Posts

Showing posts from July, 2021

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

In sak tanpuina dilna lut thlirhona neih a ni

Pradhan Mantri Awas Yojana (Urban) hnuaia Serchhip District-a In sak tanpuina diltute dilna ngaihtuahin nimin khan Serchhip-ah District Screening Committee thutkhawm neih a ni.

Serchhip Sub-Hqrs. YMA in Assam Chief Minister chet dan an dem thu an sawi

Serchhip Sub-Hqrs. YMA chuan tunhnaia Mizoram leh Assam inrina-a buaina thleng chungchanga Assam Chief Minister chet dan chu an dem thu an sawi.

Serchhip-ah Oil harsa zel

Tunhnaia ramri-a buaina thleng nghawng kal zelah Serchhip District-ah Tuialhthei a harsa mek zel a. Serchhip-a PB. Lalzuithanga Filling Station chuan Permit nei te hnenah chiah Oil hi an pe thei tawh tih sawiin, tunah hian Tripura-a Oil phur turin Motor pakhat a thang mek thu leh Silchar lamah Tanker pathum a tan mek thu an sawi a, karleh lamah chuan Oil hi rawn thleng tura an beisei thu an sawi bawk. Thenzawl-a Mizofed Pump chuan BPCL Tanker a len avangin Tripura-a Oil la turin an Motor an tir theilo tih an sawi a, R. Lallura Filling Station chuan Tripura-ah Motor pakhat a thang mek tih sawiin, Zozo Filling Station chuan an Motor chu Tripura-a tirh theih a ni lo tih an sawi bawk.

Vawk thi la awm belh zel

Nimin khan Serchhip District-ah ASF vanga Vawk thi 63 awm belh lehin Serchhip District-ah hian ASF vangin Vawk 2699 zet a thi tawh a ni.

KVK in Award an dawng

July 27-29, 2021 chhung khan ICAR-ATARI Zone-VII hnuaia awm State hrang hrang – Megha-laya, Manipur, Mizoram, Nagaland leh Tripura te chuan kum 2020 chhunga an hmalakna hrang hrang thlirhona hun chu biakhmuhtheihna hmangin an nei a, he hunah hian Mizoram-a KVK hrang hrangte pawhin an hmalakna te an tarlang a ni. He hunah hian kum 2020 chhunga hma la tha te hnenah Award semna neih niin KVK Serchhip (North Vanlaiphai) chu ‘Best KVK for implementing Poshan Programme in the year 2020-21’ hlan an ni a, KVK Lunglei (Hnahthial) chu ‘Best NICRA KVK’ hlan an ni bawk.

TKP Day pualin thisen pe

Nimin-a Thalai Kristian Pawl (TKP) Day pual hian TKP Ebenezer Unit, Serchhip P&E Veng te chuan Serchhip Blood Bank-a dah turin thisen Unit 17 an pe a, thisen petute hi mipa 9 leh hmeichhia 8 niin Serchhip Blood Bank-ah kalin thisen hi an pe a ni.

TKP dinchampha hmang

Baptist Church of Mizoram (BCM) hnuaia thalai pawl, Thalai Kristian Pawl (TKP) chuan nimin khan an dinchampha vawi 70-na an hmang.

EO mawhphurhna inhlan

Serchhip DC Office-a Election Officer hna chelh tura ruat, Lalrinchhani Ralte chuan nimin khan Election Officer kalchhuak tur, Vanlalhmachhuana hnen atangin mawhphurhna a la ta a, Lalrinchhani Ralte hi LAD-a Deputy Director hna chelhlai niin Vanlalhmachhuana hi Mamit-ah SDO (Sadar) hna chelh turin a awm dawn a ni.      Hetihlai hian nimin khan Mizoram sawrkar chuan thuchhuah siamin North Vanlaiphai-a SDO (Civil), Dorothy Muansangi chu LAD-ah Deputy Director hna chelh tura sawn a ni ve leh thung a, North Vanlaiphai-a SDO (Civil) tur hi dah an awm hriat a ni rihlo thung.

Hri kai hmuh 828 tling tawh

Niminpiah khan Serchhip District-ah CO-VID-19 hri kai mi 3 hmuh belh leh niin Serchhip District-a hri kai hmuhchhuah chu mi 828 an tling tawh.

Chanchin thar thenkhat :

Sample Collection Kiosk

Hri kai thar 774 hmuh belh leh an ni

Mizoram-ah ni khat-a COVID-19 hri kai hmuhchhuah zat ala tlahniam thei tak tak lova, niminpiah khan Sample 6795 enfiah niin hri kai 774 hmuh leh an ni a, Sample enfiah atanga za zela 11.39 te chuan hri an kai a ni.

Ruihhlo tawlh chungchanga Assam sawrkar puhna Mizoram sawrkar in a sawifiah

Mizoram sawrkar-a Home Department chuan tunhnaia Mizoram leh Assam ramri-a innghirnghona thlengah Assam sawrkar in an tihsual thupbo nana ruihhlo chungchanga Mizoram sawrkar a puhna chu nimin khan a chhanglet.

Mizoram mamawh lut tur ala khaihlak mek

COVID-19 hri kai nasa taka pung chho mekin Mizoram a tihbuai viau laiin, ramri-a buaina chuan nasa takin a nghawng zui mek.

Hri kai enkawlna tur Health Minister in a tlawh

Health Minister Dr. R. Lalthangliana chuan nimin khan Aizawl khawpui huamchhunga COVID Care Centre (CCC) tura buatsaih mek te chu a hmunah tlawhin an inbuatsaihna kalmek te a enpui.

Assam Police te ram luah vangin huan enkawl theilo

Sawrkar laipui Flagship Programme hnuaia intunnun tum mek Vairengte leh Saihapui ‘V’ a Kuthnathawktu te huan-ah Assam Police te an inkulh avangin Kuthnathawktu ten an huan an enkawlzui thei lova, kum tam tak an lo enkawl tawh an huan te chu an chan mai dawn nia hriain an mangan thu an sawi.

Mizoram Boundary Committee-in Mizoram-Assam Boundary siamfelna atan Inner Line of 1875 tha an ti

Mizoram sawrkarin Mizoram leh Assam ramri buai ngaihtuah tura a din, Boundary Committee chuan Mizoram leh Assam Boundary siamfelna atan Inner Line of 1875 chu Mizoram hmarlam ramri demarcate awmchhun a nih avangin hman tha an tih thu leh an dinna ngaiah an la ding reng tih an sawi.

Mizoram-ah hri kai sang chuang hmuh leh an ni

Niminpiah khan Mizoram-ah Sample 7232 enfiah leh niin heng atang hian COVID-19 hri kai 1100 zet hmuhchhuah leh an ni a, heti hian Mizoram-a hri kai hmuhchhuah pawh 36,397 an tling tawh a ni.

Pump khar vek turin hriattir

Image
Serchhip District Bawrhsap chuan nimin khan thuchhuah siamin Serchhip District-a Filling Station te chu khar vek turin a ti a. Law & Order kengkawhtu te, Medical Duty leh Medical Emergency chau hPetrol leh Diesel pekchhuah theih niin Petrol leh Diesel an neih zat pawh mumal taka chhinchhian endik a ni dawn a ni.

Thenzawl-ah 4C hmang tan

Serchhip District chhunga Thenzawl khua ah COVID-19 hri kai hmuhchhuah an pun zel avangin nimin khan Community Covid Care Centre (4C) chu hman tan a ni.

RAMRI BUAI LEH HNAM ‘REVIVAL’

RAMRI BUAI LEH HNAM ‘REVIVAL’ - Dr. Ramdinthara Sailo

Plastic Rice a ni lo tih sawi

Serchhip District Consumer Association leh Food & Drugs Administration-a Inspector te chuan tunhnaia Serchhip a Buhfai thenkhat, Plastic Rice ni awm a ngaih theih lei an awm thu report awm chu bawhzuiin nimin khan Plastic Rice ni a sawi hi zirchianna an nei a. Heng buhfai te hi FDA lama mithiam ten uluk taka enfiahin chi hrang hrang hmanga an test atanga a lan danin Plastic Rice ni awma ngaih theih a nilo tih an sawi a. Chuvang chuan Plastic Rice ni lovin buhfai hlui leh chhia, a buk ti rit tura a siamtu emaw, a packtuten an telh ve niin a lang mah zawk tih an sawi a. Hemi chungchang ah hian ngaihthat lohna tur engmah hmuhchhuah a awm lo a ni tih an sawi bawk. Hemi chungchanga zawhfiah duh leh hriatfiah duh nei tan anmahni hnenah zawh theih a nih thu an sawi bawk.

ASF vangin Vawk 44 thi leh

Nimin khan Serchhip District-a khaw 13-ah African Swine Fever (ASF) vangin Vawk 44 a thi leh a, Vawk 64 suat leh a ni bawk.

Hri kai mi 13 hmuh belh leh

Niminpiah khan Serchhip District-ah hri kai mi 13 zet hmuhchhuah leh an ni a, an zinga mi 2 tihloh chu Thenzawl khua vek an ni.

SDSC in Sports Complex chungchang sawipui

Serchhip District Sports Committee (SDSC) hruaitute chuan nimin khan Serchhip District Urban Development Officer (DUDO), Albert Vanlalliantluanga chu a Pisa-ah kawmin Serchhip Sports Complex chungchang an sawiho.

Tang tlanchhuak Serchhip Police ten an man leh

Tunkar Thawhtanni zan-a Serchhip Police te kut atanga tlanchhuak Johan MS. Zuala (34), Serchhip Saron Veng chu nimin khan Serchhip Police ten an man leh.

Chanchin thar thenkhat :

Sawrkar in inren turin ngen

Kolasib DC in ramri-a buaina thlenga nunna chan leh hliam an awm pawi a tih thu a sawi

Kolasib District Bawrhsap Dr. H. Lalthlangliana chuan Vairengte-a silai hmehpuah chu Assam Police-ten tihloh theih loh dinhmun a an nawrna vang a nih thu leh he thil thleng avanga nunna chan leh hliam an awm chu pawi a tih thu a sawi.

Mizoram Governor in MZU hotute a kawm

Mizoram Governor leh Mizoram University-a Chief Rector, Dr. Haribabu Kambhampati chuan nimin khan Mizoram University (MZU)-a Pro Vice Chancellor Prof. JK. Patnaik leh Registrar Prof. Lalnundanga te chu Raj Bhavan-ah a kawm.

State pawn lama awmze nei leh uar zawka thudik thehdarh dan tur sawiho a ni

Nimin khan Deputy Chief Minister, Tawnluia hovin Mizoram pawna thudik puanchhuah leh thehdarh chungchang ah kalphung tha zawk tur ngaihthuah a ni a, he hunah hian Information and Public Relations Department changtu Minister, Lalruatkima bakah phai lam chanchinbu leh TV-a thawk Mizo Journalist-te an tel a ni.

Sawrkar laipui-ah kawng danpin thlen a ni

Mizoram sawrkar-a Home Secretary chuan Union Home Secretary hnenah lehkha thawnin Mizoram ei leh bar lakluhna kawngpui Assam in an danpin chungchang a thlen.

Ramri-a buaina chungchangah State pahnih Chief Secretary ten New Delhi-ah inbiakna an nei

Assam Police ten July 26, 2021 (Thawhtanni) a Mizoram rawn luta buaina an siam vanga State pahnih inkara harsatna awmte sukiang turin nimin khan State pahnih Chief Secretary te chuan inbiakna an nei a, Mizoram leh Assam inrina NH. 306-ah Central Armed Police Forces (CAPF) duty chhunzawm turin remtih a ni.

Chanchin thar thenkhat :

Accreditation Card sem

Mizoram-ah hri kai mi 727 hmuh belh leh an ni

Mizoram-a COVID-19 hri kai hmuhchhuah chu an la pung zel a, niminpiah khan sample 5206 enfiah leh niin heng atang hian hri kai 727 hmuhchhuah an ni a, Sample enfiah atanga za zela 13.96 te chuan hri an kai a ni.

Thil man pangngai aia tisang lo turin hriattir

Mizoram-a sumdawng, dawrkai, thlai leh thei zuartute chu an thil zawrh pakhat mah chheprelh lo tur leh a man (Rate) pangngai aia tova hralh lo tura hriattir an ni.

ZMC-a harsatna tawh chungchang leh thawktu indaihlohna chungchang sawiho a ni

Nimin khan Health Minister Dr. R. Lalthangliana hovin Dedicated COVID Hospital (DCH), Zoram Medical College harsatna tawh chungchang leh damlote enkawltu Volunteers Frontline Workers indaih-lohna chungchang sawiho a ni.

Govt. Serchhip College zirlai naupang ten PHE Department in Tuikum tui an lakna an tlawh

PHE Department-in Serchhip mipuite châwmtu tui lâkna, Greater Serchhip Water Supply Scheme chu nimin khan Govt. Serchhip College-a zirlai naupang ten tlawhin, Tuikum lui-a tui an lâkna atanga tui an sem chhuah thleng a hmuna kalin an en.

