India hmarchhak-a a hmasa ber turin ‘New Age Tech Skills Centre’ thar chu Zirtawpni khan School Education Minister Dr. Vanlalthlana chuan Aizawl Model Veng-a Govt. Comprehensive Model School-ah a hawng.
Central Bureau of Investigation (CBI) chuan Indian Air Force tana Lengpui ram-a mimal ram lei chungchanga dan bawhchhiatna awm ni a sawi chu an chhui tan.
Synod Prison Ministry-in Mizoram-a Lung In 10 a zirchianna-ah Jail tang 76.7% te chu thalai kum 18 atanga kum 40 inkar an ni a, an tan chhan tam ber chu ruihhlo a ni.
Lengpui Airport cheithat hna chu thawh mek a niin hnathawh tura ruahman 95% vel thawh zawh a ni tawh a, harsatna dang a awm loh chuan June thla chhung hian zawhfel hman beisei a ni.
National Conference on Agriculture for Kharif Campaign chu Zirtawpni khan New Delhi-ah neih niin Mizoram atangin Agriculture Minister PC. Vanlalruata chu a tel a ni.
Zirtawpni kalta khan ‘State Review Meeting of Power and Housing & Urban Affairs, Mizoram’ chu Union Minister Manohar Lal kaihhruaiin neih a ni.
Mizoram Mixed Martial Arts Association (MISMA) buatsaih ‘MISMA Fight Night’ chu Inrinni zan khan Aizawl Mualpui Salem Veng-a R. Dengthuama Indoor Stadium-ah neih niin Chief Minister Lalduhoma chuan a hmanpui a, Special Guest UFC Flyweight Champion Joshua Van chu chawimawina hlan a ni.