Union Minister rawn zin dawn

Union Minister of State for Statistcs and Planning Rao Inderjit Singh chuan zan 4 riak turin Mzoram a rawn tlawh dawn a, a hun tam zawk chu Serchhip District-ah a hmang dawn a ni.

Union Minister of State Rao Inderjit Singh lo dawnsawn dan tur hi nimin khan Planning Secretary Lalmal-sawma hovin Planning Department Committee Room-ah sawiho niin Aizawl-a sawrkar mi pawi-mawh te bakah Serchhip District atangin District Bawrhsap Kumar Abhishek leh Official dang te chu biakhmuhtheihna hmangin an tel a, Union Minister programme tur thlirlawk niin mawhphurhna hrang hrang insiamrem a ni bawk.

Ruahmanna ang chuan Union Minister hian Thenzawl-ah a hun tam zawk a hmang dawn a. Serchhip District a sawrkar hotute, tlawmngai pawl hrang hrang aiawhte leh khawtlang hruaitute nen inkhawmhona hun an nei dawn bawk a ni. Hei bakah hian Mizoram-a an cham chhungin Chief Secretary Dr. Renu Sharma leh Central Scheme/Centrally Sponsored Scheme (CSS) project lian thawk mektu Department te nen thut-khawm pawimawh an nei dawn bawk a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man