Vairengte Jt. YMA sum hlan

Serchhip Sub-Hqrs. YMNA huamchhunga awm North Vanlaiphai Joint YMA chuan kan ram chhanna atana theihtawp chhuahtu Vairengte-a YMA te inpekna chu ropui an tih thu leh an chhuan thu sawiin, an bialtu MLA leh Home Minister, Lalchamliana’n ramri chungchangah theihtawp a chhuahna leh a thawh chu ropui an tih thu an sawi a. Heng hmalakna te an chhuang hle tih lantirna atan Vairengte Joint YMA ten a tul tul-a an hman atan Rs. 10,000/- chu nimin khan an hlan bawk.

Buangpui in eitur pe

Serchhip District chhunga Buangpui khua chuan COVID-19 vanga inkhuahkhirh mek Thenzawl khawtlang tan niminpiah khan eitur - Buhfai, Chawhmeh, thlai leh thei chi hrang hrang thahnem tak an pe a, Thenzawl Town Task Force Committee chuan an chungah thinlung taka lawmthu an sawi thu sawiin, heng te hi AYUSH Hospital CCC leh Veng hrang hrang a chhungkaw thahnem tak hnenah YMA Branch ten an semchhuak leh tih an sawi bawk.

Mizoram VC Association din

Mizoram chhung District hrang hranga VC hruaitute chuan All Mizoram Village Council Association chu din thar leh tha tiin hruaitu tur pawh an inruat nghal.

ASF vangin Vawk 60 thi leh

Serchhip District chhunga ASF hri lenna khaw 18-ah nimin khan Vawk thi 60 zet chhinchhiah belh leh a ni.

Thenzawl-ah hri kai an pung

Niminpiah khan Thenzawl-ah COVID-19 hri kai mi5 hmuhchhuah belh leh niin nimin khan hri kai mi 7 hmuh belh leh an ni bawk a, heng te nen hian Serchhip District-a hri kai hmuhchhuah chu 819 an tling tawh.

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Zawlpui-ah Sample enfiah

Tunhnaiah Serchhip District chhungah Malaria hri kai hmuhchhuah an awm leh tak avangin nimin khan Serchhip Zawlpui Phai-a ram riak thin te chu an thisen enfiah sakna neih a ni a, he hunah hian mi 39 te thisen enfiah niin Malaria hrik kai hmuh an awm lova, ramriak mi te hman thin Thosilen 20 chu damdawi hmanga chiah sak an ni bawk. Serchhip District-ah hian kumin chhungin nimin thleng khan Malaria hrik pai mi 24 hmuhchhuah an ni tawh a ni.

Bungraw chhekkhawl enfiah

Tunhnaiah Mizoram leh Assam ramri-a buaina chhuak thar a awm avanga Mizoram mamawh rawn lut khaihlak avanga mipui tana harsatna thleng palh theih chungchangah Ser-chhip-a Legal Metrology Enforcement Staff te leh Serchhip District Consumers Association hruaitute chuan nimin khan Serchhip-a Dawr lian zual te chu tlawhin, mipui nitin mamawh an chhekkhawl dan an enfiah a, dawrkar ten bungrua an neih dan te hi fel taka chhinchhiahin bungrua lo chheprelh an awmlohna turin a tul anga hmalak zel an tum thu an sawi bawk.

Serchhip DC Office dawr theih rihloh

Image
Serchhhip DC Office-a thawk pakhat chu tunhnaia RT-PCR hmanga a Sample enfiah ah hri a kai tih hmuhchhuah a nih avangin Serchhip DC Office chu mipui tan dawr theih a ni rihlo a. Nimin khan Serchhip DC Office-a thawktute hi RT-PCR hmanga an Sample enfiah tura lak niin Ningani-ah result a chhuah beisei a ni a, hemi hma hi chuan dawr theihloh ala ni zui dawn a ni.  

Dr. Puii Aizawl-ah sawn a ni

Serchhip District Hospital-a thawklai leh District Surveillance Officer ni bawk. Dr. Lal-hlunpuii chu Aizawl East-ah Senior Medical Officer hna chelh turin sawn a ni a, Serchhip District Hospital-a thawk tur hian Kawrthah CHC-a thawk mek, Dr. Lalngaihawmi Chhangte (Public Health) chu rawn dah a ni thung.

Hri kai 807 tling tawh

Niminpiah khan Serchhip District-ah hri kai mi 7 hmuhchhuah belh leh niin Serchhip District-a hri kai hmuhchhuah chu 807 an tling ta.

ASF vangin Vawk la thi zel

African Swine Fever (ASF) avangin nimin thleng khan Serchhip District-ah Vawk thi ala awm belh zel a, nimin khan Vawk thi 73 zet chhinchhiah belh leh a ni.

Serchhip District Jail-a tang, Serchhip Damdawi In-a enkawllai tlanchhuak zawng mek

Serchhip Police ten rukruk kaihhnawih thubuai-a an man, damdawi In-a enkawllai chu nizan hmasa khan Serchhip District Hospital atanga tlanchhuakin he thu buatsaih lai thleng hian man leh tumin zawn mek a ni.

Chanchin thar thenkhat :

Remna zawng thuai turin hrilh

Tripura atangin Oil lak tum

Assam nen ramri chungchangah buaina lian tak a awm avangin Cachar District (Assam) leh Vairengte lam atanga POL, LPG leh Essential Commodities dangte lakluhna kawngpui chu tun dinhmunah a remchan rih loh avang leh mipuiin harsatna kan tawh loh nan Mizoram Sawrkar hmalakna-in Tripura atangin LPG leh POL chaw-lut turin IOCL hotute nen Supply Department chuan ruahmanna an siam a. Hemi chungchang leh ruahmanna siam dante chu nimin khan Director, Food, Civil Supplies & Consumer Affairs chuan President, All Mizoram Petroleum Dealers Association hnenah a hriattir a ni.

Ni khat-ah hri kai sang chuang hmuh an ni

Niminpiah khan Mizoram-ah Sample 6392 enfiah niin heng atang hian COVID-19 hri kai 1118 hmuhchuah an ni a, Mizoram-ah ni khat a hri kai hmuhchhuah an tam ber ni niin ni khat-a hri kai sang chuang hmuh an nih vawikhatna a ni bawk.

Mipui duhdana thutlukna siam vangin MSU an lawm

Mizo Students’ Union (MSU) General Hqrs. chuan kan sawrkar hruaitute'n mipui duhdan taka huai taka thutlukna an siam chu lawmawm an tih thu an sawi.

Assam Police te chhanlet danah MZP an lawm

MZP General Hqrs. chuan July 26, 2021 tlai-a Mizoram sawrkar in Assam Police te a chhanlet dân chuan MZP a tilawm zual hle tih an sawi.

JAC on Inner Line Reserved Forest demand in lawmthu sawiin, inbiakna neih rihloh an duh

Joint Action Committee on Inner Line Reserved Forest Demand chuan Mizoram Police ten hnehtu chan an chang zawk chu lawmawm an tih thu an sawi.

MNF in kan ram humhim zel an tum dawn tih an sawi

MNF Party chuan, “Pathian in kan Ram atana min pek hi Pathian hmachhuanin humhim zel hi kan tum tlat a ni,” an ti.

Minister pahnih in Saihapui 'V' a Duty an tlawh

School Education Minister leh Rural Development Minister te bakah Serlui bialtu MLA te chuan nimin zing khan Saihapui 'V' a Mizoram Police duty-na hmun an tlawh.

Home Minister in Assam leh Mizoram ramri tlawhin hmun thenkhat ah Police dah belh zel an ni

Niminpiah lama Assam Police-ten Mizoram ramri-a IR Duty-na hnehchhuh an tumna hmun, Vairengte Auto Rickshaw Stand bul chu nimin khan Home Minister, Lalchamliana chuan a hmunah a tlawh a. Assam Police rawn luh tumna hmun thenkhatah Mizoram Police a tul anga dah zel an nih thu a sawi bawk.

Vawk 100 chuang thi leh

Nimin khan Serchhip District-a ASF hri lenna hmunah Vawk thi 103 zet chhinchhiah thar niin ni khat-a Vawk thi chhinchhiah thar a tam ber tum nia hriat a ni.

Bialtu MLA rawn kal leh

Serchhip bialtu MLA, Lalduhoma chuan nimin khan lehlang-a a bial rawn tlawhin African Swine Fever (ASF) hri leng avanga harsatna tawk te tan Vawk In tihfaina tur Bleaching Powder a sem.

DC in thuchhuah siam

Serchhip District Bawrhsap, Kumar Abhi-shek chuan nimin khan thuchhuah siamin Mizoram-Assam ramri-ah buaina a awm avangin ni tin mamawh, ei leh bar lakkhawm chungchang ah Serchhip District chhûnga mipuiten harsatna kan tawh loh nan mahni ei leh in mamawh tawk aia tam inchhekkhawl loh tur a ni tih a tarlang a. Dawrkai leh sumdawngten dawr bungrua chheprelh emaw, Maximum Retail Price (MRP) aia to emaw a hralh loh tur a ni tih pawh tarlangin, hemi zawm lo chu dan anga hrem an ni ang tih a tarlang bawk. Hei bakah hian khawtlang hruaitute chu heng chungchangah hian mumal taka ruahmanna siama mahni Veng chhûng theuha hma la turin a ngen bawk.

Oil pekchhuah khuahkhirh

Supply Department Director chuan nizan khan thuchhuah siamin ramri chungchangah Assam nen harsatna leh buaina kan lo tawh chhoh tak avangin POL-a sawrkar leh mipui ten har-satna liantham kan tawh loh nan The Mizoram Trade Articles (Licensing and Control) Order, 1987 para 24 & 25 in thuneihna a pek angin Petrol leh Diesel pekchhuah theih zat bithliah a siam thar a. Hemi ang hian Scooty tan litre 2, Two Wheeler dang tan litre 4, LMV/Sumo/Pik up Truck/Gypsy/Medium Truck tan litre 10 zel leh Truck tan litre 50 zel pekchhuah a ni anga, buhfai leh nitin mamawh phur Truck te chu an challan enin an kalna leh hawna daih tur pek an ni anga, bur-a dawh phal a ni lovang.

Hri kai leh dam awm belh

Serchhip District-ah COVID-19 hri kai hmuh-chhuah an la awm belh ve zel a, hetihrual hian hri kai zingah enkawl dam an awm belh ve zel bawk.

Chanchin thar thenkhat :

Kargil Vijay Diwas hmang

Mizoram-ah COVID-19 hri kai an la pung zel

Pathianni khan Mizoram-ah Sample 1810 enfiah niin COVID-19 hri kai mi 547 hmuh thar leh an ni a, Sample enfiah atanga zaa 30.22 te chuan hri an kai a. Hetihlai hian July 21-24, 2021 chhunga Sample enfiah runpui-a hri kai hmuhchhuah 822 te ziahluh thar an nih avangin Pathianni a hri kai ziahluh thar chu 1369 zet an ni thung.

District tinah hri kai enkawlna damdawi In siam phut

ZPM Thalaite chuan COVID kai te enkawlna tur damdawi In siam belh turin sawrkar an phut tih an sawi.

Ramri-ah Mizoram sawrkar tawlh a tum lo

Kolasib District Bawrhsap, Dr. H. Lalthlangliana chuan, “Mizoram sawrkar chu engti zawng mahin tawlh kan tum lo, kan tawlh ai chuan a nih nih ni turin tan kan la ang,” a ti.

Tourism Minister in Convention Centre sakna tur tlawh

Tourism Minister, Robert Romawia Royte chuan nimin khan Chite Veng-a Convention Centre sakna tur hmun leh sa tura ruahmanna siam dante a hmunah kalin a enfiah.

CHILDLINE 1098 Awareness Video Clip tlangzarh

Mizoram Legislative Assembly Speaker, Lalrinliana Sailo chuan nimin khan 'CHILDLINE 1098 Awareness Video Clip' chu nimin khan Video Conference hmangin a tlangzarh.

CLP in Relief Programme liantham duangchhuak turin Mizoram sawrkar an phut tih an sawi

Congress Legislature Party (CLP) chuan Total Lockdown avanga eizawnna kawnga talbuai te, dinhmun harsa taka khawsa mek Mizoram mipuite dawmkanna tur Relief Programme liantham tak duangchhuak thuai turin MNF sawrkar an ngen tih an sawi.

Mizoram sawrkar in ramri buaina muanawm taka chinfel thuai a nih a beisei - Home Minister

Home Minister Lalchamliana chuan Mizoram Sawrkar chuan Assam leh Mizoram inkar ramri buai chu muanawm takin, Dawhkan kil-a chinfel thuai a nih a beisei tih sawiin, “Boruak tha tak hnuaia inbiakna a awm leh theih nan Mizoram Sawrkar chuan Assam Sawrkar pawh a tihtur tha taka ti turin a beisei a ni,” a ti.

ASF vangin Vawk 2356 thi tawh

African Swine Fever (ASF) avangin Serchhip District-ah nimin thleng khan Vawk 2356 zet a thi tawh.

Missionary thawklai boral

Presbyterian Serchhip Field Veng Kohhran atanga Missionary-a chhuaka Champahour, Ruprai Bial, Tripura Mission Field-a thawk mek, Ramhlimawmi (SMB Contract Missionary) chu nimin zing khan COVID-19 vangin Tripura (Agartala)-ah a boral a. A ruang hi nimin khan Serchhip rawn panpui niin ruahman lawk ang chuan Vawiin hian Serchhip rawn thlenpui a nih hnuah vuiliam nghal tur a ni ang. Ramhlimawmi hian a pasal Vanlalpeka (Sponsore Missionary), Suarhliap khua leh a fa thla 6 mi a pawmlai mek a kalsan a ni.

Hri kai leh dam awm belh

Zirtawpni leh Inrinni khan Thenzawl-ah CO-VID-19 hri kai mi 24 zet hmuhchhuah belh leh an ni a, heti hian tunhnai chho ah Thenzawl-ah hian hri kai mi 32 zet hmuhchhuah an awm leh tawh a ni.

Mat lui-ah ruang chhar a ni

Nimin khan Mat Lui-a Chawm kai-ah ruang pakhat hmuh niin enfiah a nih hnuah Mangkhama (56), Serchhip Darnam Veng-a khawsa tih hriat a ni.

Buh natna tuartute tlawh

Tunhnaia Serchhip District chhunga Buh natna chi khat rawn leng chu Inrinni khan Serchhip-a thuthar thehdarhtu thenkhat te chuan a hmunah an zirchiang a. Heng thuthar thehdarhtu thenkhat te hian Piler khua te Lo neihna hmun chu tlawhin, he Buh natna Rice Blast, Mizo ten Buh hmuih tia an hriat lar rawn lanchhuah dan leh a enkawl dan te Agriculture Department atangin R. Lalrinawma MAS, ADOA bakah Serchhip District FOCUS DMU atangin Lal-lawmpuii SAC leh Sangnunmawia SAC te chuan an hrilhfiah a ni.

Tuikum tui lakna tifai

PHE Serchhip WATSAN Division-a thawk te chuan Serchhip khawpui chawmna atana Tuikum tui an lakna hmun tihfai hnatlang Inrinni khan an nei.

Chanchin thar thenkhat :

PAB pawm thlirhona nei

Mizoram-a Hri kai hmuh tam ber ni thleng leh

Inrinni khan Mizoram-ah Sample 4619 enfiah atangin COVID-19 hri kai mi 938 hmuhchhuah leh an ni a, Mizoram-ah ni khat-a hri kai hmuhchhuah an tam ber tum niin Mizoram-a hri kai hmuhchhuah chu an la pung zel a ni.

Covid enkawlna atana damdawi mamawh ngah tawk

Zoram Medical College-ah COVID-19 damlo enkawlna atana damdawi an hman te chu tun dinhmunah an ngah tawk a, ventilator pawh nei tha tawkin, Ventilator thar 10 rawn bun turin phai lam atangin Company Rngineer te an rawn kal dawn.

Mizoram-a ASF len chhan la chhui chhuak lo; ASF vanga sum hloh vbc. 120 a tling tawh

Vawk natna hlauhawm tak, African Swine Fever (ASF) lenna chhana ngaih, Mizoram State pawn atanga Vawk laluttu chu chhuichhuah a la ni lova, hetihlai hian March 21, 2021 hnu lama Vawk thi avanga sum hloh (economic loss) chu cheng vbc. 120 vel a tling tawh nia ngaih a ni.

Union Home Minister hovin NE-a CM ten hmasawnna tur hrang hrang an sawiho

Inrinni khan Union Home Minister, Amit Shah hovin India hmarchhak state Chief Minister-te chu Shillong khawpui-ah inhmukhawmin North East State tinte kaihhnawih thu pawimawh hrang hrang an sawiho a. He hunah hian Mizoram atangin Chief Minister, Zoramthanga chu telin tunhnaia ramri-a buaina chungchang a sawilang.

'Oxygen for Tahan' tanpuina in Tahan thleng tawh

Aizawl Theological College (ATC) Alumni-in 'Oxygen for Tahan' ti-a vehbur an khawnkhawn atanga Myanmar-a mi harsate tanpuina tur thawhkhatna chuan Tahan a thleng tawh.

Insawithaihna awm ah pawh vaccine la turin sawm

State Immunization Officer Dr. Lalzawmi chuan Mizoram pumah tluang taka Covid hri danna (vaccine) pekchhuah a nih zel thu a sawi a, mipuite chu dawt leh insawithaihna a awm a nih pawha vaccine lak chu a him a ni tih hriaa la theuh turin a sawm.

Police chawimawina hlan

Kikawn Welfare Committee chuan nimin khan Serchhip SP Conference Hall-ah Vanlalmuana, 3rd Bn. MAP chawimawina hun an buatsaih a, he hunah hian chawimawina thuziak leh pawisafai an hlan a ni. Kikawn Welfare Committee hruaitute chuan COVID-19 hri len laia hri kai pawh huama Vanlalmuana inpekna chu ropui an tih thu leh chawi-mawi phu an tih thu an sawi a ni. He hun hi Serchhip SP, Stephen Lalrinawma pawhin hmanpuiin hetianga khawtlang in chawimawina an hlan chu lawmawm a tih thu leh Vanlalmuana hi Department pawhin chawimawina an hlan tawh thu a sawi bawk.

Inkhuahkhirhna kalpui chhunzawm a ni dawn

Serchhip District Addl. DC. Lalmuansanga Ralte chuan nimin khan thupek tichhuakin Mizo-ram sawrkar DM&R Department-in Order a tihchhuah bawhzuina atana Serchhip District Bawrhsap in hri leng avanga inkaihhruaina chungchanga tun thla ni 17-a Order alo tihchhuah tawh chu July 31, 2021 zanlai dar 12:00 thlengin a ngai angin Serchhip District chhungah hman chhunzawm tur a nih thu a tarlang a. He thupek zawmlo te chu Dan hmangin hrem theih an nih tur thu a tarlang tel bawk.

ASF vangin Vawk 46 thi leh

Nimin khan Serchhip District khaw 14-ah ASF vangin Vawk 46 thi lehin khaw 8-ah Vawk 50 suat leh a ni bawk.

Inkhunghrang lai boral

Serchhip District chhung Lungpho khua a rawlthar pakhat chu hri leng avanga inkhung-hranna hmunah boralin niminpiah khan vuiliam a ni.

Court function thuai rel

Consumer te thubuai ngaihtuahtu, 'District Forum' chu 'District Commission' tia thlak a nih hnuah Serchhip District Commission President atana ruat thar, Dr. HTC. Lalrinchhana hovin nimin khan Serchhip District Consumers Association te chuan Virtual Meeting an nei a. He hunah hian Consumer Court-a Case pending neih lai te pawh tinung thar lehin Court hi function leh thuai turin hmalak nise an ti a ni.

Hri kai mi 3 hmuh belh

Niminpiah khan Serchhip District-ah COVID-19 hri kai mi 3 hmuhchhuah niin an vai hian Thenzawl khua vek an ni.

Serchhip District-a khaw 19-ah Vaimin chingin FAW vangin tharchhuah tlahniam lo turah ngai

Agriculture Department hmalakna in kumin hian Serchhip District chhunga khaw 19-ah Vaimim chin niin heng khua-a Vaimim tharchhuah te hi sawrkar chuan a lei sak leh dawn a. Vaimim beitu rannung, Fall Army Worm (FAW) chu kumin hian awm leh mahse Vaimim tharchhuah lamah erawh nghawng nei lemlo tura ngaih a ni.

Agri. Department hmalakna in Zawngtah tiak sem

Serchhip-a Agriculture Department chuan Sub-Mission on Agroforestry (NMSA) Small Nursery atangin nimin khan Zawngtah tiak 9050 an semchhuak.

Chanchin thar thenkhat :

MCAB hmalakna thlirho

Hri kai hmuhchhuah tam ber ni thleng leh ta

Mizoram-ah COVID-19 hri kai hmuhchhuah an la pung zel a, niminpiah khan Sample 5308 enfiah niin hri kai 847 hmuhchhuah leh a ni a, Sample enfiah atanga za zela 15.95 in hri kaiin Mizoram-a ni khat a hri kai hmuhchhuah tam ber ni a thleng leh a, Mizoram-a hri kai hmuhchhuah pawh mi sing thum aiin an tam ta a ni.

Sawrkar in Boundary Committee a din thar

Mizoram sawrkar chuan Mizoram leh Assam ramri buai ngaihtuahtu tur Boundary Committee chu Deputy Chief Minister, Tawnluia kaihhruaina hnuaiah a din.

Chhuanthar Tlangnnuam-ah hri kai hmuh belh zel

Serchhip District chhunga Baktawng Tlangnuam (Chhuanthar) ah COVID-19 hri kai hmuhchhuah thahnem tak an awm avangin nimin khan nimin khan a khaw pum Sample la-a enfiah hna thawh tan a ni.

Exit Test neih tawh loh tur IMA in a him ah an ngai

Indian Medical Association (IMA), Mizoram State Branch-in COVID-19 hri kaite endik nawn (Exit Test) nei lova inchhuah tir dan thar chu mithiam zirchianna (Scientific evidence) behchhan a nih avangin himah an ngaih thu an sawi.

Health Minister hovin District Bawrhsap ten COVID-19 hri leng dona kawnga hmalak dan an thlirho

Health Minister Dr. R. Lalthangliana chuan Mizoram District tin ten COVID-19 dona kawnga hma an lak dan chu lawmawm a tih thu sawiin, Sample enfiahna hmanrua, Sample Test Kit (RAgT) chungchangah harsatna a awm loh thu a sawi bawk.

Mizoram-ah COVID-19 hri kai 625 hmuh leh an ni

Niminpiah khan Mizoram-ah Sample 4378 enfiah leh niin heng atang hian COVID-19 hri kai mi 625 hmuhchhuah leh an ni a, Sample enfiah atanga za zela 14.27 te chuan hri hi kaiin Mizoram-a COVID-19 hri kai hmuhchhuah chu 29,645 an ni tawh a ni.

Chanchin thar thenkhat :

Lok Sabha MP in sawipui

Sample Test runpui neih mek sawihona neih a ni

Nimin khan Health Minister Dr. R. Lalthangliana hovin Aizawl khawpui leh a chhehvel hmun thenkhata Sample Test runpui, Mass Testing neih mek chungchang sawihona neih a ni.

ZPM Thalai in Hrangturzo Bial-ah hnathawh an tlawh

ZPM Thalai Serchhip Block chuan Serchhip District chhunga Mualcheng (Artahkawn) leh North Vanlaiphai inkar kawngpui siam mek chu a hna a chhiain a lungawithlak loh an tih thu an sawi.

Election Officer thlahna nei

Serchhip DC Office-a Election Officer leh Serchhip BDO hna chelh mektu Vanlalhmachhuana chu Mamit DC Office-ah SDO (Sadar) hna chelh tura sawn a nih avangin nimin khan Serchhip DC Office-a thawktute leh Serchhip BDO Office-a thawktute chuan a thlahna hun an hmang a, nimin vek khan Serchhip Officers Club te pawhin thlahna hun an hmang bawk.

Old Age Home tlawh

Serchhip DC Office Election Branch-a thawktute chuan nimin khan Serchhip-a kum upa te enkawlna hmun, Beiseina In (Old Age Home) chu tlawhin Artui case khat leh T-Shirt an hlan a, helai hmunah hian mi panga (5) awm mekin Election Office-a thawktute hi Election Officer, Vanlalhmachhuana hovin an kal a ni.

Hri kai thar 7; Dam 4 awm

Niminpiah khan Serchhip District-ah COVID-19 hri kai mi 7 hmuhchhuah belh leh niin nimin khan mi 4 enkawl dam an ni bawk.

ASF vangin Vawk thi leh Vawk suat la awm belh zel

Nimin khan Serchhip District-ah khaw 16 ah ASF vangin Vawk 63 lai a thi leh a, Vawk 79 suat leh a ni bawk.

NSS Award hlanna nei

Govt Serchhip College NSS Unit buatsaihin nimin khan 'NSS Award 2021' semna neih niin Judithi Lalchanpuii hnenah he Award hi hlan a ni.

Serchhip District chhung khaw 25-a Buh te natna in a beih avangin hmalak mek a ni

Serchhip District chhung khaw 25-a Thingtlang Lo-a Buh chin te chu kumin hian Buh natna chi khat, Rice Blast chuan a bei mek a, Agriculture Department chuan a theih anga hma lain damdawi nen tan an la mek.

Nikum (2020) aiin kumin (2021) thla thum chhungin Serchhip District-ah Malaria kai hmuhchhuah an tam zawk

Kumin chhungin Serchhip District-ah Malaria hri kai mi 23 zet hmuhchhuah ni tawhin Malria vangin mi 2 an boral tawh bawk a. Kumin a Malaria hri kai hmuhchhuah te hi thla thum (3) chhunga hmuhchhuah vek niin nikum (2020) kumtluan-a Serchhip District-a Malaria hri kai hmuhchhuah aiin an tam tawh zawk a ni.

Mi 39,224 in Vaccine la

Serchhip District-a mi 39,224 te hnenah CO-VID-19 Vaccine Dose 1-na pek ni tawhin an zinga 10,626 te chu Dose 2-na pek an ni tawh.

ASF vangin Vawk 69 thi leh

Serchhip District chhunga African Swine Fever (ASF) hri lenna hmunah nimin khan Vawk thi 69 awmin Vawk 60 suat leh a ni bawk.

Vengchung Branch YMA in an dinchampha an hmang

Serchhip Vengchung Branch YMA chuan nimin khan an dinchampha vawi 83-na an hmang.

Hri kai 2 hmuh belh leh

Niminpiah khan Serchhip District-ah CO-VID-19 hri kai mi pahnih hmuhchhuah niin nimin ah hri kai zingah enkawl dam an awm belh lo thung.

Chanchin thar thenkhat :

 Central YMA in lawmthu sawi

Mizoram-ah COVID-19 hri kai 725 hmuh belh an ni

Niminpiah khan Mizoram-ah Sample 4530 enfiah leh niin heng atang hian COVID-19 hri kai 725 zet hmuhchhuah leh an ni a, Mizoram-a hri kai hmuhchhuah chu sing thum an tling dawn hnai tawh a ni.

Kumin ah Cyber Crime thubuai 10 awm tawh

Mizoram Police CID (Crime) chuan kum 2009 atang khan thubuai ziaklut tanin kumin hian kum chanve chhungin thubuai 10 ziahluh an nei tawh.

Mass Testing neih tan MPCC in lawmawm an ti

Mizoram Pradesh Congress Committee (MPCC) chuan Mizoram sawrkar in Aizawl khaw-pui chhunga Mass Testing a nei tan chu lawmawm an tih thu an sawi.

Inkharkhip avangin Aizawl khawpui chhungah thei leh thlai sem dan tur ruahman a ni

Aizawl Municipal Municipal Corporation (AMC) huamchhungah Total Lockdown kalpui a nih leh tak avang leh Containment Zone-a puan Veng a tam tak avangin thei leh thlai sem dan tur ruahmanna an siam tih Horticulture Department Director, Dr. Elizabeth Saipari chuan a sawi.

Mizoram-ah COVID-19 hrik, Delta Variant bakah Alpha Variant leh Eta Variant a awm tih finfiah a ni

COVID-19 chungchanga Mizoram sawrkar thu puangtu leh State Nodal Officer, Dr. Pachuau Lalmalsawma chuan Mizoram-ah COVID-19 hrik, Delta Variant bakah Alpha Variant leh Eta Variant a awm tih finfiah a ni tih sawiin, Mizoram District hrang hrangah heng hrik thar hi a awm theih tawh thu a sawi bawk.

Serchhip Bialtu MLA in ASF tuartute tan ruahmanna hrang hrang siam a nih thu a sawi

Image
Serchhip bialtu MLA Lalduhoma chuan African Swine Fever (ASF) avanga harsatna tawk te mamawha hman turin nimin khan Serchhip bial chhunga VC hrang hrangah Vawk In kah thianghlimna tur damdawi a hlan a. Vawkvulhtu ten harsatna an tawh mek chungchangah hun lo kal zel turah chuan Insurance te pawh kan neih beisei a nih thu a sawi.

Chanchin thar thenkhat :

Sawrkar in SOP siamtha

Serchhip bialtu MLA in Serchhip bial mipuite COVID-19 vaccine lak uar turin a chah

Image
Serchhip bialtu MLA, Lalduhoma chuan Serchhip bial mipuite chu COVID-19 vaccine lak uar tura chahin, bial mipui ten hri leng avanga harsatna kan tawh lohna turin theihtawp kan chhuah ho zel tur thu a sawi bawk.

Vawk thi 2000 aiin tam ta

Serchhip District-a African Swine Fever vanga Vawk thi chu sang hnih aiin an tam ta.

Hri kai mi 5 hmuh belh leh

Niminpiah-a Sample enfiah atangin Serchhip District-ah COVID-19 hri kai mi 5 hmuh belh leh an ni.

No Parking Area-ah puang

Serchhip District Superintendent of Police, Stephen Lalrinawma chuan thuchhuah siamin Serchhip Chhim Veng VC huamchhunga Lalpuithanga Hall Opposite, Salvation Army In thlanga zun In atanga hmar lam Rohluma In zawn a PHE Tanky awmna thleng kawng chhak lam zawng meter 27-a thui te; Zodinthara In ban bul kawngpui atanga hmar lam Mawizuala In bul Step thleng kawng chhak lam zawng meter 15 a thui te; Samuel Lalenkawla kawt kawng chhak lam atanga hmar lam Lamsiama kawmchhak thleng kawng chhak lam zawng meter 25-a thui leh Lalrinawma kawt atanga hmar lam B. Vanlalhruaia kawt thleng kawng kam tawn tawn meter 12-a thui te chu July 22, 2021 atangin No Parking Area atan puan an nih thu a tarlang.

I-Day hman dan tur rel

Thla thar August 15-a India Independence Day lo thleng tur chu Serchhip-ah chuan zingkar ah DC Office Tual-ah a lawmna neih a ni ang.

Aiawt enna-a chesual boral

Keitum Thirphunkawn-a cheng Saitluangpuia chu nimin khan a thiante nen Aiawt chiah an enna ah chesualin a boral.

Ni khat-a hri kai hmuh tam ber ni thleng leh

Mizoram-a COVID-19 hri kai hmuhchhuah chu ala pung zel a, niminpiah khan Sample 7436 enfiah atangin hri kai 807 hmuh niin ni khat-a hri kai hmuhchhuah tam ber ni a ni a, Sample enfiah atanga za zela 10.85 te chuan hri an kai a ni.

NTSE-ah Mizoram atangin zirlai 3 inziaktling

National Council of Educational Research and Training (NCERT)-in tunhnaia National Talent Search Examination-2020 result a tihchhuah ah Mizoram atangin zirlai pathum an tling.

Ni 2 awh tur Online Workshop neih a ni

Indian School Psychology Association (InSPA) Mizoram leh Directorate of School Education tangdûn buatsaih Mizoram chhunga Secondary School Teacher-te tân ni hnih awh tur 'International Online Workshop on Issues in School Psychology' chu nimin khan neih tan a ni.

Hri kai enkawlte chhuahtir dan tur siam thar a ni ta

Mizoram sawrkar chuan COVID-19 hri kai enkawl te anmahni enkawlna hmun atanga chhuahtir dan tur ruahmanna thar a siam ta.

Hri danna pe chhunzawm zel

Serchhip District-a COVID-19 Vaccine pek hna thawh mek chu nimin thleng khan chhunzawm a ni.

Hri kai 5 enkawl dam leh

Pathianni-a Serchhip District-a Sample en-fiah zingah hri kai hmuhchhuah awm lovin nimin khan hri kai mi 5 enkawl dam an ni thung.

Vawk thi sang hnih tling hnai

Nimin khan Serchhip District-ah ASF vanga Vawk thi 66 lai awm lehin Serchhip District-a ASF vanga Vawk thi chu 2000 a tling dawn hnai tawh.

Branch YMA din belh a ni

Inrinni kalta a Central YMA CEC thukhawm chuan Mizoram hmun hrang hrang atanga Branch YMA pali (4) siam thar rawtna chu a pawm a, heng Branch thar 4 zinga pathum hi Serchhip Sub-Hqrs. YMA hnuaia awm niin heti hian Mizoram pumah YMA Branch 815 a awm dawn ta a ni.

Chanchin thar thenkhat :

Tan lak a nih thu sawi

Hri kai enkawlna atanga chhuah dan tur pawm tawh

Mizoram-a COVID-19 hri kai enkawl te enkawlna hmun atanga chhuahtir dan tur ruahmanna thar chu pawm ni tawhin sawrkar in hriattirna a tihchhuah veleh hman a ni ang.

Chuhvel-a State pahnih inepna hmun MZP in an tlawh

MZP General Hqrs. hruaitute chuan Inrinni khan an President, B. Vanlaltana hovin Chuhvel ram-a Mizoram leh Assam nena inrina leh in epna hmun a tlawh.

Thla 3 daih buhfai chhekkhawl mek a ni

Supply Minister K. Lalrinliana chuan Mizoram-a buhfai chawkluhna ah harsatna a awm lo tih sawiin, tun dinhmunah thla 3 daih buhfai chhekkhawl sa Mizoram in a nei tih a sawi.

PC Party Sr. Vice President in mipuite sawm

Peoples' Conference (PC) Party Senior Vice President, Vanlalruata chuan 'Kan ram, kan hnam, kan sakhaw' himna atana hma la ngam sawrkar siam ngei tura inbuatsaih turin Zoram mipuite a sawm.

MBOCWWB kaltlangin mi 5 te chhawmdawl an ni tawh

Mizoram Building and Other Construction Worker Welfare Board hnuaia inziaklut zinga COVID-19 vanga harsatna tawk mi 5 te hnenah COVID-19 Package pek an ni tawh.

COVID-19 hri pui inkaichhawnna chhu chat turin theihtawp chhuah a ngai - Health Minister

Health Minister Dr. R. Lalthangliana chuan COVID-19 hri pui inkaichhawnna chhu chat turin theihtawp chhuah a ngai tih sawiin, “Hei hi lockdown kan kalpui chhan ber pawh a ni,” a ti.

Mizoram Governor 22-na atan Dr. Kambhampati Hari Babu lakluh a ni ta

Image
Mizoram Governor tura ruat, Dr. Kambhampati Hari Babu chu nimin khan Raj Bhavan-ah rinawmna thu tiam tirin Mizoram Governor 22-na atan lakluh a ni ta a. Hri leng avanga inkharkhipna kalpui a nih leh mek avangin he hunah hian sawm bik mi tlemte chauh an tel a ni.

PYD ten thisen an pe

UPC (NEI) hnuaia Penticostal Youth Department (PYD) Serchhip Pastor Bial Conference in an lo rel tawh angin Inrinni khan Serchhip Pastor Bial PYD te chuan Serchhip Blood Bank-a dah turin thisen Unit 45 an pe a, thisen petute hi Mipa 22 leh hmeichhia 23 niin Blood Bank-ah kalin thisen hi an pe a ni. Serchhip Bial PYD-ah hian Tualchhung Kohhran 5 an awm mek a ni.

Hri kai 757 hmuh an ni tawh

Serchhip District-ah COVID-19 hri kai 757 hmuhchhuah ni tawhin an zinga 724 te chu enkawl dam an ni tawh.

Serchhip District-a VC awm zatve aia tamin ASF tuar

Vawk pul hri leng mek, African Swine Fever (ASF) vanga Serchhip District-a Vawk thi chu 1929 a tling tawh a, Vawk 1326 zet suat a ni tawh bawk.

July 24, 2021 thlengin Serchhip District-ah inkharkhipna kalpui chhunzawm a ni dawn

Mizoram sawrkar COVID-19 dona atana inkhuahkhirhna tun thla ni 24 thleng kalpui leh tura a ruahman angin Serchhip District-a inkaihhruaina kalpui dan tur pawh ruahman a ni leh ta.

Mizoram-ah COVID-19 hri kai 27,153 tling tawh

Mizoram-a COVID-19 hri kai hmuhchhuah zat chu ala tlahniam thei tak tak lova, Inrinni khan Sample 4679 enfiah niin hri kai hmuh leh an ni a, Mizoram-a hri kai hmuhchhuah chu 27,153 an tling tawh a ni.

Chanchin thar thenkhat :

Ruihhlo hmansual vangin 33 thi

Lungrem chim chhui zo tawh

Kumin June 11, 2021 (Zirtawpni) zan dar 9:30 vel a mi 4 in nunna an chan phahna, Aizawl Thuampui Veng-a lungrem chim dan chu a chhui tura ruat Aizawl DC chuan chhui zo tawhin a report sawrkarah a thehlut tawh.

DM&R Secretary in VLTF hnenah ngenna siam

Disaster Management & Rehabilitation Department Secretary, Lalbiaksangi chuan Village Level Task Force (VLTF) te chu hri leng kaihhnawih ah sawrkar thawhpui zel tura ngenin a sawm.

Myanmar atanga Mizoram-a raltlan te a theih anga chhawmdawlna pe turin Rajya Sabha MP in a ngen

Mizoram Rajya Sabha Member K.Vanlalvena chuan Myanmar atanga raltlan te ngaihsaka a theih ang anga chhawmdawlna pe turin sawrkar laipui a ngen a. Mizoram-ah raltlante tan Camp pakhat siam a nih thu leh Camp-ah hian an len thawhloh thu a sawi bawk.

AMC-ah Lockdown dawn

Mizoram sawrkar in COVID-19 hri leng mek avanga mipui inkharkhipna leh kaihhruaina a siam hman mek chu zanin hian a tawp leh dawn ta a, Mizoram sawrkar chuan naktuk, July 18, 2021 atanga tun thla ni 24 thleng AMC huamchhung ah Total Lockdown a puang leh nghal a. Mizoram hmun dangah erawh chuan DC ten an District chhunga COVID-19 hri len dan dinhmun azirin inkaihhruaina hranpa an siam ang.

Hri kai thar 10, Dam 3 awm

Niminpiah khan Serchhip District-ah Co-VID-19 hri kai mi 10 hmuhchhuah niin nimin khan hri kai mi pakhat chu enkawl dam an ni.

Electric Bill chungchangah Consumers Union leh P&E Department hotu ten inbiakna an nei

P&E Department-in June thla Electric Bill an siam ah Metre Reading la lova Bill an siam avanga Mizoram Consumers Union (MCU) ten hma an lakna kal zelah nimin khan P&E Department aiawhte nen inbiakna neiin Bill la pe lo tan pawh pek theih a nih tawh thu leh la pe duhlo tan pawh Meter Reading neih hunah pek theih a ni dawn tih an sawi.

Serchhip District-a zirna In te tluang taka hawn a ni

Sawrkar ruahman anga Serchhip District-a zirna In hrang hrangte hawn a nih hnuah zirna In te hi an inhawng kim thawkhat nia thudawn a ni.

Vawk thi 1831 tling tawh

Serchhip District-a ASF hri lenna hmuna puan tawh khaw 26-ah Vawk thi 1831 zet a awm tawh.

COVID-19 hri kai 456 hmuh belh leh an ni

Mizoram-ah COVID-19 hri kai hmuhchhuah an la awm belh zel a, niminpiah khan Sample 4537 enfiah niin heng atang hian hri kai 456 zet hmuhchhuah leh niin Mizoram-a hri kai hmuhchhuah zawng zawng chu 26,207 an tling ta.

Chanchin thar thenkhat :

I&PR Minister hovin thukhawm

C&I Department in Mizo kutchhuak PPE Set hlan

Image
Commerce and Industries Department chuan nimin khan Health Department kutah PPE Set 3000 an hlan a, heng PPE Set hlanna hun hi heng Department te enkawltu Minister, Dr. R. Lalthangliana chuan a telpui a ni.

Ramri-a Duty te MLA in tlawh

Hachhek bialtu MLA, Lalrindika Ralte chuan nimin leh niminpiah khan Mamit District chhung Chuhvel ram-a tunhnaia Assam lamin chet an rawn thawhna hmun te chu a tlawh.

Chief Minister thusawi nia tarlan CMO in sawifiah

Chief Minister’s Office chuan thuchhuah siamin tun thla ni 13-a Prime Minister leh hmarchhak State Chief Minister ten Virtual Meeting an neih tuma Chief Minister thusawi nia chanchinthar thenkhatin an tarlan chu an sawifiah.

MJA in Mizoram sawrkar chu Journalist te tana inhawnga an inhuamna ngaihthlak sak turin an beisei

Mizoram Journalists’ Association (MJA) chuan ram leh hnam hmasawnna atan leh ram leh hnam tana tha tur ang chi ah chuan thahnemngai takin sawrkar an thawhpui zel dawn tih sawiin, Sawrkar pawh Journalist-te tana inhawng a, Journalist-te inhuamna pawh ngaihthlak sak thin tura an beisei thu an sawi.

Ni 3 chhungin hri kai 1500 aia tam hmuh an ni

Niminpiah-a Mizoram-a Sample enfiah 5253 atangin COVID-19 hri kai 581 hmuhchhuah leh an ni a, tunhnai ni thum chhungin Mizoram-a hri kai hmuhchhuah chu 1500 aiin an tam zawk a ni.

Chanchin thar thenkhat :

Black Fungus la awmlo

Kawn Veng YMA in raltlan tan chhawmdawlna hlan

Image
Chhiahtlang Kawn Veng Branch YMA te hmalakna a an Veng mipuite thil thawhkhawm chi hrang hrangte chu Myanmar tualchhung buaina avanga Mizoram-a raltlan te hnena tan nimin khan hlan a ni.

Khaw 7-ah Vawk talh khap leh

Serchhip District-a khaw 7-ah te chuan nimin khan Vawk talh leh zawrh khap leh a ni.

Hri kai mi 4 enkawl dam leh

Nimin khan Serchhip District-a COVID-19 hri kai mi 4 te chu enkawl dam leh niin nimin thlengin mi 715 te chu enkawl dam an ni tawh.

Inkaihhruaina hun pawtsei

June 30, 2021 atanga hri leng avanga inkaih-hruaina hman chu tunkar Inrinni, July 17, 2021 zan dar 11:59 thleng hman tura pawhsei leh a ni tih sawrkar chuan thuchhuah siamin a tarlang.

Oxygen Concentrator 5 pe

COVID-19 leng mek avanga a tul anga Ser-chhip District Hospital a hman turin Paytm Foundation chuan Oxygen Concentrator panga (5) an rawn pe a, heng bungrua te hi Serchhip rawn thlenpui ni tawhin District Hospital thuneitute hnenah hlan a ni tawh a ni. Thilpek hlu tak rawn petute chungah Serchhip Bawrhsap leh Health Department thawktute chuan lawmthu an sawi a ni.

Department pathum te hmalakna thlirho a ni

Health & Family Welfare, Commerce & Industries leh Higher & Technical Education Department-a hmalakna te thlirin Consultative Committee thutkhawm chu nimin khan Minister, Dr. R. Lalthangliana hovin neih a ni.

Bilkhawthlir-ah BHO Office hawn a ni

Serlui bialtu MLA leh Rubber & Allied Crops Development Board Vice Chairman, Lalrinsanga Ralte chuan nimin khan Bilkhawthlir-ah Block Horticulture Office (BHO) a hawng.

DONER Minister hovin CM ten inkawmna an nei

DONER Minister thar G. Kishan Reddy hovin India hmarchhak State Chief Minister leh an aiawhte chuan nimin khan Video Conference hmangin inkawmna an nei.

Raltlan te vang a ni lo tih MPCC in an sawi

Congress Party chuan Mizoram-a CO-VID-19 hluar zelna chhan chu raltlante vang ni lovin, COVID-19 dona kawnga MNF sawrkar a hlawhchham vang a ni tih an sawi.

COVID-19 hri kaite enkawlna hmun atanga chhuahtir dan tur chungchang sawihona nei

Nimin khan Health Minister Dr. R. Lalthangliana hovin SAD Conference Hall, Aizawl-ah Mizoram-a COVID-19 hri kaite enkawlna hmun atanga chhuah tir dan tur chungchang sawiho a ni.

Central Team in ZMC tlawhin thawktute an kawm

Mizoram-a COVID-19 dinhmun zirchiang tura Mizoram rawn tlawhtu Central Multi Disciplinary Team te chuan nimin khan Zoram Medical College (ZMC) Falkawn tlawhin ZMC-a Covid vei damlo te enkawl dan kalphung te an enfiah.

COVID kaihhnawiha nu leh pa chan naupangte tan chhawmdawlna leh hamthatna ruahman a ni

Supreme Court thuchhuak ang leh sawrkar laipuiin ruahmanna a siam angin, COVID-19 kaihhnawiha nu leh pa chan naupangte tan chhawmdawlna leh hamthatna tur hrang hrang ruahman a ni a. Hetiang kaihhnawiha vanduaina tawk naupangte chhawmdawl leh enkawl zui an nih theih dan tur ngaihtuah hian nimin khan Aizawl-ah thutkhawm neih a ni.

Hri kai 2 enkawl dam leh

Serchhip District-ah niminpiah khan hri kai hmuh belh awm lovin nimin khan mi 2 enkawl dam an ni thung.

Hmuntha khua, Hlumpui Cluster atanga Tomato tharchhuah te hralh turin vailiam a ni

Image
Serchhip District chhung, Hmuntha khua in Hlumpui ram-a Greenhouse Cluster atanga Tomato an tharchhuah te chu nimin khan sengin hralh turin vailiam nghal a ni a. He hun hi Adviser to Chief Minister (Technical) Er. K. Lalsawmvela chuan khuallian niin a hmanpui a ni.

Chanchin thar thenkhat :

Bill siam cancel leh phut

Mizoram-ah hri kai hmuhchhuah an la pung zel

Mizoram-a COVID-19 hri kai hmuhchhuah chu ala tlahniam thei tak tak lo a, niminpiah khan Sample 4829 enfiah atangin hri kai 468 hmuh leh niin Sample enfiah atanga za zela 9.69 te chuan hri an kai a ni.

Medical Team tir turin Minister an ngen

Tunhnaia COVID-19 hri kai tam tak hmuhchhuahna Lawngtlai District chhunga Longpuighat khawtlang chuan, Health Minister hnenah an khua ah Medical Team tir tur leh Longpuighat PHC chu a nih dan tur anga kalpui thuai turin an ngen.

Hri leng dona kawnga Mizoram inbuatsaih dan zirchiang tur ten Mizoram an rawn tlawh

COVID-19 hripui leng dona kawnga Mizoram sawrkarin hma a lak dan leh a inbuatsaih dan rawn zirchiang tur Central Team of Experts Member pahnihte chuan nimin khan Health & Family Welfare Minister, Dr. R. Lalthangliana chu a Pisa-ah an kawm.

Aizawl District-ah hri leng vanga harsatna thlirho

Nimin khan Aizawl-ah District Bawrhsap, Dr. Lalhriatzuali Ralte hovin COVID-19 avanga harsatna an tawh hrang hrang thlirhona neih a ni.

Tarpho Branch YMA te hnenah Ambulance hlan

North East Transmission Company (NETC) Ltd. chuan Corporate Social Responsiblity (CSR) atangin Tarpho Branch YMA hnena Ambulance an hlan.

MJA Kolasib District member ten Assam leh Mizoram inrina Buarchep phai an tlawh

Mizoram Journalists' Association (MJA) Kolasib District Member te chuan tunhnaia Assam Sawrkar in Mizo Leilet a nawrchhiat sakna hmun Buarchep, Phainuam bul chu nimin khan an tlawh.

ASF vangin Vawk 1643 thi tawh

Serchhip District-a African Swine Fever hri lenna hmunah nimin thleng khan Vawk thi 1643 a awm tawh.

MLA Fund atangin Vawk thi phumna tur laih leh a ni

Serchhip District-ah African Swine Fever (ASF) avanga Vawk thi an la awm belh zel avangin Serchhip Mualvawm-a Slaughter House ram-ah Vawk phumna tur laih belh leh a ni.

NABARD kum 40 tlin lawmna Minister hovin nei

Image
National Bank for Agriculture and Rural Development (NABARD) chuan nimin khan an kum 40 tlin lawmna neiin Cooperation leh Agriculture Department changtu Minister, C.Lalrinsanga chuan khuallian niin a hmanpui a ni.

Lunglei-a RT-PCR Laboratory dah a remchang rihlo

RT-PCR Lab for Chhimbial-in Lunglei-a RT-PCR khawl bun chungchanga High Court-a an zualkona kal zelah Mizoram sawrkarin tun dinhmunah Civil Hospital, Lunglei-a RT-PCR Laboratory dah chu a remchan loh thu leh Lunglei District tan RT-PCR Laboratory mamawhna a awm loh thu High Court a hrilh.

Mizoram-ah hri kai 519 hmuhchhuah belh leh an ni

Niminpiah khan Mizoram-ah Sample 5304 enfiah niin heng atang hian COVID-19 hri kai 519 hmuhchhuah leh an ni a, Mizoram-a hri kai hmuhchhuah chu 24,702 zet an tling tawh a ni.

'Ramri chinfel dan thuruk ka hria' titu chuan tun hi a thuruk a puan hun a ni dawn lawm ni? - MZP

Mizo Zirlai Pawl (MZP) General Headquarters hruaitute chuan Mizo thalai tam tak te chu ramri humhalh duh vanga thisen hial chhuak tawh an ni tih sawiin, ramri chungchang lemchanna (Drama) awm thin chu an haw takzet tih an sawi a. “'Ramri chinfel dan thuruk ka hria' titu chuan tun hi a thuruk a puan hun a ni dawn lawm ni?” an ti.

Soil Peng-ah Road Block siam

Serchhip P&E Veng-a Soil Peng atanga Soil & Water Conservation Department Office panna kawngah Serchhip P&E Veng VC ten tuihawk luankawr (Link Drain/Semi-Culvert) an siam dawn avangin Serchhip SP, Stephen Lalrinawma chuan tun thla ni 17 thleng he kawng hi lirthei kaltlang theihloh, Road Block a nih thu thuchhuah siamin a tarlang.

Hri kai thar 3, Enkawl dam 9

Niminpiah khan Serchhip District-ah hri kai mi 3 hmuhchhuah niin nimin khan hri kai mi 9 te chu enkawl dam an ni thung.

Hmunhlui tlawhin hun hmang

Serchhip Heritage Society chuan nimin khan Serchhip hmunhlui thenkhat leh Rothai Puk te chu tlawhin an zirchiang.

ASF vangin Vawk 79 thi leh

Nimin khan Serchhip District-a ASF hri lenna khaw 9-ah Vawk thi 79 zet a awm leh a, heng bakah hian ASF hri lenna hmun-a la puan loh ah Vawk thi 10 zet a awm bawk.

Meter Reading nei lova Electric Bill siam pe rihlo turin Consumers Association in an ngen

Serchhip District Consumer Association (SDCA) chuan P&E Department in tun thla-a Electric bill reading la lova an siam chu duh lovin hmalak mek a ni tih an sawi a. Mipui te pawh Electric bill pe rihlo turin an ngen bawk.

