Lenkawl

Lok Sabha MP in CEC kawm

Ningani kalta-a Tuikum lui-a chesual, Lal-ngaihdami chu khawtlang huapa ni 7 zawn a nih hnuah hmuh ni lovin khawtlang huapa zawn tih-tawp ni mahse nimin khan Keitum khawtlang chuan a zawn hna an thawk chhunzawm leh a, he hunah hian thalai thahnem ta…

Niminpiah-a Mizoram-a Sample enfiah atangin COVID-19 hri kai mi 9 hmuh belh leh niin an zingah hian hri kaina chhan hriatloh mi pathum an awm.

Agriculture Minister, C. Lalrinsanga chuan nimin khan Tuirial-a APEDA Pack House-cum-Cold Storage chu a tlawh.

Aizawl-a ‘Sikulpui’ chu Mizoram Synod kuta hlan a nih hnuah nimin khan a hawnna neih a ni.

Mizoram Rajya Sabha MP, K. Vanlalvena chuan niminpiah tlai khan Union Defence Minister, Rajnath Singh chu New Delhi-a a chenna In-ah hmuin Defence Ministry hnuaiah emaw, Home Ministry hnuaiah emaw Mizo Regiment emaw, Mizo Rifles emaw din turin a ngen.

Nimin khan a ni 2-na atan Union Minister of State for Tourism, Prahlad Singh Patel-a hovin State Tourism Minister te Virtual Meeting neih a ni a, he Meeting-ah hian COVID-19 hripui leng vanga Tourism Industry-in nasa taka tlakchhiatna a tawhte sawihoin Tourism Industry siamthat lehna tura hmalak dan tur kawng hrang hrang sawiho a ni.

Kum 2020 HSLC leh HSSLC result chhuaka zirlai za-a za pass tir thei Mizoram hmun hrang hranga sawrkar enkawl School 21 te lawmpuina hun chu nimin khan buatsaih niin Serchhip atangin zirna In pahnh ten lawmpuina hi an dawng a ni.

Tun thla ni 8-a Tuikum lui, Vanchengte kai-a chesuala tui-a tla, K. Lalngaihdami chu a ruang pawh hmuh a nih tak loh avangin nimin khan an chenna In ah Kohhran in thlahna hun an hmang.

Serchhip Chanmari VC te chuan nimin atang khan Serchhip Chanmari Veng-a YMA Volleyball Court chu lai zauin a chhaklam-a awm ten an kawtkai thlenga lirthei an tlantir theihna turin hma an la a. Serchhip Chanmari VC-a President, C. Lalremliana chuan Volleyball Court zauh a nih theih nan leh hetianga kawng an siam theih nan hian H. Vanlallawmi te chuan an ram zau tak chu vantlang tan an pe tih sawiin, hetianga khawtlang tana inpe an awm chu an lawm hle tih a sawi bawk.

Serchhip District Consumers Association hruaitute chuan nimin khan State Bank of India (SBI) General Manager hmuin Serchhip-a ATM chungchanga harsatna awm te an sawipui.

Serchhip District-a COVID-19 hri kai enkawl pakhat chu enkawl dam leh niin nimin khan Thenzawl AYUSH Hospital CCC atanga chhuahtir a ni.

Nimin khan Serchhip-ah COVID-19 hri kai pakhat hmuhchhuah a nih avangin Serchhip District Hospital-a OPD chu chawhnu lamah khar lailawk nghal a ni a, he thil thleng avang hian mipuite chu chi-ai lo tura chah niin Vawiin lam hian OPD hi khar chhunzawm ala ni ang.