Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Faina ah Mizoram in Award pathum a dawng

Ministry of Housing and Urban Affairs hnuaia Swachh Bharat Mission (Urban)-in kum tina a buatsaih thin India ram khawpui fai endikna, Swachh Survekshan 2021 lawmman semna 'Swachh Amrit Mahotsav' chu Inrinni khan New Delhi-a Vigyan Bhavan-ah neih a ni a, Mizoram in lawmman pathum lai a dawng a ni.

He hun hi President Ram Nath Kovind chuan hmanpuiin, Union Minister, Housing & Urban Affairs bakah Chief Minister thenkhat leh Central Sawrkara mi pawimawh leh State/Municipal Bodies hrang hrang mi pawimawh thahnem tak an tel a ni.

Swachh Survekshan Award semna inkhawm ‘Swachh Amrit Mahotsav’ ah hian Mizoram chuan India ram khawpuite zinga Municipal body 100 hnuailam chin (Less than 100 ULBS) category-ah pakhatna (1st Rank as 'Fastest Mover State') Award a dawng a, hei bakah hian Lunglei khawpuiin Best City in Citizens' Feedback (50000 to 1 lakh population) in the North East Zone Award bakah Biate Urban Town pawhin Best City in Citizens' Feedback (less than 25000 population) North East Zone award a la bawk a ni.

Mizoram aiawh hian H. Lianzela, UD&PA Director leh State Mission Director, Swachh Bharat Mission (Urban) ni bawk leh Swachh Bharat Mission - Urban Mizoram Team te leh Lunglei leh Biate aiawhin District Urban Development Officer te, Town Nodal Officers te bakah town aiawh VCP-ten lawmman hi an dawng a ni.

Kum 2014 atanga India rama Swachh Bharat Mission (SBM) kalpui tan a nih hnuinSwachh Survekshan hi India ram khawpuiten faina leh thianghlimna kawnga inelna thianghlim an neih theihna turin kum 2016 atang khan buatsaih tan a ni a. He inelna hi Category hrang hrangah then niin, endikna tehkhawng hrang hrang hmanga endik thin an ni.

Comments

Chhiar Hlawhte

Book of the Year hlan