Chanchin thar thenkhat :

PM in North East CM a kawm

Inner line Reserved Forest Mizoram a ni tih sawi

JAC on Inner Line Reserved Forest Demand chuan Inner line Reserved Forest chu Mizoram (Lushai Territory) ta ngei a ni tih sawiin, Assam sawrkarin hun rei tak an enkawl hawh tawh chu Mizoram sawrkar in enkawl tawh tura an duh thu an sawi.

Pathianni-ah hri kai mi 190 hmuh belh leh an ni

Pathianni khan Mizoram-ah Sample 996 enfiah leh niin heng atang hian hri kai 190 hmuhchhuah leh an ni a, Sample enfiah atanga za zela 19.07 te chuan hri kaiin Mizoram-ah COVID-19 hri kai hmuhchhuah an la pung zel a ni.

Vawk 64 zet thih belh leh

Serchhip District-ah nimin khan African Swine Fever avangin Vawk 64 zet a thi leh a, nimin khan Serchhip District-ah Vawk 54 lai suat leh a ni bawk.

Hri kai mi 9 enkawl dam

Serchhip District-a COVID-19 hri kai te zingah nimin khan mi 9 te chu enkawl dam niin anmahni enkawlna hmun atanga chhuahtir an ni.

Serchhip District-a a thlawna Zirlaibu sem tur Serchhip atangin pekchhuah a ni ta

Image
Kumin a Elementary School-a Zirlaite hnena sawrkar in a thlawna Zirlaibu a sem turte chu nimin khan Serchhip District-ah semchhuah tan a ni.

Chanchin thar thenkhat :

Zaa 75 ten Vaccine la tawh

ZMC-a Dedicated Covid Hospital a khat hneh

COVID-19 hri leng avanga hmalakna hrang hrang ngaihtuahin nimin khan Health Minister hovin sawrkar mi pawimawh te chu SAD Conference Hall-ah an thukhawm a. He hunah hian COVID-19 hri kai an pun belh zel avangin Dedicated COVID Hospital (DCH), SRHF-ZMC chu a khat hneh hle tih tarlan a ni.

Ramri-a buaina thlenna hmun Rajya Sabha MP in a tlawh

Mizoram Rajya Sabha MP, K. Vanlalvena chuan Assam Police leh Assam mipuiten Mizoram chuha an rawn nek buaina hmun leh buaina an siam fona- Vairengte, Phainuam, Saihapui V leh Buarchep chu nimin khan a tlawh.

NEUM ten a huho-a chawlh lak tum an thulh leh rih

NHM Employees Union Mizoram (NE-UM) chuan Vawiin atanga ni thum (3) chhung a huho-a chawlh lak an tum chu an thulh rih tih an sawi.

Assam leh Mizoram ramri chungchangah Home Minister in thuthar thehdarhtute a kawm

Home Minister, Lalchamliana chuan nimin khan a Pisa-ah thuthar thehdarhtute kawmin Assam leh Mizoram ramri buai chungchangah loh theihloh thilah lo chuan inkah loh hram chu an duhdan a ni tih sawiin, “Inkah hi kan tlin (afford) in kan hre lo a, amaherawh chu a tul a nih chuan kan inkap ang,” a ti.

Mizoram-ah hri kai hmuhchhuah an la pung zel

Mizoram-ah COVID-19 hri kai hmuhchhuah an la pung zel a, Inrinni-a Sample enfiah 4084 atangin hri kai mi 442 zet hmuhchhuah leh niin Mizoram-a hri kai hmuhchhuah chu 23,993 zet an tling tawh.

ASF vanga Vawk thi la pung

Nimin khan Serchhip District-ah African Swine Fever (ASF) vangin Vawk 97 zet a thih belh leh a, ASF vanga Serchhip District-a Vawk thi chu 1447 a tling ta.

Hri kai enkawllai 47 awm

Serchhip District-a COVID-19 hri kai hmuh te zingah mi 47 te chu enkawl mek an ni.

Chanchin thar thenkhat :

MLA in tuilakna hmun tlawh

Custom Hiring Centre atan Khawl vailiam a ni

Mizoram hmun hrang hranga loneituten’a Custom Hiring Centre kaltlanga an inhmantawm tur Tractor, Power Tiller, Mini Power Tiller leh khawl chi dang hrang hrang te chu Inrinni khan Agriculture Minister, C. Lalrinsanga chuan a vailiam.

NHM hnuaia thawk ten lungawilohna lantir an tum

National Health Mission (NHM) hnuaia thawktu intelkhawm, NHM Employee Union, Mizoram (NEUM) chuan naktuk, July 13 atangin ni thum chhung Casual Leave la-a lungawilohna lantir tumin ruahmanna an siam mek.

MPCC in Electric Bill siam dan endik an duh

Mizoram Pradesh Congress Committee (MPCC) chuan P&E Department in Electric Bill an siam dan chu endika siamthat an duh thu sawiin, Metre Reading ti lova Bill siam chu sawrkar mangang sum tuakna a ni em tih chu an zawhna a ni tih an sawi.

Governor kalchhuak tur in Mizoram chhuahsanin Chief Minister in a thlah

Mizoram Governor PS. Sreedharan Pillai chuan a hna thar, Goa Governor hna zawm turin Inrinni khan Mizoram a chhuahsan ta a, Governor hi Chief Minister Zoramthanga leh Minister thenkhat ten Raj Bhavan-ah an thlah a ni.

Rampum ngaihtuahin Mizoram-ah hri kai hmuh an la tam

India rampum ngaihtuahin hrikai leh kailo endik zinga hrikai awmzat ah Mizoram a sang hle.

CM hova sawrkar mi pawimawh thukhawmin Ramri-a Assam sawrkar chet dan an dem tih an sawi

Chief Minister Zoramthanga hova nimin-a Minister te leh mi pawimawh te thukhawm chuan ramri-a Assam sawrkar chet dan an dem thu sawiin, ramri-ah Mizoram a tawlh dawn lo tih an sawi. Chief Secretary chuan Inrinni-a Phainuam Buarchep hmuna thil thleng chungchanga thudik lo thehdarh ah Assam sawrkar a puh bawk.

Mizoram-ah hri kai hmuhchhuah la awm belh zel

Mizoram-ah COVID-19 hri kai hmuhchhuah thar ala tlahniam hlei thei lova, niminpiah khan Sample 3500 enfiah niin hri kai mi 311 zet hmuh leh an ni a, Mizoram-a hri kai hmuhchhuah chu 23,014 an tling tawh a ni.

Chanchin thar thenkhat :

Health Clinic Building hawng

Zirlai harsa te hnenah MSU in Mobile Phone pe

Mizo Students’ Union (MSU) General Hqrs. chuan 'MSU Smartphone for BPL/AAY Students' an kalpui mekah nimin khan a thawh khatna atan Mobile Phone an semchhuak.

CCC-a ei leh in chungchanga ruahmanna siam

Mizoram Sawrkar Health Department chuan Covid Care Centre (CCC)-a ei leh in (diet) chungchangah ruahmanna thar a siam.

ZLP in ramri chungchanga hmalakna beitham an ti

ZPM Legislature Party chuan tunhnai lawka kan ram chhunga Assam sawrkarin a sipaite a rawn tir ta mai leh a lo nawrlet tura beitham taka hmalakna a awm chu pawi an tih thu an sawi.

Zirlai tithate Chief Minister's Award hlan an ni

High School Leaving Certificate (HSLC) leh Higher Secondary School Leaving Certificate (HSSLC) Examination-a zirlai tithate hnenah nimin khan ‘Chief Minister's Award’ hlan a ni.

Karleh atangin raipuar te vaccine pe dawn

Mizoram-a COVID-19 vaccine pek hna kalpui mekah karleh Thawhtanni atang khian raipuar te vaccine pek tan tum a ni.

Ramri chungchanga inbiakna nei Chief Secretary ten inremna an nei thei lo

Mizoram leh Assam ramri chungchangah nimin khan sawrkar laipui ruahmanna angin State pahnih Chief Secretary te chuan New Delhi-ah inbiakna an nei a. He inbiakna ah hian inremna nei thei lovin State Sawrkar thuneitu sang zawkte rawn ve ve in, hmalak zel dan tur ngaihtuah ni se an ti.

Election Officer sawn a ni

Serchhip DC Office-a Election Officer leh  Serchhip BDO hna chelh mektu Vanlalhma-chhuana MCS chu Mamit-ah SDO (Sadar) hna chelh tura sawn a ni a, a aiawh tur hian LAD-a Deputy Director nilai, Lalrinchhani Ralte chu rawn dah a ni.

Bial KTP in thisen an pe

Tunhnaia Serchhip Blood Bank-a thisen mamawhna a san avanga Association for Voluntary Blood Donation (AVBD) Serchhip Branch leh Serchhip Blood Bank in ruahmanna an siam angin nimin khan New Serchhip Pastor Bial KTP te chuan Serchhip Blood Bank-a dah turin thisen Unit 60 an pe a, thisen petute hi mipa 29 leh hmei-chhia 31 niin heng mi tlawmngai te hi Blood Bank-ah kalin thawktu ten an thisen hi an lo lak sak a ni.

Ni 2-ah hri kai thar 17 awm

Ni 2 chhungin Serchhip District-ah hri kai mi 17 zet hmuhchhuah niin Serchhip District-a hri kai hmuhchhuah chu 741 an tling tawh.

Nimin-ah Vawk thi 52 awm

Nimin khan Serchhip District-ah ASF vangin Vawk 52 zet thi lehin ASF vanga Serchhip District-a Vawk thi chu 1104 a tling tawh.

Karleh ah Zirlaibu sem dawn

Academic Session thar-a zirlai naupangte hnena a thlawna zirlaibu sem tur chu karleh lam khian semchhuah theih beisei a ni.

Thenzawl-a Supply Kudam-a bukna enfiah niin Buhfai an buk a tling tha tih finfiah a ni

Image
Serchhip District Consumer Association leh Serchhip-a Legal Metrology Department te chuan nimin khan Thenzawl-a Supply Kudam chu sawilawk awm lova enfiahin bukna an hman te an enfiah a, an buhfai buk chu a dik hle tih an sawi.

Niminpiah-ah hri kai 548 zet hmuh belh an ni

Niminpiah khan Mizoram-ah Sample 3245 enfiah ni lehin heng atang hian COVID-19 hri kai 548 zet hmuhchhuah an ni a, Lawngtlai District-a Longpuighat-ah hri kai 170 zet hmuhchhuah an ni.

Hri kai 8 hmuh belh leh

Nimin khan Serchhip District-ah Rapid Antigen Test hmangin hri kai mi 8 zet hmuh leh an ni.

Chanchin thar thenkhat :

Covid Relief for Key Population

Rul chi thar hmuhchhuah a ni

Mizoram-ah Rul chi (species) thar hmuhchhuah a ni a, Mizo lal hmingthang Vanhnuailiana hming chawiin a hming phuah a ni.

LAD Minister in Mamit District-a ramri a tlawh

Local Administration Department changtu Minister, K. Lalrinliana chuan nimin khan Chuhvel, Rengdil, Kawrthah leh Tuidam khua te a tlawh.

Vety Minister hovin ASF vanga Vawk chan te zangnadawmna pek dan tur sawihona neih a ni

African Swine Fever (ASF) avanga Vawk vulhtute hnena zang-nadawmna pek theih dan tur chungchang sawihona chu nimin khan AH & Vety Minister Dr. K. Beichhua hovin neih a ni.

NSS in Thisen Unit 24 pe

Serchhip Blood Bank-a thisen dahkhawl sa a awm mumal loh avanga harsatna thleng mek sutkianna atan Govt. Serchhip College NSS Unit te chuan nimin khan Serchhip Blood Bank a dah turin thisen Unit 24 an pe a, thisen petute hi mipa 11 leh hmeichhia 13, an vaiin mi 24 an ni.

India Formosa Foundation-in Serchhip District-a chhungkaw 1311 tan chhawmdawlna an sem

Image
COVID-19 hri leng avanga mipuite harsatna chhawk zangkhaina atan India Formosa Foundation (IFF) chuan Serchhip District chhunga Village Council 48-a chhungkaw 1311 te hnena buhfai leh chawhmeh chi hrang hrang an sem.

Khaw 19-ah ASF hmu tawh

Serchhip District chhunga VC 19 te chu Vawk pul hri, African Swine Fever (ASF) lenna hmun ah puan a ni tawh a, ASF vanga Vawk thi pawh 1104 zet a awm tawh.

Serchhip DC Office kaltlanga Sawrkar School Chhawm te hnenah Water Filter sem an ni

Serchhip Deputy Commissioner Office hmalakna a Serchhip District chhunga sawrkar School te ti hmasawna zirlai naupang an neih tam theihna tura hmalakna, 'School Chhawm rawh' (Adopt a School) kalpuina tura thlanchhuah School 4 te hnenah nimin khan Water Filter semchhuah a ni.

