CM in DoNER Minister a hmu

/

New Delhi-a cham mek Mizoram Chief Minister niminpiah tlai khan DoNER Minister G. Kishan Reddy chu a pisa-ah hmu in, Mizoram economy chungchang an sawidun.

Chief Minister chuan Gross Budgetary Support atanga hmar-chhak State te tana 10% an pek tur chu tun Financial year chhung hian an hmuh tur zat hmuh a nih loh thu te, Bamboo Development atana Link Road siam a pawimawh thu leh chumi atan chuan sawrkar laipui atanga puihna State in a mamawh thu a thlen a. Mau leh rua tam mahse Link Road awm loh avanga a phurhna senso a san phah avanga Mau chingtute leh Bamboo Based Industry neitute tan a hlawk loh phah thu sawiin, Link Road siam theih a nih chuan he harsatna hi a sutkian tur thu a sawi a ni.

DoNER Minister bulah hian India hmar-chhak State te'n hmasawnna tak tak an hmuh theih nan DoNER kaltlanga sum pek dan leh pek zat te, hnathawh dan engemawchen ennawn ngai nia a hriat thu Chief Minister chuan a sawi bawk a. Aizawl khawpui tawt tiziaawm tura bypass road siam mamawhna leh chumi atan chuan rua-hmanna lo siam a nih tawh dan te hrilh bawkin, chumi siamna tur Fund dil chu hmuh ngei a beisei thu hrilhin a ngen nghal a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »