MZP in chawimawina hlan

Mizo Zirlai Pawl (MZP) chuan Aizawl-a an Office, MZP Pisa pui chu kumin atan kharna hun hmangin Zirtirtu leh zirlai tithate chawimawina an hlan nghal bawk.

Nimin-a he hun an hman hi Mizoram Chief Information Commissioner, Lal-nunmawia Chuaungo chuan khuallian nia hman-puiin Zirna chu ram leh hnam hmasawnna atana inchherchhuahna pawimawh ber a ni a, uar lehzuala zirna kan kalpui a ngai tih a sawi a. “Vawiin a chawimawina dawng zawng zawngte ka lawm-pui em em che u rualin, midang tana entawntlak ni zel turin leh Mizoram tithangmawitu ni zel turin duhsakna ka hlan che u a ni,” a ti.

He hunah hian NDA tling thar Dayne Thiamsangliana S/o Lalhmingsanga leh Lal-rindika S/o Dr. Lalrohlua te, National Award to Teacher Jacinta Vanlalengzami A&M Grand-child School, N. Vanlaiphai te, State Award to Teacher C. Lalhluna Headmaster, Govt. Bethle-hem Vengthlang H/S, Rosangzuala Ralte Headmaster, Govt. Edenthar M.S leh Vanlathangi Headmaster, Govt. Electric P/S-II, Lunglei te hnenah chawimawina thuziak an hlan a ni.

Nimin-a he hun hman ah hian MZP President Lalnunmawia Pautu chuan Mizote ti hming-tha a, chawimawi tlak leh phute chu MZP chuan a chawimawi thin tih sawiin, chutih rualin ram leh hnam tan do ngai chu a do mai thin tih a sawi a. “Zofa hmun hrang hranga awmte tan MZP in theihtawp a chhuah thin a. Tuna Assam State huamchhunga awm mek, Mizoram-a rin luh phuta hmala mektu Thangram Indigenious People Movement hruaitute hmalakna hi MZP chuan a thlawp tlat a. Mizo mipuite pawhin theihtawp chhuahin i tanpui ang u,” a ti bawk.

MZP Pisa Pui hi kumin atan khar ni mah se zirlaite leh ram leh hnam tan hawn theih reng a ni a. Kumthar January 13, 2022 (Ningani)-ah hawn leh tur a ni dawn a ni.