Nimin-ah hri kai 2 hmu leh

Nimin khan Serchhip District-ah COVID-19 hri kai mi 2 hmuhchhuah leh niin Serchhip District-a hri kai hmuhchhuah chu 724 an tling ta.

Ni khat-a hri kai hmuhchhuah la tlahniam theilo

Mizoram-ah ni khat-a COVID-19 hri kai hmuhchhuah zat chu ala tlahniam thei tak tak lova, niminpiah khan Sample 3549 enfiah leh niin hri kai mi 301 hmuhchhuah leh an ni a, Sample enfiah atanga za zela 8.48 te chuan hri an kai a ni.

Chanchin thar thenkhat :

Lunglei District in dawng

Laldenga Thlan-ah zahna pangpar dah a ni

Nimin July 7, 2021 kha MNF Founder/President, Laldenga thih champha vawi 31-na niin he ni pual hian nimin zing khan Aizawl Treasury-a a thlan-ah MNF party hruaitute leh a nupui bakah Minister thenkhat ten zahna leh chibai bukna pangpar an dah.

Rel kawng siam mek Rajya Sabha MP in a tlawh

Mizoram Rajya Sabha MP, K. Vanlalvena chuan Bairabi to Sairang Rail kawng siam hna thawhmek chu nimin khan a hmunah kalin a enfiah.

Agriculture leh a kaihhnawih Department hotute kawm

Nimin khan Champhai South bialtu MLA leh Law & Judicial Minister, TJ. Lalnuntluanga chuan Champhai District-a Agriculture leh a kaihhnawih Department hrang hrang hotute kawmin an hmalakna leh hmachhawp te a sawipui.

Covid Third Wave atana Mizoram sawrkar inbuatsaihna tluang takin a kal mek - Health Minister

Nimin khan Health Minister, Dr. R. Lalthangliana hovin Mizoram-a COVID-19 hri hri leng mek chungchanga thil pawimawh chi hrang hrang sawihona neih a ni a. He hunah hian Health Minister chuan COVID-19 Third Wave atana Mizoram sawrkar inbuatsaihna te pawh tluang takin a kal mek tih a sawi.

Water Filter hlan dawn

Nikum lam atanga Serchhip DC Office hma-lakna a kalpui, ‘School Chhawm rawh’ (Adopt a School) hmalakna kal zelah he ruahmanna hnuaia School thlanchhuah te chu Vawiin chawhnu dar 1:00 hian Water Filter hlan an ni dawn.

71% ten Vaccine an la tawh

Mizoram-ah COVID-19 vaccine pek hna chu kalpui chhunzawm zel ala ni a, sawrkar in a chhinchhiahna atanga a lan danin niminpiah, July 6, 2021 thleng khan Mizoram-ah vaccine Dose 6,15,646 pekchhuah a ni tawh a, First Dose la tawh, Second Dose hmabak mi 5,49,233 la awmin Full Dose la mi 66413 an awm tawh a ni. Electoral Roll thar ber atanga chhutin Mizo-ram-ah vaccine la thei (kum 18 chunglam ) mi 7,75,106 an awm a, heng zinga mi 5,49,233 (71%) hian vaccine an la tawh a, Full Dose la tawh hi 12 % an ni. Vaccine hi Second Dose pekchhuah mek niin, vaccine stock a awm that thu Health Department hotute chuan an sawi bawk.

Jail tang te vaccine pe

Serchhip District Jail-a tang mek te chu an Sample te Rapid Antigen Test hmanga enfiah a nih hnuah COVID-19 hri kai hmuhchhuah an awmloh avangin tunkar Thawhtanni khan tang mi 16 te chu COVID-19 vaccine Dose 1-na pek an ni a. District Jail hotute chuan vaccine an dawn theihna tura hma lak saktu CMO leh Medical Team te chungah an lawm hle tih an sawi bawk.

Serchhip Blood Bank-ah thisen indaihlohna a nasa

Serchhip damdawi In-a Blood Bank-ah thisen indaihlohna a thleng mek a, thla hmasa atang khan thisen dahkhawl sa pawh a awm hman meuhlo tih thawktute chuan an sawi.

ASF vangin Vawk 39 zet a thih belh leh; Serchhip khaw pumah Vawk talh khap a ni ta

Serchhip District-ah nimin khan African Swine Fever (ASF) vangin Vawk 39 zet a thi leh a, Serchhip District Magistrate chuan Serchhip khaw pum leh khawdang pathum-ah Vawk talh khapna thupek nimin khan a tichhuak bawk.

COVID-19 hri kai 520 zet hmuhchhuah leh an ni

Niminpiah khan Mizoram-ah Sample 5801 enfiah leh niin hri kai mi 520 zet hmuhchhuah an ni leh a, Mizoram-a COVID-19 hri kai hmuhchhuah chu 21,854 tling tawhin hri kai hmuhchhuah zat ala tlahniam thei tak tak rihlo a ni.

Chanchin thar thenkhat :

Mizoram Governor tur ruat

Midangte tanpuina kawnga ke pen zel turin chah

MHIP General Hqrs. President, Lalthlamuani chuan MHIP Member te chu midang te tanpuina kawngah ke pen zel turin a chah.

MDC 9 ten CADC CEM bang tuin an ngen

Chakma Autonomous District Council (CADC)-a MNF kaihhruai sawrkar dinglai chuan harsatna a tawk leh dawn niin a lang a, CEM nilai Durja Dhan Chakma chu CEM a nihna atanga bang turin MDC 9 ten an ngen.

MZP in Assam Police te an inhnuhdawh loh chuan inbiakna neih tur thulh rih an duh tih an sawi

Mizo Zirlai Pawl (MZP) chuan Assam leh Mizoram Chief Secretary ten tun thla ni 9-a inbiakna an neih tur chu Mizoram chhung atanga Assam Police te an inhnuhdawh hma loh chuan thulh rih nise an duh thu an sawi.

Mizoram leh Assam ramri hnaihah Police tam zawk awmna tur hmunpui siam turin sawrkar phut

Joint Action Committee on Inner Line Reserved Forest Demand leh Mizoram-a Political Party leh NGO te chuan Mizoram leh Assam ramri hnaihah Police tam zawk awmna tur hmunpui a rang thei ang bera siam turin Mizo-ram sawrkar an phut thu an sawi.

Vawk thi 1000 tling tawh

African Swine Fever (ASF) avanga Serchhip District-a Vawk thi chu sang khat aiin a tam ta.

Hri kai 722 an tling tawh

Serchhip District-a COVID-19 hri kai hmuh-chhuah chu mi 722 an tling tawh.

Thla 3 Bill chawhrual hmangin Electric Bill siam

COVID-19 hri leng avanga thla hmasa lam ah P&E Department lamin mipuite Electric hman zat enna, Meter Reading an kalpui theihloh avangin tun thla-a Electric Bill siamna atan thla thum kalta chhunga Electric bill chawhrual chu hman a ni.

Serchhip-a MHIP Branch hrang hrang ten an remchan angin MHIP Day an hmang

Nimin July 6, 2021 kha Mizo Hmeichhe Insuihkhawm Pawl (MHIP) dinchampha, MHIP Day vawi 47-na niin hri leng avanga a huho-a hman a remchan loh avangin Serchhip-a MHIP Branch hrang hrangte chuan an remchan angin he ni pual hian hun an hmang a ni.

Pathianni-ah hri kai mi 91 hmuh belh leh an ni

Pathianni khan Mizoram-ah Sample 789 enfiah leh niin hri kai mi 91 hmuhchhuah an ni a, hri kai hmuhchhuah zat hi tlem mah se Sample enfiah atanga chhut chuan za zela 11.53 in hri an kai a ni.

Chanchin thar thenkhat :

Ngopa khaw mi 7 man tawh

Hri leng avanga Online Class kalpui ah zirlai zatve velin Online Class an chhim theilo

School Education Minister Lalchhandama Ralte chuan hri leng avanga Online Class kalpui ah internet nei thalo thingtlang kilkhawr tak takah an awm nual tih sawiin, “Zaa 50% bawr zetin Online Class hi an chhim thei lo tih te hriat a ni,” a ti.

Gas man bithliah thar a ni

IOCL Revised Retail Selling Price tihchhuah angin Mizoram-a eirawngbawlna Gas man tur bithliah thar a ni a, Serchhip-ah chuan kg. 14.2 a rit Domestic Cylinder chu bur khat Rs. 986.50 niin kg. 19-a rit Commercial Cylinder chu bur khat Rs.1926/- a ni anga, Point Delivery-a sem a nih chuan Rs. 7.53 belh tur a ni ang.

Vawiin MHIP Day vawi 47-na

Vawiin July 6, 2021 hi Mizoram-a Hmei-chhia te insuihkhawmna pawl lian ber, Mizo Hmeichhe Insuihkhawm Pawl (MHIP) dincham-pha vawi 47-na a ni a, sawrkar Pisa chawla puan a nih angin Pisa te khar a ni anga, hri leng avangin a lawmna inkhawm erawh neih a ni lovang.

NH. 54 kawng siam enfiah

Serchhip Dinthar Veng, Sesah lui ruam-a National Highway-54 kawngchhe lutuk chu KRAM Infracon Pvt. Ltd. chuan an mamawh ang hmanrua an hmu a nih chuan Vawiin atanga siam-that hna an thawh theih tur thu an sawi.

ASF vangin Vawk 40 thi leh

Nimin khan Serchhip District-ah African Swine Fever (ASF) vanga Vawk thi 40 chhinchhiah leh an ni.

Hri kai 2 hmuh belh leh

Nimin khan Serchhip Bazar Veng-ah CO-VID-19 hri kai mi 2 hmuhchhuah leh niin heng mite nen hian Serchhip District-a hri kai hmuh chu mi 720 an tling tawh.

P&E Veng MHIP in zirlai titha an lawmpui

Kumin a Higher Secondary School Leaving Certificate (HSSLC) Exam result chhuaka Commerce Subject-a Mizoram puma pakhatna, C. Lalrintluangi lawmpuina hun chu nimin khan P&E Veng MHIP huaihawtin neih a ni.

Serchhip District-a ‘Project Thlai leh Thei’ kalpui dan tur sawihona neih a ni

Serchhip DC Office bultuma ‘Project Thlai leh Thei’ kalpui dan tur chungchang sawihona chu nimin khan Serchhip District Bawrsap, Kumar Abhishek IAS hovin neih a ni a, he Project hnuaiah hian Serchhip District chhunga thlai chin zirchiangin tih hmasawnna tur leh hlawk zawka hralhna tur ngaihtuah thlengin hmalak tum a ni.

Mizoram-ah hri kai 21,246 hmuh an ni tawh

Mizoram-a COVID-19 hri kai hmuhchhuah chu 21,246 an tling tawh a, hri kai hmuhchhuah zinga 17,661 te chu enkawl dam an ni tawh bawk.

VLTF khawlai Duty tawp tan

Hri leng avanga mipui kaihhruaina thenkhat thlahdul a nih leh tak avangin Serchhip khawpui chhung Veng thenkhat ah chuan VLTF ten Duty an lo kalpui ve thin chu an titawp chho leh tan ta a, hetihlai hian sawrkar in Duty tura sawrkar hnathawk a ruat, Executive Duty te erawh chu an la Duty chhunzawm zel thung a ni. Sawrkar in hri leng avanga tun thla ni 15 thlenga hman tur inkaihhruaina a siam ah zing leh tlai-ah te Exercise lak a phal avang leh Sports Practice te pawh phal chin neia kalpui theih a nih tak avangin Veng hrang hrangah taksa sawizawi leh inkhel hmuh turte pawh an awm leh tan tawh bawk a ni.

Hri kai 718 an tling tawh

Serchhip District-a COVID-19 hri kai hmuh-chhuah chu 718 an tling ta.

Serchhip District chhunga ASF hri lenna khaw 14-ah Vawk 939 a thi tawh

Serchhip District chhunga khaw 14-a Vawk thi te chu enfiah a nih hnuah Vawk hri leng mek, African Swine Fever (ASF) hri an kai tih hmuhchhuah a ni tawh a, Serchhip District-ah hian ASF vanga Vawk thi chu 939 a tling tawh.

Chanchin thar thenkhat :

Raltlan 1700 vel khawsa mek

Mizoram-ah hri danna la thei zaa 68 vel pe tawh

Mizoram pumah COVID-19 hri laka invenna, vaccine dose 588,420 pekchhuah tawh a ni a, vaccine la thei zat atanga chhutin zaa 68 velin vaccine dose khatna hi an la tawh a ni.

Dan lova lirthei chuanman tisang hrem an ni dawn

Mizoram State Transport Authority (STA) chuan hripui leng vanga State in harsatna a tawh mek laia dan lova motor chuanman tisangte chu hrem an ni ang, a ti.

RAgT a rintlak ah ngai

Mizoram sawrkarin COVID-19 positive hmuhchhuahna atana a hman Rapid Antigen Test (RAgT) chu a rintlak ah ngaiin hman chhunzawm zel tum a ni.

MZP in ramri-a buaina thlenna hmun an tlawh

MZP General Headquarters hruaitute chuan Inrinni khan an Vice President, Peter Chhangte hovin Mizoram chhung Vairengte ram-a Assam lamin harsatna an siamna hmun, Aitlang chu an tlawh.

