Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Pawl Kut hman dan tur rel

Kumin a Serchhip-a Pawl Kut hman dan tur ngaihtuah in nimin khan Organising Committee chu Serchhip Sub-Hqrs. YMA Committee Room-ah thukhawmin Pawl Kut hman dan tur tlangpui an duang.

India ram zalenna kum 75 tlin lawmna chi khat atan Art & Culture Department chuan Serchhip-a Pawl Kut hmang tur hian ruahmanna siamin hemi atan hian sum a rawn ruahman bakah Serchhip Sub-Hqrs. YMA chu hma la turin a rawn ngen a. SEC thukhawm in hemi atana Or-ganising Committee a ruat chu nimin khan an Chairman, Serchhip Sub-Hqrs. YMA President Kawlthuama kaihhruaia thukhawmin Pawl Kut hi December 9, 2021 khian Serchhip Auditorium-ah hman nise an ti a, Khuallian atan MUP Serchhip District President chu beisei niin hri leng mek avanga punkhawm tam a remchan loh avangin hemi puala hun hman tawi bak Item hrang hrangte chu record lawk in Local Cable TV-ah pekchhuah a ni ang.

Pawl Kut-ah hian naupang ten item chi hrang hrang an entir anga, item nei tur hian YMA Branch hrang hranga YMA Chhang te beisei niin Mizo Hnam Lam, Mizo naupang infiamna leh zai te entir a ni dawn a ni.

Comments

Chhiar Hlawhte

Book of the Year hlan