Lenkawl

ZPM Legislature Party Leader atan Serchhip bial atanga thlantlin Lalduhoma chu thlan a ni.

Serchhip East Block MNF chuan nimin khan Serchhip Venglai-a Mizo Hnam Run-ah Assembly Inthlanpui thlirletna hun an hmang.

Zoram People’s Movement (ZPM) Serchhip Block chuan nimin khan Serchhip Bazar-a an Office-ah Assembly Inthlanpui neih zawh tak chungchanga Lawmthu sawi tawngtai Inkhawm an nei.

Tunkar Zirtawpni thleng awh tur ‘Inter-Branch YMA Serchhip District Boxing Championship 2023’ chu Vawiin hian khelh tan a ni dawn.

Serchhip District Cricket Association buatsaih Season Opening Tournament chu tunkar Zirtawpni khian khelh tan a ni dawn.

Serchhip South Zone Middle School Sports chu nimin khan neih tan niin tunkar chhunga zawhfel hman tum a ni.

Serchhip SP chuan thuchhuah siamin Serchhip Tuikhuah Veng, National Highway atanga Tuizemdum kawn pan chhohna kawng chu 'No Parking area' ni tura ngenna hmuh a nih angin a hmunah enfiah a nih thu leh mipui tana himna leh harsatna awm thei pumpelh a nih theih nan Serchhip Tui-khuah Veng (Pu Zokhuma kawt) atanga Tuizemdum kawn inkar kawng'chu lirthei dah phal lohna hmun, ‘No Parking Area’ ah puan a nih thu a tarlang.

Serchhip Chhim Veng Branch YMA chuan an huamchhunga chhungkaw pakhat chu nimin khan hnatlangin an buh an seng sak a. Thudawn danin he buh an seng sak hi nupa-a khawsa thin niin an pa hi hun engemaw chen a damloh hnuah kumin October thla khan a boral a. An nupa hian Serchhip Mat Phai-ah Buh phur 100 chuang hmun chu enkawlin buh seng-ah harsatna an neih tak avangin nimin khan Serchhip Chhim Veng Branch YMA te hian hnatlang in buh hi an seng sak a, mi 50 dawn thawkchhuakin buh hi an seng zawh sak a, hnatlang te ei leh in tur chu Serchhip Chhim Veng VC ten an tum sak bawk a ni.

Serchhip District Tuberculosis (TB) Centre-a thawktute leh Serchhip Sub-Hqrs. YMA Office Bearer-te chu nimin khan Serchhip Sub-Hqrs. YMA Meeting Hall-ah thukhawmin TB natna chungchangah inkawmhona an nei a, he hunah hian Serchhip District TB Officer Dr. Lalnunhlima Khiangte chuan TB leh a enkawlna chungchanga hmalakna hrang hrangte PowerPoint presentation hmangin a sawifiah a. Hei bakah hian Nikshay Mitra (Community Support to TB Patient) chungchang pawh a sawifiah a. Hemi hnu hian TB natna umbo tura hmalakna hrang hrangte sawiho niin inkawmna huamzau takin an nei a ni.

Kum 2023 Mizoram State Assembly Inthlanpui-a Vote tla te chu nimin khan chhiar a ni ta a, Seat 40 awmna ah Zoram Peoples Movement (ZPM) chuan Seat 27 lain Party mal-a sawrkar siam thei turin hnehna an chang a, Rorellai MNF Party chuan Seat 10 lain Chief Minister leh Minister nilai engemaw zat an tling zo lo a ni.

 Assembly Inthlanpui 2023-a Serchhip District chhung Assembly Bial pathum-a Candidate ten Polling Station hrang hranga Vote an hmuh dan chu hetiang hi a ni :

Kum 2023 Mizoram Assembly Inthlanpui chu tlung taka neih niin nimin khan Vote tla te chhiar zawh a ni a, Bial hrang hranga Candidate te Vote hmuh dan chu hetiang hi a ni :

Mizoram Assembly Inthlanpui neih a Serchhip District chhung Assembly Bial pathum-a Candidate hrang hrangte Vote hmuh dan chu hetiang hi a ni :

Serchhip District chhung Assembly Bial pathum a Vote tla te chu tukin dar 8:00 atang hian chhiar a ni dawn ta.

