Mi 7 te Ex-gratia pe tawh

Nimin thleng khan Serchhip District-a CO-VID-19 vanga boral te chhungte mi 7 hnenah ex-gratia pekchhuah a ni tawh.

Sawrkar in ruahmanna a lo siam tawh angin Serchhip District a COVID-19 vanga boral chhungte chuan Serchhip DC Office-ah Ex-Gratia dilna hi thehlut thinin nimin thleng khan dilna lehkha 16 dawn a ni tawh a, heng zinga pakhat chu an dilna hnawl sak a nih hnuah mi 7 te dilna chu pawmin Rs. 50,000/- zel pek tura tihfel a nih hnuah pek fel an ni tawh a. Tunah hian dilna lut dang 8 te chu ngaihtuah mek niin heng te pawh hi COVID-19 vanga thi ngei an nih chuan harsatna awm lova pek leh mai tura ngaih a ni. Serchhip District-a COVID-19 hri kai hmuhchhuah bakah hian hmun-dang a hri kai hmuhchhuah, Serchhip District mi ni si te pawhin Serchhip DC Office-ah hian Ex-Gratia dilna hi an thehlut thei a ni.