Special Permit pekloh duh
COVID-19 laka Mizote kan him deuh deuh theih nan Vairengte khawtlang chuan Home Department in sumdawngte hnena State pawn kal theihna Permit a pek chu pe tawh lo se an duh thu an sawi.
Ramchhunga MP te hlawh zaa 30-in tihniam dawn
Central Minister leh MP-te hlawh zaa 30-a kum khat chhung tihhniamna tur Ordinance chu Union Cabinet chuan nimin khan a pawm a, Salary, Allowances & Pension of Members of Parliament Act, 1954 siamthat hi tun thla ni 1 atanga hman tan tur a ni.
Mamit DC in Village Leval task Force duty te a tlawh
Mamit District Bawrhsap leh District Level Task Force on COVID-19 Chairman, Dr. Lalrozama chuan nimin khan Mamit District chhunga Village Level Task Force hrang hrangte an awm hmunah kalchilhin a thlamuan.
Central YMA in lawmthu sawina tichhuak
Central YMA chuan Hripui leng avanga harsatna leh buaina kara thinnel leh thuawi taka Mizo mipuite kan awm avanga lawmthu sawiin, kan hmazawn theuh a fimkhur taka hmala chhunzawm zel turin an ngen bawk.
Mizoram tan MGNREGS sum rawn sanction fel
Sawrkar laipui-a Ministry of Rural Development chuan MGNREGA hnuaia Mizoram mipuite inhlawhna atan nimin khan cheng nuai 16818.7 chu a sanction a, he sum hmang hian Mizoram-a Job Card nei mek te tan ni 26 vel inhlawhna siam leh theih tura ngaih a ni.
BJP kum 40-na hmang
BJP chuan nimin khan an party dincham vawi 40-na an hmang a, BJP Mizoram President Vanlalhmuaka chuan he Ni pual hian Aizawl a State BJP Office-ah BJP Flag a pawt pharh bawk.
BIALTU MLA IN CHAWHMEH HLAN
Serchhip bialtu MLA, Lalduhoma chuan a huan-a a tharchhuah thlai chi hrang hrangte chu a mamawh te hnena sem turin nimin khan an chenna, Chawlhhmun Local Task Force te kutah a hlan a. Hemi hmalam hian a bial chhunga Local Task Force te chu pawisa ba…
Chinghnia in Sial 12 seh tawh
Serchhip District chhung Sailulak khuaa an Sial vulh te tunhnaia Chinghnia in a beih thin ah nimin thleng khan Sial note 12 sehhlum tawhin pahnih a hliam tawh bawk a, Sailulak khua hian Sial 297 an vulh mek a, Chinghnia in Sial note an seh hi a not…
DC in hna zawm beisei
Serchhip District Bawrhsap, Dr. Lalzirmawia Chhangte chu thla khat chuang zet Training-a a kal hnuah Vawiin hian a hna rawn zawm tura beisei a ni.
Tangkhang mi 535 awm mek
Serchhip District chhunga Lockdown kalpui mek laiin khualzin tangkhang leh hnathawka awm tang laklawh mi 535 an awm mek. He thu hi nimin a Serchhip District Level Task Force on COVID-19 thutkhawm ah Serchhip SDO (Sadar), C. Lalduhzuali chuan tarlan…
Serchhip District-ah mi 133 khunghran la awmin Sample pakhat thawn tawh COVID-19 lakah a him
Coronavirus leng mek avangin Serchhip District-ah In lama khunghran mi 133 leh Quarantine Facility-a awm mi 6 an la awm mek a, Serchhip atanga Sample thawn pakhat chu COVID-19 lakah a fihlim tih finfiah a ni. Serchhip District Level Task Force on COVID-19 in hmalakna thlirin hmalak zel dan tur an rel
Serchhip District Level Task Force on COVID-19 chu nimin khan an Chairman leh Serchhip DC, H. Dolianbuaia hova thukhawmin COVID-19 laka invenna kawnga hmalakna hrang hrang te ngiahthlak niin, Lockdown kalpui mek chunga mipuite tana remchanna siam tura rawtna leh dilna hrang hrangte an ngaihtuah nghal bawk.