Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Khawpui fai endik dawn hnai

October ni 2, 2021 atanga tan ‘Mizoram Khawpui Fai Intihsiakna 2021’ endikna chu kalpui tan a ni dawn ta.

He intihsiakna kalpui tura en-dik hna thawk tura ruat Panel of Judges te chu nimin khan UD&PA Director H. Lianzela hovin a pisa-ah inhmukhawmin endik dan tur sawihona 'Briefing of Panel of Judges' chu neih a ni a, he intihsiakna endik tur hian Department chhung leh pawn-a officials te, Mizoram University Professors-te bakah NGO hrang hrang hruaitute ruat an ni a, UD&PA Department atangin Officer 3 (pathum), Mizoram Pollution Control Board (MPCB), Mizoram University, Mizoram Journalists Association leh Central YMA atangin mi 2 (pahnih) theuh telin, Category hrang hrang-ah endiktu hrang theuh awmin endikna kalpui a ni dawn a ni. Mizoram Khawpui Fai Intihsiakna hi Sawrkar Laipui in Swachh Bharat Mission hnuaia kum tina rampum huap khawpui fai endikna a kalpui thin, Swachh Survekshan 2022 atana Mizoram khawpuite inbuatsaihna pakhat atan kalpui niin December 1, 2021 atangin en-dik hna hi thawh tan a ni ang.

Comments

Popular News (Last 30 Days)