Ni 15.11.2024, Zirtawpni : Tukin Dar 4:45 AM vel khan Chhiahtlang, Chhim Veng-a Lalpandika te In chu Truck, RJ14GN9384 chuan a sù chhe vek a. Vanneihthlak takin nunna chân leh hliam erawh an awm lo a, motor-ah hian mi engzat nge chuang tih hriat a ni lova, an tlanbo nghal a ni.
All India Cooperative Week vawi 71-na lawmna chu nimin khan Aizawl Treasury Square-a Lianchhiari Run-ah neih a ni a, he hun hi Cooperation Minister PC. Vanlalruata chuan a hmanpui a ni.
Champhai District Hospital in India rama sawrkar damdawi In tha tehna, ‘National Quality Assurance Standards (NQAS)’ tehfung hmanga endik an nih hnua ‘National Quality Assurance Standards Certification’ an hmuh lawmna chu nimin khan neih a ni.
Tourism Minister Lalrinpuii chuan Tourism Department-in Kut (Festival) a huaihawt thin te chu Tender hmanga outsource thin turin ruahmanna thar siam a nih thu a sawi.
Ministry of Development of North Eastern Region (DoNER) kaltlanga Mizorama hnathawh hrang hrangte thlirletna hun chu nimin khan neih a ni a, he hunah hian Chief Minister Lalduhoma pawh telin DoNER Minister Jyotiraditya M. Scindia pawhin he hun hi a telpui a ni.
Power Minister F. Rodingliana chuan Mizoram chu kawlphetha 3500 MW chuang tharchhuak thei a nih laiin tun dinhmunah MW 50 pawh a la thar loh thu sawiin, a chhan bulpui ber chu sorkar laipui in a sum leh paiah a puih that tawkloh avang a nih thu a sawi.