Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Serchhip tlangval pathum telna Mizoram Team in Manipur pan dawn

Serchhip tlangval pathum telna Santosh Trophy khel tur Mizoram Team te chuan Vawiin hian Mizoram chhuahsanin Imphal (Manipur) an pan dawn ta.

Hero Santosh Trophy Qualifier (NE Zone) Khuman Lampak Stadium, Imphal (Manipur) a khelh turah Mizoram Team te hi inpeih tawhin Vawiin hian Mizoram chhuahsanin Manipur an pan dawn a, Mizoram Team-te hi Group B-ah awmin November 28, 2021 (Pathianni) chawhnu dar 2:30-ah Tripura an hmachhawn dawn a, an Group-ah hian Nagaland leh a thlengtu Manipur te an awm bawk a, Group B-a awmte hi inkhel kual chhuakin a säng berin Final round an lut dawn a, Group A ah Meghalaya, Arunachal Pradesh leh Assam te an awm bawk a ni.

Kumin a Mizoram Team-ah hian Footballer hmel thar kan hmu nual a, Santosh Trophy Qualifying Round khel tur player-te hi an naupang seng sawng hle a, Under-21 player mi 14 lai an kal tel dawn a, heng zinga player 5 te hi chu Under-19 player an ni hlawm a ni. Kumin hian Serchhip atang pawhin player pathum lai telin Lalrinzuala Hauhnar s/o Lalbiaknia (L), IOC Veng; Johny Lalremruata s/o Lalrawngbawla, Serchhip Vengchung leh Eric Remruatpuia s/o C. Lalsawmliana, Serchhip Field Road te an ni a, Santosh Trophy khel tura Mizoram Team-ah Serchhip mi an tam ber tum nia hriat a ni.

Comments

Chhiar Hlawhte

Book of the Year hlan