad (DRS) te chak zawka hmalak zel tura a beisei thu pawh a tarlang bawk.