Latest News

Mizoram-ah hri kai hmuhchhuah an la pung zel

Mizoram-a COVID-19 hri kai hmuhchhuah chu ala tlahniam thei tak tak lo a, niminpiah khan Sample 4829 enfiah atangin hri kai 468 hmuh leh niin Sample enfiah atanga za zela 9.69 te chuan hri an kai a ni.

Niminpiah khan ZMC-a RT-PCR Laboratory-ah Sample 1470 enfiah niin heng atang hian hri kai 104 hmuh leh an ni a, heng hri kai hmuh te hi Aizawl District-a Sample lak vek niin Bawngkawn Containment Zone-ah hri kai mi 14 hmuh an ni a, Armed Veng South-ah 13, Armed Veng Containment Zone-ah 11 leh Electric Veng-ah hri kai mi 10 hmuh an ni a, hri kai nen inkawmhnaihna neih avanga inkhunghrang lai deuh vek niin hri leng dona kawnga thawktu mi 10 lai an tel bawk a ni.

District hrang hranga TrueNat Laboratory-ah niminpiah khan Sample 386 enfiah ni lehin hri kai 17 hmuh an ni bawk a, an zinga mi 10 te hi Lunglei District-a hri kai hmuhchhuah te niin an zinga 5 chu State pawn atanga rawn lut niin midang 5 te hi Lunglei khawpui chhung ami an ni a. Aizawl District-ah hri kai mi 4 hmuh niin Lawngtlai District-ah 2 leh Kolasib District-ah hri kai pakhat hmuh an ni bawk.

Mizoram hmun hrang hrangah Rapid Antigen Test hmangin Sample 2973 enfiah niin hri kai 347 hmuh an ni a, heng zinga 219 te chu Aizawl District-a hri kai hmuhchhuah niin Tuirial-ah hri kai mi 32 zet hmuh thar an ni a, Sairang Dawr Veng Containment Zone-ah hri kai 30 hmuh ni bawkin Luangmual leh Venghlui-ah hri kai 12 ve ve hmuh an ni bawk. Heng bakah hian Lawngtlai District-ah hri kai mi 44 hmuh niin an zinga mi 29 te chu Lawngtlai khawpui chhung ami an ni a. Lunglei District-ah hri kai 39 hmuh niin an vai hian Lunglei khawpui chhung ami vek an ni. Kolasib District-ah hri kai mi 33 hmuh niin Siaha District-ah 8 leh Saitual District-ah hri kai mi 3 hmuh an ni bawk.

Heti hian nimin thleng khan Mizoram-a COVID-19 hri kai hmuh tawh chu 25,170 an tling ta a, nimin khan hri kai enkawl zingah mi 60 te chu enkawl dam leh niin heti hian nimin tlai dar 5:00 thlenga Mizoram a hri kai enkawl dam chu 20,054 an ni ta a. Hei hi hri kai hmuhchhuah te atanga chhutin za zela 79.67 a ni a, tunah hian hri kai enkawllai 5003 an la awm mek a ni.

Hri kai zingah mi pahnih boral leh :

Nimin khan Mizoram-a COVID-19 hri kai zingah mi pahnih boral lehin Mizoram-a hri kai zingah mi 115 lai an boral tawh a ni. Nimin chhun dar 12:30 khan Tialhaia (90), Chanmari Lunglei chu ZMC ah a boral a, amah hi Tawipui South khua niin damlohna avanga inenkawl tura Lunglei-a khawsa leh a hnua hri kai hmuhchhuah a ni. Nimin vek chawhnu dar 2:45 khan K. Sanglura (93), Chhinga Veng Aizawl chu ZMC-ah a boral ve leh bawk.

Comments

Popular News (Last 30 Days)