Hri kai enkawl dam pung zel

Zonuna Kawlni /

Serchhip District-ah COVID-19 hri kai thar tlem ve zelin hri kai enkawl dam pawh an pung ve mek bawk.

Nimin Pathianni khan Serchhip District-ah COVID-19 hri kai mi 7 hmuh belh leh an ni a, heng te hi Rapid Antigen Test hmanga hri kai hmuhchhuah te vek an ni. Inrinni khan Serchhip District-ah hri kai mi 17 hmuh belh an ni a, heng te hi Rapid Antigen Test hmanga Sample enfiah 28 atang hmuh niin an zinga 16 te chu Leng khua a hri kai hmuh te an ni a, midang pakhat hi Serchhip Vengchung ami niin TrueNat Laboratory-ah Sample enfiah a awmlo thung a ni.

Inrinni khan Serchhip District-a hri kai enkawl mi 13 te enkawl dam leh niin nimin khan mi 59 zet enkawl dam an awm leh bawk a. Heti hian nimin thleng khan Serchhip District-a CO-VID-19 hri kai hmuh tawh chu 5344 niin an zinga 5094 te chu enkawl dam an ni tawh a, hri kai hmuhchhuah atanga za zela 95.32 te chu enkawl dam ni tawhin hri kai enkawllai 235 an la awm a, mi 15 an boral tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »