Latest News

JAC on Inner Line Reserved Forest demand in lawmthu sawiin, inbiakna neih rihloh an duh

Joint Action Committee on Inner Line Reserved Forest Demand chuan Mizoram Police ten hnehtu chan an chang zawk chu lawmawm an tih thu an sawi.

Nimin-a thuchhuah an siamah JAC on Inner Line Reserved Forest Demand chuan kan ram dan lo anga Assam Police ten an luah leh, luah belh lehzel an tumna Mizoram Police ten lo danga, kan ram leh hnam chhan nana Silai hmet puaka hnehtu chan an chang zawk chu lawmawm an tih thu hi sawiin, Vairengte khaw mi leh thalai rual te huai taka Assam lo chet zelna tur lo danga, mahni nunna pawh chan ngam khawpa an che chu an chhuan thu leh lawmawm an tih thu an sawi bawk.

JAC on Inner Line Reserved Forest Demand chuan Assam sawrkar in Mizoram chhung 509 sq miles-a awm Assam Police te a hnuhlet vek hma loh te, Assam Sawrkar Forest Department in a enkawl Inner Line Reserved Forest 509 sq miles hi Mizoram Forest Department enkawl tura a pek let hma loh te, Inner Line Reserved Forest chhunga Assam sawrkar in dan lo anga a din khua leh dan lo anga a chen tir Bangladeshi te hi a lakchhuah vek hma loh te, Assam sawrkar in Mizoram loneitute huan leh thlai a tihchhiat sak zawng zawngte zangnadawmna a pek hma loh leh kan pi leh pu tena ro an rel tawhna, Thangram Indigenous People Area chu Mizoram-a a dahlet hma loh chuan eng Level-ah mah Mizoram sawrkar chuan Assam hi be lo tura an duh thu an sawi bawk.

Comments

Popular News (Last 30 Days)