Olympian Lalremsiami ropui takin lo hmuah a ni
Japan khawpui Tokyo-a Olympic Games neih zawh taka Mizo zinga tel awmchhun, Indian Women’s National Hockey player Lalremsiami chuan nimin khan Mizoram rawn thlengin ropui taka lo hmuah a ni.
Hri kai hmuh belh zel
Nimin khan Serchhip District-ah COVID-19 hri kai mi panga hmuhchhuah belh awm lehin Serchhip District-a hri kai hmuhchhuah chu 974 an tling tawh.
Serchhip District-ah Sample 22,832 enfiah tawhin COVID-19 hri kai 974 hmuh an ni tawh
Nimin (August 25, 2021) thleng khan Serchhip District-ah COVID-19 hri leng mek avangin Sample 22,832 enfiah ni tawhin heng atang hian hri kai 974 hmuhchhuah an ni tawh a, hri kai zinga 883 te chu enkawl dam ni tawhin, hri kai hmuhchhuah atanga za zela 90.65 te chu enkawl dam an ni tawh a ni.
Vawk thi 3439 tling tawh
Serchhip District-ah African Swine Fever (ASF) vangin Vawk 3439 zet a thi tawh a, nimin khan Vawk thi 24 a awm belh leh a ni.
Govt. Serchhip College in Annual College Day an hmang
Govt. Serchhip College chuan nimin khan Annual College Day hmangin kumin a an College zirlai tithate hnenah chawimawina leh lawmpuina hlan an ni.
BBBP Serchhip District hmalakna in Special Career Awareness Seminar neih a ni
Beti Bachao Beti Padhao (BBBP), Serchhip District hnuaia hmalakna pakhat atan nimin khan Govt. Serchhip College-ah ‘My Aim My Target Campaign’ Programme atangin hmeichhe zirlai naupangte tan Special Career Awareness Seminar buatsaih a ni.
Mizoram-ah hri kai hmuhchhuah an pung leh hret
Tunhnaiah Mizoram-a COVID-19 hri kai hmuhchhuah chu an pung leh hret niin a lang a, niminpiah khan Sample 9636 enfiah niin heng atang hian hri kai mi 740 hmuhchhuah leh an ni a, Sample enfiah atanga za zela 7.68 te chuan hri hi an kai a ni.
Deputy CM in 100 Days Campaign hawng
PHE Department changtu Deputy Chief Minister Tawnluia chuan nimin khan ‘100 Days Campaign - Sustainability of ODF gains and achieving million soakpits’ chu a hawng.
Zirna In sang zawk hawn leh dan tur sawiho a ni
Mizoram chhunga College leh zirna In sang zawkte hawn leh dan tur chungchang sawihona chu nimin khan Higher & Technical Education Minister Dr. R. Lalthangliana hovin a Pisa-ah neih a ni.
Mamit-ah hmasawnna leh hmabak sawiho
Nimin khan Mamit-ah District Bawrhsap Dr. Lalrozama IAS hovin Mamit khawpui chhunga pawl hrang hrang hruaitute leh Sawrkar officials te chu Mamit District chhunga hmasawnna hna kal mek leh hmachhawpte bakah District dinhmun hrang hrangte thlirin an thukhawm.