'Mizo Hnam Project', BZ Road zo thawkhat tawh

Mizoram sawrkarin 'Mizo Hnam Project' tih vuah a hma a lakna, Bairabi - Zamuang - Kanhmun (BZ Road) chu thuamthat mek zel niin, tun dinhmun ah zawhfel la ni chiah lo mah se, Assam lama Mizoram mamawh chawkluhna kawngpui pawimawh dan a nih pawhin bungraw chawkluhna atan harsatna awm lova zawh theih turin thuam that thawkhat a ni tawh a. BZ Road-ah hian tun dinhmunah chuan kawng ping leh buai a awm tawh lo a, contractor Lalhmachhuana Fanai, Tlangnuam, Aizawl chan Bairabi (Zero) - km 14 chin ah Fur in a nan hman vangin, KM 3 bawr vel blacktop loh a la awm a. GP Project Private Ltd. ten an chan lam KM 14-27 chu zawhfel ni tawhin, blacktop zawh hman loh, KM 3 bawr vel ah pawh lung phah chhuah vek a ni tawh a, lirthei veivak tan harsatna a awm lo a. Langkaih Lei leh Teirei Lei te pawh bungraw phur, metric ton 20 (24R) zawh theih turin thuam that a ni ve ve tawh a ni.

Inkah hi a that zawkna awm se chuan kan kap daih tawh ang - DC Kolasib

Kolasib District Bawrhsap, Dr. H. Lalthlangliana chuan tunhnaia ramri-a buaina thleng chungchangah, “Inkah hi a that zawkna awm se chuan kan kap daih tawh ang,” a ti a. Vairengte-a nimin-a VC leh NGO Joint Meeting chuan Inner Line Reserve Forest 509 Sq.miles chu Mizoram sawrkar in lalet tawh se an duh thu an sawi bawk.

Hri kai 278 hmuh thar awmin mi 354 an dam thung

Mizoram-a COVID-19 kai hmuhchhuah chu ala tlem thei tak taklo niin a lang a, niminpiah khan Sample 4006 enfiah leh niin hri kai 278 hmuh leh an ni a, Sample enfiah atanga zaa 6.93 te chuan hri an kai a ni.

Hri kai 700 an tling ta

Serchhip District-ah nimin khan COVID-19 hri kai mi pahnih hmuhchhuah niin hri kai hmuh tawh zawng zawng chu mi 701 an tling ta.

BJP hruaitu bang awm leh

Serchhip District chhunga BJP Block President pahnih te chuan banna an thehlut ve leh ta.

Jail-a awm te Sample enfiah

Image
Serchhip District Jail-a tang mek te chu nimin khan an Sample enfiah sak niin COVID-19 hri kai hmuhchhuah an awmlo.

MHIP in thingfak hlan

Serchhip District chhung Khawlailung khua a Ropuiliani Section MHIP te chuan an member te thawhkhawm Thingfak Truck trip 2 chu hri leng avanga harsatna tawk, TNT Centre, Muanna Veng tan nimin khan an hlan.

Serchhip-a zirlai tithate lawmpuina tur sum hlan

MNF General Hqrs. a Secretary, Vanlal-tluanga chuan HSLC leh HSSLC Exam result chhuaka Serchhip-a zirlai tithate hnenah nimin khan MZP Hqrs. Serchhip kaltlangin lawmpuina a hlan.

Hri leng vanga Vawk thi 27 awmin Vawk suat mek a ni

Nimin khan Serchhip District-ah ASF vanga Vawk thi 27 chhinchhiah belh leh niin hri leng avangin Vawk 6 suat leh a ni bawk.

Chanchin thar thenkhat :

Champhai South Bial fang

Mizoram Police Duty Post thiah DC in sawifiah

Kolasib District Bawrhsap chuan Mizoram Police duty-na hmun pahnih (2) te chu Assam Police ten an thiah thu a sawi.

Agri. Minister in Laboratory Building sak mek a tlawh

Agriculture Minister C. Lalrinsanga chuan nimin khan Lunglei Civil Hospital tlawhin Laboratory Building sak mek pawh a hmunah a tlawh nghal bawk.

COVID-19 hri leng mek chungchangah Chief Minister hovin inrawnkhawmna neih a ni

Central YMA huaihawta Political Party hrang hrang leh NGO hrang hrang bakah MKHC te Joint Meeting thurel bawhzuiin nimin khan sawrkar mi pawimawh zual te leh NGO, Political Party, LC/VC leh Kohhran hruaitute chuan Joint Meeting neiin COVID-19 hri leng mek chungchang an sawiho.

Mizoram-ah hri kai 417 hmuh belh leh an ni

Niminpiah khan Mizoram-ah Sample 3235 enfiah leh niin heng atang hian COVID-19 hri kai mi 417 hmuhchhuah leh an ni a, Sample enfiah atanga za zela 12.89 te chuan hri an kai ang niin hri kai hmuhchhuah thar ah hian June 24-a TNT Centre-a hri kai hmuhchhuah tawh 212 te an tel bawk a ni.

A hma aia fimkhur zui zel a tul

A hma aia fimkhur zui zel a tul

Serchhip District-ah Hri leng avanga inkhuahkhirhna thlahdul hret a ni

Image
Serchhip District chhunga COVID-19 hri leng avanga inkharkhipna kalpui chhunzawm zel dan tur chu nimin khan Serchhip District Disaster Management Authority (DDMA) huaihawtin sawihona neih a ni a, inkaihhruaina thenkhat chu thlahdul tura ruahman niin inkaihhruaina thar pawh siam nghal a ni bawk.

Chanchin thar thenkhat :

Mizoram Police te Duty-na Assam Police ten an tichhia

F&ES Department hnenah kangthelh Motor 3 hlan

Image
Disaster Management and Rehabilitation (DM&R) Minister, Lalchamliana chuan kangthelh motor tha chi, High Pressure Pump Fire Tender pathum chu a tul hun apianga hman theih turin nimin khan Fire & Emergency Services Department hnenah a hlan.

African Swine Fever avanga Vawk chan te chhawmdawlna tur Sawrkarin a ngaihtuah mek

AH&Vety Department Minister Dr. K. Beichhua chuan Mizoram chhunga Vawk pul hri leng mek, African Swine Fever avanga Vawk chan te chhawmdawlna tur Sawrkarin a ngaihtuah mek tih a sawi.

MSU in zirlaite chawimawi

Mizo Students’ Union (MSU) General Hqrs. chuan kumin a Higher Secondary School Leaving Certificate (HSSLC) result chhuaka Mizo Top 3 te hnenah nizan hmasa khan chawimawina an hlan.

ASF vangin Vawk 740 thi tawh

Nimin khan Serchhip District-ah ASF vanga Vawk thi 27 chhinchhiah belh leh niin heng te nen hian Serchhip District khaw 7-a ASF vanga Vawk thi chu 740 a ni ta a, heng zinga 237 te chu New Serchhip ami niin nimin khan Vawk thi 2 chhinchhiah belh an ni. Nimin-a Vawk thi chhin-chhiah belh zinga 18 te hi Thenzawl ami an ni a, Thenzawl-ah hian ASF vangin Vawk 197 zet a thi tawh bawk a ni. Nimin khan Serchhip District-a khaw 6-ah chhan hriatloh a Vawk thi 16 a awm belh leh bawk a, heng zinga 5 te chu Chhingchhip Mualpui ami niin Serchhip Chhim Veng-ah Vawk thi 5 a awm bawk a ni.

Vaccine lak leh theih dawn

Serchhip District-a COVID-19 vaccine pek hna kalpui mekah kum 18 chunglam vaccine la la lo tan Vawiin, July 2, 2021 hian chawhma dar 10:00 atanga chawhnu dar 2:00 thleng hian Serchhip CMO Office-a Main Centre-ah vaccine lak leh theih a ni dawn a. Online hmanga inziak-lut theilo te tan pawh a hmunah inziahluh chawp theih a ni dawn a, Aadhaar Card ken tur a ni ang.

No Parking Area-ah puang

Serchhip District Superintendent of Police, Stephen Lalrinawma chuan thuchhuah siamin Serchhip Kawnpui North Village Council ten Leisang Veng-a kawng kawi zauh nana PCC flooring an siamna hmun chu Serchhip Kawnpui North VC in an ngen anga enfiah a nih hnuah lirthei leh mipui te kan him zawk nan Leisang Veng-a Lalchhandama In atanga Malsawmtluanga In inkar, National Highway-54 kawng chhaklam meter 50-a thui chu No Parking Area atan a puang.

Hri kai 669 tling tawh

Niminpiah khan Serchhip District-ah hri kai mi pahnih hmuhchhuah niin Serchhip District-a COVID-19 hri kai hmuhchhuah chu 669 an ni tawh.

Mizoram-ah hri kai sing hnih aiin an tam tawh

Niminpiah-a Mizoram-a Sample enfiah 3534 atangin COVID-19 hri kai mi 256 hmuhchhuah leh niin Mizoram-a COVID-19 hri kai hmuhchhuah chu mi sing hnih aiin an tam ta.

ASF vangin Vawk 22 thi leh

Nimin khan Serchhip District-ah ASF vanga Vawk thi 22 lai a awm belh leh a, heng zinga 11 te hi Thenzawl khua ami niin Chhiahtlang-ah 7, New Serchhip-ah 3 leh P&E Veng-ah pakhat a thi bawk. Nimin thlengin Serchhip District-a ASF vanga Vawk thi chu 713 an tling tawh a, nimin khan Serchhip District chhunga khaw 5-ah chhan hriatloh a Vawk thi 7 awm belh leh bawkin nimin thlengin chhan hriatloh a Vawk thi hi 207 a tling tawh bawk a, heng zinga a tam zawk te hi Serchhip khawchhung ami a ni bawk.

Sub-Hqrs. YMA in Darnam Veng-ah thilpek hlanin NH. 54 kawng laihzauh mek an tlawh

Image
Serchhip Sub-Hqrs. YMA chuan hri leng avanga harsatna tawk mek Serchhip Darnam Branch YMA te hnenah nimin khan mipui mamawh buhfai leh chawhmeh hlanin nimin vek khan Serchhip leh Keitum inkar-a National Highway-54 kawngpui laihzauh hna thawh mek chu an en nghal bawk .

Vawiin ah thukhawm dawn

Serchhip District Disaster Management Authority chu Vawiin chawhma dar 11:30 hian thukhawmin Serchhip District-a hri leng avanga inkaihhruaina hman mek chungchang an ngaihtuah dawn a. He Meeting hian kaihhruaina thar a rel fal hma loh chuan June 20 leh 21, 2021-a Serchhip Distict tana kaihhruaina lo siam tawh chu hman chhunzawm zel tur a nih thu Serchhip District Bawrhsap chuan thuchhuah siamin a tarlang a. Thupek zawmlo te chu Disaster Management Act, 2005 Section 51 atanga 60, The Mizoram (Containment & Prevention of The spread of COVID-19) Act, 2020 leh IPC Section 188 hmangin hrem theih an ni ang.

Hri kai pakhat hmuh belh

Serchhip District-ah COVID-19 hri kai en-kawllai mi 34 an awm mek.

Thenzawl-ah July 4 atangin Vawk talh khap dawn

Serchhip District chhunga Thenzawl khua ah tun thla ni 4 atang khian Vawk talh khap a ni dawn.

CMRF atangin tanpuina sem

Serchhip District in Chief Minister's Relief Fund atanga sum a dawn te chu Lockdown kalpui mek avanga harsatna tawk te chhawmdawlna atan semchhuah leh a ni.

Chanchin thar thenkhat :

Khawzawl DC in Media kawm

'MSU Smart Phone for BPL/AAY Family Students Project' hnuaiah MSU in Handet 33 an dawng

Mizo Students’ Union (MSU) chuan 'MSU Smart Phone for BPL/AAY Family Students Project' kaltlangin nimin khan Smart Phone Handset 33 an dawng.

Online Education Committee thutkhawm neih a ni

Mizoram sawrkar-a Human Resource Development Board Vice Chairman, L. Thangmawia kaihhruai 'Online Education Committee'  chu niminpiah khan thukhawmin COVID-19 hrileng avanga School khar ngai leh chumi nghawng avanga zirna pangngai kalpui theih loh laia mumal zawka zirna kalpui dan tur chungchang an sawiho.

Model atana an duh khawp inremna a ni - CM

Chief Minister Zoramthanga chuan India sawrkar leh MNF inremna chu ramchhung mai ni lo, Myanmar ram leh hmundang pawhin-a entawn, Model atana an duh khawp inremna a ni tih a sawi.

Assam Police-te rawn luhna Vairengte thlangah IR Police Camp sa nghal turin hma lak a ni

Niminpiah-a Assam Police leh mipui thenkhat ten Mizoram leh Assam ramri kan-a Mizoram chin an rawn luh avanga buaina kal zelah tunhnaia Assam Police te rawn awmna Vairengte tlak lam, Aitlang zau-a Chhandama huan-ah ramri venghim turin IR Police Camp sak tan nghal tura ruahman a ni.