Hri kai 16 hmuh belh leh

Nimin khan Serchhip District-ah COVID-19 hri kai mi 16 hmuhchhuah belh leh an ni a, hri kai mi 47 te enkawl dam an ni thung.

Hriat theih chinah nimin-a Serchhip District-a hri kai hmuhchhuah mi 16 zinga mi 8 te hi Serchhip-a hri kai hmuhchhuah an ni a, heng bakah hian Thenzawl, Chhingchhip, Sialhau leh East Lungdar atangin hri kai mi pahnih theuh hmuh an ni bawk.

Serchhip District-a hri kai enkawl te zingah nimin khan mi 47 zet enkawl dam an awm belh leh a, heti hian nimin tlai thlenga Serchhip District-a hri kai hmuhchhuah tawh chu 5214 niin an zinga 4976 te chu enkawl dam an ni ta a, hri kai hmuhchhuah atanga chhutin za zela 95.43 te chu enkawl dam an ni tawh a, hri kai enkawllai 223 la awmin hri kai zingah mi 15 an boral tawh bawk a ni.