PMAY-U hnuaia hma la thalo te ngaihtuah an ni

Pradhan Mantri Awas Yojana-Urban (PMAY-U) hnuaia Serchhip District chhunga In sak tanpuina dawngtu zingah hma la la lo te chungchang ngaihtuahin nimin khan Serchhip-ah District Screening Committee chu an thukhawm.

He thutkhawm Serchhip DC Meeting Hall-a neih hi District Screening Committee Chairman leh District Bawrhsap Kumar Abhishek IAS chuan kaihruaiin Serchhip bialtu MLA Lalduhoma pawhin he hun hi a rawn telpui a, he hunah hian District Urban Development Officer Lalzikpuii chuan PMAU-U hnuaia Beneficiary-Led Construction (BLC) kalpui tawh dan te tarlangin, he hmalakna hnuaia tanpuina thawh khatna dawng tawh zingah hma la thalo an awm avangin Survey an neih thu leh Serchhip District-ah mi 1012 te dilna pawm tawh ah mi 404 ten 1st Instalment dawng tawhin an zinga 44 te chuan hma an la lo tih a sawi a. Thenzawl-ah mi 467 te dilna pawm tawh ah mi 452 ten 1st Instalment dawngin an zingah hian hma la lo mi 57 an awm thu leh North Vanlaiphai-ah mi 349 te dilna pawm tawh ah mi 138 ten 1st Instalment dawng tawhin an zinga mi 3 te chuan hma an la thalo tih a tarlang bawk a. Heng mite hian July 2019 khan 1st Instalment an dawn tawh thu leh an dawn dawn hian intiamkamna ziakin ni 100 chhunga hma la tura an intiam thu leh tun thlenga hma la la lo te pawh an awm thu a sawi bawk.

He thutkhawm ah hian heng mite chungchang hi ngaihtuah chhunzawm niin an dinhmun leh harsatna an tawh te thlirho a ni a, an chungchang hi a tul anga bawhzui turin Mission Director, UD&PA hnenah thlen nise an ti a ni.

Comments

Popular posts from this blog

Volleyball S/F khel dawn