Inrinni khan Serchhip Vengchung Pastor Bial KTP aiawhin Serchhip Bazar Branch KTP te chuan Serchhip District Hospital Blood Bank-ah thisen Unit 15 an pe a, thisen petute hi mipa 11 leh hmeichhia 4 an ni. Kumin a Serchhip Vengchung Pastor KTP Conference chuan thisen pek hi relin hemi bawhzuina atana AVBD ten ruahmanna an siam angin an Bial chhunga KTP Branch 5 ten thisen hi an in pek chhawk a ni.

Mizoram pum huap Catholic Phalai Pawl Inkhawmpui chu nimin Pathianni hmang khan St. Peter the Apostle’s Parish Chhingchhip-ah neih a ni. He Inkhawmpui hi Zirtawpni atang khan neih niin Flag pawhpharhna leh Inkhawmpui neihna tur Pandal ‘Mithianghlim Petera Run’ hawnna neih a ni a. Mass Inkhawm leh Palai lawmna Inkhawm neih zui niin thupui thlan bik hrang hrang hmangin Speaker-te'n thu an sawi a. Aizawl Bishop CSC Most. Rev. Stephen Rotluanga chuan Inkhawmpui hi a hmanpui a ni. Inrinni khan he khawmpui-ah hian Cultural Day hman niin Thupui thlanbik chi hrang hrang hmangin thusawi ngaihthlak a ni a. Hei bakah hian DCTP hnuaia Social Action Sub Committee hmalaknain a thlawna inentirna buatsaihin Specialist Doctor 12 bakah Ran Doctor rawn tur an awm a, Damdawi a thlawn a sem niin Ui a hri danna pawh a thlawn a pek nghal a ni.

Seventh-day Adventist (SDA) hnuaia thalai pawl, Adventist Youth Federation (AYF) Ser-chhip Circle ‘Year End Meet’ chu Inrinni leh nimin Pathianni-ah khan Khumtung SDA Biak In-ah neih a ni a, AYF Serchhip Circle hnuaiah hian Adventist Youth Ministry (AYM) 8 awmin Serchhip bakah Chhiahtlang, Khumtung, Baktawng, Chhingchhip, Hualtu leh Biate te a huam a, heng khua bakah North Vanlaiphai leh Rawpui atangin palai an tel bawk a ni.

Mizoram Assembly Inthlanpui neih mekah Serchhip District-ah Postal Ballot hmangin Vote 1141 tla tawhin hei hi danglam tawh lo tura ngaih a ni a. Serchhip Bial-ah Vote 703 tlain Tuikum bial-ah 228 leh Hrangturzo Bial-ah Vote 210 a tla a ni. Tun tumah hian Facilitation Centre-ah Vote 615 tlain kum 80 chunglam mi 146 leh PwD mi 22 ten Home Voting hmangin Vote an thlak a, Essential Service atangin mi 16 ten Postal Ballot-a Vote an thlak bakah District danga awm mi 212 leh Service Voters 130 ten Vote an thlak a ni.

Khawvel puma HIV/AIDS dona ni, 'World AIDS Day' chu nimin khan khawvel pumah hman niin Serchhip-ah pawh District AIDS Control Society bultumin Serchhip Kawnpui VC Hall-ah he ni pual hian hun hman a ni a. Serchhip District-ah hian kumin March thla thleng khan HIV hrik kai 518 hmuh an ni tawh a ni.

Serchhip District Volleyball Association in a buatsaih, Serchhip District Volleyball Championship 2023 chu nimin khan khelh zawh a ni.